ONE.COM.MT • L-eks kandidat tal-Partit Nazzjonalista, Salvu Mallia, qal li jixtieq id-deni kollu tad-dinja lill-Ministru Owen Bonnici.
Huwa qal dan waqt li kien mistieden fuq programm ta’ diskussjoni tal-Partit Nazzjonalista filwaqt li ddeskriva lil Malta bħala miżbla u imbarazz.
KITBA: ONE NEWS
FILMATI: NET TV / ARKIVJI
Salvu Mallia, li kkontesta elezzjoni ġenerali mal-Partit Nazzjonalista, kien mistieden fuq Net Television b’wieħed mill-messaġġi ewlenin tiegħu ikun dwar kemm jixtieq deni lill-Ministru Owen Bonnici.
Mallia huwa fost dawk imfittxija mill-Partit Nazzjonalista biex jattakka l-Gvern u mhux darba u tnejn ilissen diskors ta’ mibegħda.
Skont Salvu Mallia, lill-Ministru Bonnici ma jistax ma jisħtux, fost l-oħrajn għax fuq il-PBS qed issir il-produzzjoni Love Island. Jirriżulta li l-PBS jagħmel profitt minn produzzjoni bħal din.
SALVU MALLIA
Doctor Owen Bonnici, nispera li tismani li qed ngħid, jiddispjeċini ngħidlek imma jiena bħala Malti ma nistax ma nisħtekx u ma nixtieqlekx id-deni kollu tad-dinja.”
Lil Mallia ‘Love Island’ ma jogħġbux, u qal li dan mhux għax qed jixjieħ. Biex jagħti eżempju li mhux il-każ qal li jaqbel li jkun hemm bajja għall-għarwenin. Fl-istess waqt, dak li kien star candidate tal-establishment tal-PN insista li l-Gvern qiegħed jirvina l-pajjiż.
Filwaqt li fuq l-istazzjon tal-Partit Nazzjonalista, Mallia uża l-ħin tiegħu biex jitkellem kontra l-vaċċin tal-Covid-19, huwa qal hekk ukoll fil-konfront tal-Gvern.
SALVU MALLIA
“Dawn ma għandhom ebda policy ħlief li jirvinaw il-pajjiż, biss.”
Intant, Salvu Mallia ddeskriva lil Malta bħala miżbla u imbarazz.
6 сен 2024