Шоир Рауф Парфининг ҳайкали узоқ тортишув ва сарсонгарчиликлардан сўнг ниҳоят Ўзбекистон Давлат санъат музейида қўним топди. Ўзбек халқ шоирига бағишлаб 27 март куни ўрнатилган ушбу ёдгорлик биринчиси бўлди. 8 тонналик ҳайкал ўзбек ҳайкалтароши Азамат Хотамовнинг икки йиллик меҳнати махсули.
Рауф Парфи ҳайкали эса шоирнинг 80 йиллиги арафасида унинг мухлислари йиққан пул ва YUZUK нодавлат ташкилотчилиги асосида яртилди. Икки йил аввал Ўзбекистонда Рауф Парфи хотирасига бронза ҳайкал ўрнатиш учун тарихчи Дилбар Ғаффорова бошчилигидаги бир гуруҳ зиёлилар пул йиғиш ҳаракатини бошлашганди. Ўзбекистоннинг яқин тарихида илк бор шоир учун элнинг ўзи маблағ тўплади. Мамлакат ичкариси ва ташқарисидаги зиёлийлардан қисқа вақт ичида 100 миллион сўмдан зиёд пул йиғилди.
Маросим 16 март куни ўтказилиши ҳақида эълон қилинган эди. Ўтказилиши кутилаётган кеча давомида Рауф Парфи шеърлари, унинг ижоди тўғрисида маърузалар ўқилиши режаланганди. Мўлжалланган санага бир кун қолганида “юқорининг буйруғи” сабаб тадбир 27 март кунига қолдирилгани маълум бўлди.
🔴 t.me/ozodlikkanali kanaliga obuna bo'ling!
🔴 Bizga xabar yo'llash uchun 👉 @ozodnews
Shoir Rauf Parfining haykali uzoq tortishuv va sarsongarchiliklardan so‘ng nihoyat O‘zbekiston Davlat san’at muzeyida qo‘nim topdi. O‘zbek xalq shoiriga bag‘ishlab 27-mart kuni o‘rnatilgan ushbu yodgorlik birinchisi bo‘ldi. 8 tonnalik haykal o‘zbek haykaltaroshi Azamat Xotamovning ikki yillik mehnati maxsuli.
Rauf Parfi haykali esa shoirning 80 yilligi arafasida uning muxlislari yiqqan pul va YUZUK nodavlat tashkilotchiligi asosida yartildi. Ikki yil avval O‘zbekistonda Rauf Parfi xotirasiga bronza haykal o‘rnatish uchun tarixchi Dilbar G‘afforova boshchiligidagi bir guruh ziyolilar pul yig‘ish harakatini boshlashgandi. O‘zbekistonning yaqin tarixida ilk bor shoir uchun elning o‘zi mablag‘ to‘pladi. Mamlakat ichkarisi va tashqarisidagi ziyoliylardan qisqa vaqt ichida 100 million so‘mdan ziyod pul yig‘ildi.
Marosim 16 mart kuni o‘tkazilishi haqida e’lon qilingan edi. O‘tkazilishi kutilayotgan kecha davomida Rauf Parfi she’rlari, uning ijodi to‘g‘risida ma’ruzalar o‘qilishi rejalangandi. Mo‘ljallangan sanaga bir kun qolganida “yuqorining buyrug‘i” sabab tadbir 27-mart kuniga qoldirilgani ma’lum bo‘ldi.
Uzbek | Uzbekistan | Ozbekiston | Ozbek | Yangiliklar | Xabarlar | Mirziyoyev | Tezkor |
#ozodlik #tashkent #raufparfi #shoir
26 мар 2023
