1920-ci il aprelin 17-də Həmid Sultanov Rəsulzadəyə ultimatum göndərir ki, hökuməti təhvil ver. Məmmədəmin vermək istəmir. Belə olduqda Əliheydər Qarayev ona acıqlanaraq deyir ki, gözlərini çıxardaram. Məmmədəmin ona cavab verir ki, “sən bütün millətin gözlərini çıxardın, Əliheydər! Sən bir güllə atmadan milləti məhv elədin. Amma gün gələr, “tovarişlər” səni güllələyəndə, məni xatırlayarsan. Onun dediyi kim də oldu. 17 il sonra sovetlər onu güllələyirlər.
Əliheydər Qarayev əvvəlcə mollaxanada, sonra Şamaxı realnı məktəbində oxumuş, bir müddət Bakıda rus-tatar məktəbində dərs demişdir. 1916-cı ildə Don (indiki Novoçerkassk) Politexnik İnsitutuna daxil olmuş, tələbələrin inqilabi çıxışlarında iştirak etmişdir. 1917-ci ildə Şamaxı Fəhlə və Əsgər Deputatları Sovetinin sədri olmuşdur.
Bakıda sol radikal sosialistlərin liderlərindən biri kimi Əliheydər Qarayev parlament üzvü olmaqla yanaşı mətbuat tarixinə jurnalist, qəzet və jurnal redaktoru, bolşevik ideyalarının təbliğatçısı kimi daxil olmuşdur. Onun redaktorluğu ilə "Bakı Fəhlə Konfransının Əxbarı", "Zəhmət", "Zəhmət Sədası", "Oktyabr İnqilabı", "Füqəra Sədası" qəzetləri və "Məşəl" jurnalı buraxılırdı. Doğrudur, bunlardan bəzilərinin yalnız bir nömrəsi çıxmış, bəzisi isə biri-digərini əvəz etmişdir.
1920-1931-ci illərdə digər müxtəlif məsul vəzifələrdə çalışmış, Azərbaycan Müvəqqəti İnqilab Komitəsinin üzvü, Bakı Müvəqqəti İnqilab Komitəsinin sədri, xalq əmək komissarı, xalq hərbi dəniz işləri komissarı, Bakı Sovetinin sədri işləmişdir.
Lakin o da, Stalin repressiyasından kənarda qala bilmədi.
1938-ci ildə "əksinqilabçı millətçi mərkəzin işi" ilə əlaqədər olaraq güllələnmişdir
3 фев 2018