Ko‘zlarga nur, qalbga quvonch, oilalarga shodlik ulashayotgan 4-sektor rahbarlari
Shirin shahrining “Farhod” mahallasida yashovchi Zuhra Toshtemirovaning bir necha yillardan beri ko‘zlaridan nur ketayotgandek, tobora ko‘rish qobiliyati sutslashib, borliq xiralashib boraverdi. Ko‘zlarga taqilgan linzalar o‘zining salbiy ta’sirini ko‘rsatdi. Ko‘zlardagi shohpardalar shikastlandi. Oilada sharoit xaminqadar. Davolash uchun poytaxtga klinikaga borish zarurati ortib bordi.
Shu kunlari Shirin shahrida viloyat soliq boshqarmasi boshlig‘i, 4-sektor rahbari Ulug‘bek Xatamov boshchiligida sayyor qabul o‘tkazilishi haqidagi xabar uning yuragida umid uchqunlarini uyg‘otdi. Zuhraning murojaatini diqqat bilan tinglagan sektor rahbari ko‘zlariga shifo topishida ko‘mak ko‘rsatishga tayyor ekanligini aytganida sayyor qabulga yig‘ilganlarda ham xursandchilik kayfiyati ortib ketdi.
Natijalar uzoq kuttirmadi. Poytaxtning eng oldi klinikasida davo muolajalari yaxshi o‘tkazildi. Qalblarga quvonch bahsh etib, shodlik yoshlari bilan ko‘zlarga nur qaytdi. Oila a’zolari, yaqinlar, mahalladoshlar Zuhraning davo topayotganidan mamnun ekanliklarini bot-bot takrolashdan yurtga tinchlik, farovonlik tilashdan, duolar qilishdan to‘xtamaydigandek. Sektor rahbarlari tomonidan xayrli va savob ishlar davomiyligi hali ko‘plab xonadonlarga quvonch olib kirsa ajab emas.
Ilg’orbek Xalilov
9 июн 2024
