Sati Sitaji's Sajjay with details / meaning and story in gujarati by Vrushti Shah from Surat (Gujarat), if you like our videos please SHARE | LIKE | SUBSCRIBE
LYRICS :
સીતાજીની સજઝાય
જનક સુતા હું નામ ધરાવું, રામ છે અંતર જામી
પાલવ મારો મેલને પાપી, કૂળને લાગે છે ખામી,
અડશો માજો માજો(૨).
મારો નાવલીયો દુહવાય
મને સંગ કેનો ન સુહાય, મારું મન માંહેથી અકળાય...અડશો માજો માજો.
મેરૂ મહિધર ઠામ તજે જે; પથ્થર પંકજ ઉગે
ને જલધિ મર્યાદા મૂકે, પાંગળો અંબર પૂગે.
તો પણ તું સાંભળને રાવણ, નિશ્ચય શીલ ન ખંડુ,
પ્રાણ અમારા પરલોક જાએ, તો પણ સત્ય ન છંડું.
કુણ મણિધરનો મણી લેવાને, હૈડે ઘાલે હામ,
સતી સંગાથે સ્નેહ કરી ને, કહો કુણ સાધે કામ.
પરદારાનો સંગ કરીને, આખર કોણ ઉગરીયો?
ઊંડું તો તું જોને આલોચી, સહી તુજ દહાડો ફરીયો.
જનક સુતા હું જગ સહુ જાણે, ભામંડળ છે ભાઈ,
દશરથ નંદન શિર છે સ્વામી, લક્ષ્મણ કરશે લડાઇ.
હું ધણીયાતી પીયુ ગુણ ગાતી, હાથ છે મારે છાતી,
રહે અળગો તુજ વયણે ન ચલું,કાં કુળ વાવે છે કાતી.
'ઉદય રત્ન' કહે ધન્ય એ અબળા, સીતા જેહનું નામ,
સતીઓમાંહી શિરોમણી કહીએ, નિત્ય નિત્ય હોજો પ્રણામ.
15 сен 2024