Добре од Кумановско Градиште може да се опише во роман. Од доброто очигледно дека само му останало името. Зашто, ништо добро освен раѓањето на децата, не му се случило. Живот без струја и вода. Без храна и пари. Живот со глад и солзи, ќе бидат причината поради која 10 годишната Ангела ќе ја натераат да го пријави нејзиното семејство во #СрцеНаДланка. Ова семејство од 7 луѓе спие во 10м2. Единствен оброк му е попара од шеќер и вода. А, вода обезбедува само доколку небото се смилува да заврне, па, така да се избањаат и да ги исперат алиштата.
Билјана Пандурска е жртва на семејно насилство. Толку била тепана ќе рече таа, што еден ден, откако ќе роди 6 деца, две години нема да знае за себе. Згрижена во болница, сопругот се откажува од сите деца. Дел од нив заминуваат во дом, дел во дом семејства. Едно семејство престанува да постои. Многу судбини се од корен сменети.
За жал, Билјана од тој момент до денес живее многу тешко. Со 4000 денари месечно, собира шишиња за да преживее. се храни во народни кујни. Често легнува и гладна. Се надева дека откако ќе ја каже својата приказна, макар едно од децата ќе и прости и ќе живеат заедно како некогаш.
14 окт 2024
