StarTalk一氣呵成版｜以輕鬆心情迎戰反有更好發揮 古淖文盼擁有更多個人代表作
今次《StarTalk》專訪 許文軒 邀請到《中年好聲音2》嘅冠軍得主 古淖文 做嘉賓，German同大家分享整個比賽階段嘅心情，佢話自己無諗過會攞到咁好成績，佢嘅心態，只係想每一次都爭取到唱歌嘅機會，相隔15年再參加咁大型嘅長途賽，古淖文希望見到自己有更大進步。
而至於自己最大嘅優勢，就係一直保持住輕鬆嘅心態迎戰，尤其同小辣椒 谷婭溦 合唱《Bad Boy》，引爆全場氣氛，更破天荒獲得所有評判一致俾出滿分20分，令古淖文都激動到流下男兒淚，嗰次之後古淖文就更加體會到，一定要抱住輕鬆嘅心情，先可以發揮到更好嘅水準。
入行15年，佢同星光幫嘅感情依然係咁好，彼此更會互相支持同鼓勵，佢仲談及大家一齊為羅力威嘅歌曲《星光》拍MV，而自己當時因為同肥媽去咗登台，差啲參演唔到，但好彩最後都趕得切，一落機就拉住個行李走去拍MV，可見大家嘅友情絕對簡單，古淖文又話好開心見到陳蕾終於喺紅館開自己個人演唱會，佢真係好戥好朋友開心，亦為佢感到驕傲，而家自己喺歌唱事業上亦吐氣揚眉，嚟緊好希望有一首自己嘅歌曲同埋有機會出碟，去表達自己而家嘅狀況，希望好似偶像梅姐梅艷芳咁，有更多自己嘅代表作。
#StarTalk #古淖文 #許文軒 #迎戰心情 #輕鬆 #優勢 #星光幫 #羅力威 #星光 #陳蕾 #出歌 #出碟 #梅艷芳
#TVB #娛樂新聞 #TVB娛樂新聞台
#ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
bit.ly/2TXLlM0
20 апр 2024
