Ta njohim vetveten
PARKU ARKEOLOGJIK BYLIS !
Bylisi është një nga qendrat më të rëndësishme arkeologjike të Shqipërisë, por pak i njohur nga turistët vendas dhe të huaj. Qyteti që dikur ishte qendra e Ilirisë jugore ka sipërfaqen më të madhe të mozaikëve në Ballkan, të cilët këtë vit kanë nisur të zbulohen për vizitorët.
Parku arkeologjik Bylis ndodhet në krahinën e Mallakastrës, në krahun e majtë të rrugës nacionale Fier - Tepelenë, 1.5 km larg fshatit Hekal. Qyteti antik i Bylisit shtrihet në pllajën e një kodre me lartësi 547 metra mbi nivelin e detit. Bylisi ka qenë qyteti Ilir më i madh në Ilirinë e Jugut, me një sipërfaqe prej 30 ha, brenda së cilës ndodhen monumente të periudhave të ndryshme.
Bylisi është themeluar në vitet 370 - 350 para Krishtit dhe ka qenë kryeqendëra e bashkësisë Byline, pjesë e krahinës së madhe Ilire të Atintanisë, ku përfshiheshin disa qytete të luginës së poshtme dhe të mesme të Aoosit (Vjosës). Parku Arkeologjik Kombëtar Bylis ka thesarin e mozaikëve paleokristian, të shekujve V - VI, më të bukur e të mëdhenj jo vetëm në Shqipërinë, por edhe në Ballkan.
28 апр 2024