Tayo’y Sumampalataya, Manalig, At Umasa 

Tayo’y Sumampalataya, Manalig, At Umasa
Composition by Sister Ma. Miki Millare
Arrangement by Brothers Jason Charles Yumul & Victor Marcos
Vocals by Brother Jethro Fajardo & Sister Ran Kabigting
Minus one starts at 5:43
1
Tanawin, mga daang nalampasan
Nang subukin ang tiwala sa Ama
Panahong mundo’y hindi umaayon
Sa ating hinahangad
Ngunit tayo ay hindi nahadlangan
Naingatan ang ating kahalalan
Siya ang naging kanlungan at lakas
Hapis ay nalampasan.
Pre-Chorus
Pilit mang ubusin, ating pag-asa
Kaliwa’t kanang hirap ay
Itiwala natin sa Kaniya.
Chorus 1
Tayo’y sumampalataya
Oh manalig pa
Huwag limutin na umasa
Sa magagawa ng Ama
Dahil nakikinig Siya
Sumampalataya
Oh kahit mabigat pa
Huwag padaig sa problema
Siya ang lagi nating tanglaw
Kaya’t huwag mag-alala!
2
Kalungkutan, ‘di rin natin naiwasan
Kadalamhatian at kabiguan
Pahinga’y maya’t mayang inaasam
Kailan makakamtan?
Manalangin, maghintay, magtiwala
Walang pag-aalinlangan o duda man
Kahilingan ay tiyak na igagawad
Panatag kailanman.
Bridge
O kapatid, bakit parang ang lalim ng iniisip mo?
Parang lagi ka na lang problemado?
Kasi, talagang mahirap na ang buhay
Para bang ang araw-araw, walang kulay?
May dahilan pa ba para magpatuloy?
O kalungkutan na lang ang dumadaloy
O kapatid, naaalaala mo pa ba?
Matagal nang sa ati’y pinagpauna
Sandaling panahon lang ang kahirapan
May inilalaan sa ating tunay na tahanan
Hindi mo dapat malimutan
Dako kung saan wala nang kalumbayan
Malapit na, oh malapit na
Dapat sumampalataya, manalig, at umasa.
Chorus 2
Tayo’y sumampalataya
Oh manalig pa
H’wag limutin na umasa
Sa magagawa ng Ama
Dahil nakikinig Siya Sumampalataya
Oh kahit minsan’y mahirap nga
Ang kaligtasa’y malapit na
O kapatid, manghawak pa
Tayo ay ililigtas Niya.
#incoriginalmusic
#contemporarymusic
#iglesianicristo

Видеоклипы