Te Tarata! Ho! 

HAKA PŌHIRI RAU RĀKAU
Tēnā i ruia
Ruia Ruia
Hikohiko te uira papā te whaititiri
Whakahekeheke ana mai runga o Ōpōtiki
E i aha tērā
Ko te mana o Kuini pea
E awhi ana i te tikanga
Ka korikori te ture whakarunga
Ui atu kia Mita Rēnata
Nō wai tērā pere
Hai aha tērā pere
Kai te kimi tonu ake te oranga mō te iwi Māori e
Ara kai runga rānei
Kai raro rānei
Kai kō rānei
Anei ake rānei
Haere mai
Haere mai
Haere mai
Haere mai ki Ōhui kia kata noa mai te kīkihitara kōtipatipa kōhurehure kīkihipounamu e tangi ana ki tōna whenua
Auē auē auē hā
Auē auē auē hā
KO TE PŪRU
Tēnā i poua, ko te Pūru,
Ko te Pūru koa
Aha whakatangatanga ki runga
Whakatangatanga ki raro
E kore te ora e tae mai ki kōnei i te ture
O te mate, pūkawautia koa
Aha te, aha ta, aha tau, aha te riri e
E ko ngā ngirangira, ko ngā hotahota
O te whitau tapahia
Ā e hō!
Ka awheawhea te rua tamariki
Ā e hō!
Nāu i whai mai ki aku nui
Ā e hō!
I kite ai koe, ā e hō!
I taku taurape, ā e hō!
I te rā rua o te tara o te whitau tapahia
Ā e hō!, HĪ!
HE KAU RĀ
He kau rā, he kau rā
Ū he kau Kāwana koe,
Ū he kau Kāwana koe
Kai miti mai te raurēkau
He kau rā, he kau rā
Ā hī!
AWHEA TŌ URE
Awhea tō ure ka riri
Awhea tō ure ka tora
E ko te taiwīwī! E ko te taiwāwā!
E ko te taiwīwī! E ko te taiwāwā!
Hī Hī Hā!
TĒNEI KŪKUTIA
Tēnei kūkutia Au!
Tēnei wherahia Au!
Ka rere atu rā te kekeno ki tawhiti
Titiro mai ai!
Āha Āha Āa