Addunyaan as deemtu haalaan nama sodaachisti. Yeroo ammaa kana miidiyaalee mootummaa caalaa, miidiyaalee hawaasummaatu fudhatama guddaa qaba. Irra caalaan namaa social media irra oola. Waggoota muraasa dura yeroo Facebook beekamtii argataa dhufutti, Sheekotiin muraasni Facebook kana Fasaad buuk jedhanii ummata irraa dhoorkaa turan. Warri gaafas ummata irraa dhoorku kan har’a aktiivistii Facebook tahes ni jira. amma ammoo Tiktoktu addunyaa dhuunfatutti jira. kan tiktook kun sheekotii qofa osoo hin taane, warroota lixaatis rifachiisee jira. Tiktok balaa guddoon addunyatti dhufaa jira. keessattuu dhaloota dhufu kara hin taane oofutti jira. kanaafuu waan kana dura dhaabbachuu qabna jedhanii maritti jiran. Namoonni dhageettii guddaa qaban heddu, dhaabbanni google fi Apple Application tiktok akka block godhan gaafachutti jiran. Aktiivistoonni keenyas kan tiktok kana balaaleffatan heddu. Daa’ileen bebeekkamoonis tiktok kana hammeenya isaa dubbatan. An garuu waan addaa kan akkaan nama sodaachisu tokko isiniif himuuf deema.
3 окт 2024