The Middle High German Minne song “Under der linden” (engl. Under the lime tree), written by Walther von der Vogelweide, describes - from the perspective of the young woman - an encounter between two lovers. Their tryst is observed only by a nightingale, that sings “Tandaradei”. The melodie is taken from the french troubadour song “En mai au douz tens novels”.
Under der linden an der heide,
dâ unser zweier bette was,
dâ mugt ir vinden, schône beide,
gebrochen bluomen unde gras.
vor dem walde in einem tal
tandaradei!
schöne sanc die nachtigal.
ich kam gegangen zuo der ouwe,
dô was mîn friedel komen ê.
dâ wart ich enpfangen hêre frouwe,
daz ich bin sælic iemer mê.
kuster mich? Wol tûsentstunt!
tandaradei!
seht wie rôt mir ist der munt.
dô het er gemachet alsô rîche
von bluomen eine bettestat.
des wirt noch gelachet inneclîche,
kumt iemen an daz selbe pfat.
bî den rôsen er wol mac ¬
tandaradei! ¬
merken, wâ mirz houbet lac.
daz er bî mir læge, wessez iemen,
- nu enwelle got - sô schamt ich mich.
wes er mit mir pflæge, niemer niemen
bevinde daz, wan er und ich
und ein kleinez vogellîn.
tandaradei!
daz mac wol getriuwe sîn.
10 сен 2024
