Səs: Xalq artisti Eldost Bayram
Foto və video montaj :Aysel Abdul
Səs rejissoru :Tofiq Balayev
Musiqi tərtibatı :Elnur sadiq.
Kişilər görmüşəm, qisməti,payı
Böyük bir külfətdir, balaca otaq,
Hər axşam qadını dəmləyən çayı
Yüz-yüz ziyafətə dəyişməz ancaq.
Qadınlar görmüşəm, ac-susuz qalıb,
Ürəyi həsrətdən bişəsi olub.
Yollara baxmaqdan gözü qaralıb,
Çeşməyi pəncərə şüşəsi olub.
Rəislər görmüşəm, sinə qəfəsi
Az qalıb, partlasın bir zəng səsindən.
Hirsini soyudub qadın nəfəsi
Evdə şəfa tapıb bir təbəssümdən.
Qadınlar görmüşəm, dünya qəmini
Evindən didərgin salır hər axşam.
Kişi ürəyinin sarı simini
Qayğı mizrabıyla çalır hər axşam.
Hardasa başına yağır alqışlar,
Kiməsə şöhrətin,adın gədəkdi.
Evdə ipək əllər, gülgün baxışlar,
Evdə səni duyan qadın gərəkdi.
Sevən ürəklərdə bir istək gəzir,
Bir şirin təbəssüm, bir loxma çörək.
Vəfalı kişilər evə tələsir
İlk görüş yerinə tələsənlərtək.
14 май 2020