Turtips: Aursjoen kulturstig i Skjåk 

Turtips: Aursjoen kulturstig i Skjåk
Kulturstigen Vatnet i Skjåk er ein enkel rundtur som tek deg forbi vassvegar og tjern - i lettgått terreng og med vakker utsikt.
- Beste utgangspunkt: Parkeringsplassen på toppen av Aursjovegen i Skjåk.
- Total lengde: 5,5 km. som rundtur.
- Tid: 1,5-3 timar totalt.
Vatnet Aursjoen og områda rundt - er ei naturperle i Skjåk kommune. Her ligg kulturstigen Vatnet ved Flåtåtjønn. Langs stigen er det sett opp informasjonstavler som fortel om vassanlegg og vassveiter og andre eineståande kulturminnesmerke. Turen er godt merka - og har lite stigning.
Ta med deg fiskestong og prøv fisken på Flåtåtjønn. På attendeturen går du langs vassveita som gjev vatningsvatn til gardar i bygda.
Ved Flåtåtjønn kan du ta av mot sør og følgje stignettet vidare til Bispberget, Forbergstjønn, Skamsarkampen og Einingstjønn. Du kan følgje stigen helt ned til Bismo eller gå via Bispberget til Bismo.
Korleis kome hit?
Litt vest for Bismo tek ein av på Fylkesveg 485 mot Jøingsli. Aursjovegen tek av til høgre 5 km vest for Bismo, det er skilta mot Aursjoen. Køyr 8,7 km til toppen der du ser Aursjoen og parkeringsplassen på di høgre side. Turen startar her.
Snurr film for å få eit inntrykk av turen!
Foto/redigering: Mari Arnøygard Wedum/ Visit Jotunheimen
Medfotograf og turfølgje: Tanja Gjeilo
Opptak: 18.06.2024

Кино