Paleon insident baş vermiş sistemdə kritik informasiyaları əldə etmək istədiyi üçün antivirus proqram təminatları Paleonu zərərverici proqram təminatı olaraq aşkar edə bilir (False Positive). Sözü gedən problemin qarşısı almaq məqsədi ilə icra edilə bilən fayl rəsmi sertifikat (code sign) ilə imzalanmışdır. Bundan əlavə olaraq bəzi vendorlar ilə əlaqə qurularaq False-Positive haqqında məlumat verilmişdir. Lakin buna baxmayaraq bəzi antivirus həlləri Paleon kollektorunu zərərli proqram təminatı olaraq görməyə davam edə bilər. Məsləhət görülür Paleonu işə salmazdan öncə sistemdə fəaliyyət göstərən antivirus həllini kollektor işini bitirənə qədər deaktiv edəsiniz.
Alət zərərverici ekspertizası üçün hazırlanmışdır. İstənilən şəxs istər öz kompüterində baş vermiş insidenti, istər inzibatçılığını etdiyi hər hansı korporativ şəbəkədə baş vermiş insidentin analizi üçün istifadə edə bilər. Bu aləti eyni zamanda məhkəmə ekspertizası və ya fərdi qaydada bilik və bacarıqların artırılması, analiz qabiliyyətinin inkişaf etdirilməsi məqsədi ilə də laborator alət kimi istifadə edilə bilər.
