Vim Txoj Kev Pluag Akou new song 2024 [ Hmong rapper] 

Zaj nkauj: Vim Txoj Kev Pluag
Sau-hu: Akou
Sponsor: Fong Lor ( USA )
music: La yang
Kaw-Mix: Nuj Xiong
Thaij-Txiav Txuas: ainou
Actors:
Qhua hawj
Lib Yang
Sis Nab
高元
ເນື້ອເພງ
Zaj nkauj: Vim Txoj Kev Pluag
[ Rap1 ]
Txhua txhua hnub thaum kuv sawv los ua rau kuv rhais ruam tsis taus
Zoo li tus tsiaj raug luag khi ua nyob hauv nkuaj nrog txoj saw hlau
Tsev laj cuj tsw ntxhiab tsw phem yeej tsis paub ntuj kag ntuj tsaus
Sij yus tau ntsib tib neeg ces yog thaum luag muab yus ncaws thiab muab yus ntaus
Niam thiab txiv es pab kuv thiab cas kuv yuav txom nyem ua luaj
Tsev tsaus ntuj thiaj txawj txawm nyem ib hnub noj thooj mov luaj qe kom yus txhob tuag
Luag muab yus ncaws cuag ncaws dev tsuas tshuav txoj sia nti ua luj luam
Raug luag hlawv ib ce txhav tag tuag lawm tsheej tsam mam hnov lub suab ncia tawm tuaj nrog lub kua muag
Cas yuav nco niam txoj kev hlub nco txiv txoj kev zoo tag npaum
Thaum tseem me neb nim hlub hlub ev kuv mus teb neb twb tsis ntaus
Cas hnub no kuv tuaj yuam kev raug lub txim tuag tsis muaj hnub dim hauv qhov taub
Txawm neb yuav hlub kuv npaum twg los zaum no yuav pab tsis tau
Niam thiab txiv e thov zam txim rau me tub mog
Vim yog lub neej txom txom nyem ntshai rwg tsam tsis zoo li luag los ua cas tseem zoo li no
Zaum no ntshe kuv niam kuv txiv neb yuav nyob ntsej muag ntshaus ntsho
Me koj niam hlub hlub wb cov me nyuam mog
Zaum no ntshe kuv lub npe txiv nws yuav ploj
Txij hnub no nej yuav tsis pom
Lub ntuj tsaus txawm nej tos tos loskuv yuav tsis rov qab los
Ib hnub mus qhau ib hnub ntshe nej yuav quaj nej yuav tos tos
Zaum no ntshe kuv pab niam tub nej yuav tau nyob ua ntsuag nos
Nej txiv tsis muaj txoj hmoo ces ntuj tsis pab teb tsis pov txiv yuav rov tsis tau lawm mog.....🥹
[ Singing ]
Tsuas ua nej luag khwv rau nej noj los txog txij no
Hnub no lawm tov yuav tsis muaj kuv ntxiv
Kuv niam kuv txiv thov neb zam txim rau tub
Vim lub neej pluag mi tub thiaj tuaj raug nkuaj
Kuv me koj niam hlub hlub wb cov me nyuam
Yog lawv loj tuaj qhia lawv ua neeg tsim txiaj
Kuv lub xub ntiag ib txwm puag nej yuav tsis hnov sov
Hnub no lawm tov lub npe txiv nej yuav tsis muaj.....🥹
[ Rap 2 ]
Xav luaj ntuj los xu luaj nyuj xav luaj teb los xu luaj zeb
Xav kom yus lub neej xws luag los ua cas lub ntuj tsis pab tseem mus rau ntes
Ua neeg nyob tsuas xav tau zoo tsis xav kom lub neej poob qab lub neej txom nyem
Los thaum kawg tseem mus mag ntxiab raug cuab raug kis mus tau qhov phem
Yus lub neej ces tag zaum no tsis muaj hnub rov qab mus ntsib tus neeg kuv hlub
Sij hawm dhau mus zuj zus ces nws yuav hloov mus ua luag tus
Kuv tej me nyuam yuav tau ua ntsuag tsis muaj npe txiv nrog luag hu
Kuv tig tsis tau rov lawm ces thov sawv daws nyob txawj sib hlub
Me koj niam koj tseem hluas hluas kav tsij mus nrhiav neej zoo ua thov hlub hlub wb cov me nyuam
Txawm lawv yuav tsis muaj txiv lawm los txhob cia lawv nyob txom nyem li me nyuam ntsuag
Yog ib hnub lawv nco txog kuv qhia rau lawv hais tias lawv txiv tseem nyob tom nkuaj
Tsuas yog tshuav txoj pa tsis tu tiam sis zoo li tus neeg tuag
Lawv loj tuaj kom xyaum tsim txiaj txhob mus ua laj luam txhaum cai zoo li txiv ua
Twb vim yog lub neej txom nyem tsis muaj kev khwv thiab txiv ruam ruam
Ntshai ntshai tsam lub neej poob qab caum tsis cuag luag
Thiaj mus poob rau txoj kev phem raug cuab raug khi raug lub txim tuag
Zaum no txiv yuav rov tsis tau kuv tsuas hlub thiab ua nej luag los txog txij no
Txhua txhua yam yuav ploj zuj zus kuv lub ntsej muag nej yuav tsis pom
Kuv lub xwb ntiag ib txwm puag nej hnub no ntshe nej yuav tsis hnov sov
Lub vaj lub tsev yuav nyob txia to
Txawm tos tos ncauj kev du tag los ntshe yuav tsis muaj hnub luag tso kuv rov qab los.....🥹
[ Singing 2 ]
Tsuas ua nej luag khwv rau nej noj los txog txij no
Hnub no lawm tov yuav tsis muaj kuv ntxiv
Kuv niam kuv txiv thov neb zam txim rau tub
Vim lub neej pluag mi tub thiaj tuaj raug nkuaj
Kuv me koj niam hlub hlub wb cov me nyuam
Yog lawv loj tuaj qhia lawv ua neeg tsim txiaj
Kuv lub xub ntiag ib txwm puag nej yuav tsis hnov sov
Hnub no lawm tov lub npe txiv nej yuav tsis muaj.....ho....oh....ho....oh🥹