Voitres leonados (Gyps fulvus) 

O voitre leonado Gyps fulvus é un dos poucos voitres que se poden atopar en Europa. Este animal pode chegar aos 10 kg de peso e aos 2, 5m de envergadura. As súas plumas presentan cores leonadas de aí o seu nome. Non son aves cazadoras pois o seu peso fainas torpes e lentas, ademais de carecer de garras axeitadas. Cumpren unha función ecosistémica de vital importancia ao alimentarse de cadáveres, principalmente grandes mamíferos, tanto silvestres coma domésticos, diminuíndo tamén a posibilidade de propagación de enfermidades. Localizan o seu alimento mediante a vista, ben directamente ou avistando agrupacións de córvidos, que adoitan ser os primeiros en chegar aos corpos. Grazas ao seu bico ganchudo e o seu pescozo só recuberto por un fino plumón, poden introducirse con facilidade nos corpos dos animais mortos para aproveitar a carne. 🦅⛰️🌳😊