Zak. 7:9 Waaqayyo gooftaan maccaa, "Firdii qajeelaa faradaa, walii keessanittis gaarummaa fi oo'a argisiisaa!
Zak. 7:10 Haadha hiyyeessaa, ijoollee abbaan irra hin jirre, galaa, rakkataas hin cunqursinaa! Garaa keessan keessattis wal irratti waan hamaa hin yaadinaa!" jedhe.
Zak. 7:11 Isaan garuu dhaga'uu didanii, dugda itti gatanii, gurra isaaniis in cuqqaallatan;
Zak. 7:12 isaan garaa isaanii akka dhagaa almaazii waan jabeessaniif, dubbii Waaqayyo gooftaan maccaa hafuura isaatiin karaa raajota durii isaanitti himeef abboommii isaa hin dhageenye; kanaaf dheekkamsi Waaqayyo gooftaa maccaa inni guddaan isaanitti dhufe.
7 окт 2024