تحدي باترول 6 سلندر موديل 2024 ضد حمولة كاملة و انطباع قيادة ( مصدومين ) . 

حبيب الله يعافيك 💐☺️

حبيب 💐 عزيز و غالي طال عمرك و ابد إِنْ شَــاءَ اللَّهُ انه يفووووق جميييع التوقعات ( بعطي باقي المواتر سوووبر هاترك يااا وييييلهم ) اني آرى رؤوساً قد اينعت و حان قطافها 🫡.

الله يعافيك و يسلمك يا تاج راسي 💐☺️ و انا والله مصدوم اكثر منك و قاعد اقول انه مٓـا شَــاءَ اللَّهُ اشلوووووون واصل لهذي المرحلة لدرجة انك تشك بان الارقام الي على سياراتنا غير واقعية بينما الجديد فعلاً قراءاتهم صحيحة ملووون بالمية

@@cars965ماشاء الله ابدعو فيه و اذا كان هاذا السته سلندر الموديل الحالي تنفس طبيعي شلون راح يكون اداء السته سلندر توين توربو الشكل الجديد اتوقع بيكون شي مبهر انا منتظر الشكل الجديد وناوي عليه ان شاءالله

@i.3 اشهد بالله انه بيصدم جميع السيارات و حزتها صج بيفرض هيبته لكن التخوف كله هو السعر ، الله يستر منه كم راح يصير 😅

@@cars965 عزالله كلامك صحيح الله يستر من الاسعار واتمنى يكون بسعر منافس هالوقت كل شي مرتفع الله المستعان

السيارة تشيل ١٤٠ لتر و تمشيك ٨٥٠ كيلو بالممشى الطبيعي و انصح فيها و بشده 👍🏼🫡

و وجهك ما سوينا سي ابد حاضرين 😉 كمل التصوير انا حاط الصرفية و الفل بالمحطة شوف

اذا سرعتك كانت اكثر من ١٤٠ و فوق فعلاً راح يصرف معاك اكثر و تحس ودك انك تشد على الموتر اكثر بينما اذا كنت سرعتك من ١٤٠ و تحت صدقني ماراح تتأثر بالمرة خاصة على ١٢٠ فل حمولة مع التجاوز و عائلة امورك كلها طيبة . انصحك بالثمانية بحالة وحدة فقط و هي صعود جبال مع حمولة كاملة و سلة و عوائل و انت صاحب سفريات و الطرق الي تمشي فيها كلها طرق جبلية فاهني اقولك نعم اخذ ٨ بينما باستعمالنا في الكويت و الشرقية في السعودية الى ان توصل الى صلالة فماراح تحتاج الثمانية بالمرة لان كل الطرق الي قدامك خطوط سفر عادية

@@cars965 انا سفريات كثيره والسياره تمشي بالشهر من8000 الى 10000 والسته جربته يعاني مع السرعه وانت خابر ان عندنا الخطوط 140 وياكل اكل بالبنزين لكن ال400 جبار وطربي ونغمته لحالها جميله

@KhalidMohammed-zj4sm ابد دام جذي اخذه و توكل على الله و انا بالنسبة لي يصلح لي الستة و ماني راعي سفريات واجد بالسيارة و اذا سافرت حدي قطر او الامارات 😁

عساااك على القوة يا الغالي 💐 و مشكور على المرور الجميل ☺️ و ابد حاضرين للطيبين و بالخدمة و هم عندي نقطة لازم الكل يعرفها . طبعاً انا اكلمك عن اغلب استعمالاتنا في الخليج خاصة ما بين المدن و الخطوط السريعة مع الاوف رود او البر بوجه اخص ، بخصوص موضوع التجاوز ما صورته لاسباب عائلية 😅 معاي رضيع و لكن انا بعلمك الانطباع ( بكل صراحة السيارة بالتجاوز لازم ترد نمره لان الموتر يكون بالغيار السابع على ممشى ١٣٠ كيلو فيرد نمره و يرفع ضغطه لغاية ٣ و نص او ٤ بدون ما يكون متأثر بموضوع الوزن او تحس انه ثقيل بالعكس يشيل عمره و يتجاوز و استعابه و استجابته طيبه باحساس الستة سلندر في اغلب الجيبات الي تسمع فيه صوت المكينة المعتاد و لكن بعزم و قوة الي يخليك تقول المرة الجاية راح اتجاوز و انا مرتاح بدون ما ارفع الضغط اذا انت كنت اول مرة تسوقه ) اتمنى اني وصلت الفكرة 😅 ، اما موضوع الجبال و الصعود مثل جبال ابها الي الصعدات فيها حيل قوية و تكون شايل اغراض معاك و مركب سلة خلفية او فوق بالغمارة و معاك عائلة و انت تبي الموتر يكون مرتاح في هالامور بدون ما تحس انك تعبت المكينة معاك او تحس انه شرب البانزين زاد و تبي السيارة تصعد معاك على الراحة فالأفضل تاخذ ٨ سلندر ٤٠٠ لان طبيعي فيه احصنة زود و تورك اعلى و افضل . الستة سلندر لاستخدامات للكويت و خطوط سفر و انت رايح إِنْ شَــاءَ اللَّهُ الى صلالة في عمان امورك طيبة و صج ممتع و يستاهل و انا من الناس الي رسمي راح اخذه و لا راح اعاني إِنْ شَــاءَ اللَّهُ بينما اذا كنت من رواد السفر و صعود طرق جبلية بشكل مستمر مع حمولات عالية فالافضل تاخذ باترول ثمانية سلندر .

اذا تبي بعد تجربة في البر و طعوس و نفود انصحك تدخل قناة ابو بندر الي اسمها NMR2500 تجربة باترول ستة سلندر في النفود . و بالكويت اهني حيييل الستة سلندر مكفي مع التقرير الي شفته من ابو بندر حيييل شايل نفس و قوي بالبر و ماهو قليل شر فعلااااا موتر يصلح لجميع الاستخدامات و بالشارع عزالله و نعم الموتر كانه راحة امريكي في الخطوط

@@cars965 تسلم يالغالي أشكرك على التوضيح وفيت وكفيت

@user-ge9rc2yz4t الله يسلمك 💐☺️ العفو طال عمرك

شوف طال عمرك انا دائماً اقول انه كل واحد لازم يعرف مبتغاه الي يبيه من الموتر و طريقة استعماله للسيارة قبل لا يشتري اي موتر في حياته عسى الله يعطيك و يعطي الجميع طولت العمر . و الحسبة الي تفرق بين الثمانية و الستة هي مسألة واحدة فقط لا غير و هي الوحيدة الي بكل صراحة ارجح فيها الثمانية سلندر عن الستة و هي صعود الطرق الجبلية الصعبة بحمولة تحتاج فيها كمية طاقة او قوة تكفيك في هذي الظروف تحت اصعب الاختبارات خلال الصعود و الضغط على السيارة او انك شخص تفكر في القوة و تبي سيارتك هي تمتلك اقوى الارقام بين المنافسين مثل اليوكن الدينالي صاحب ٤٢٠ حصان بينما الباترول ٤٠٠ حصان يعني فرق بسيط و اما باقي الظروف فالستة يأدي الغرض المفروض منه .

الله ينور عليك يا تاج راسي و بنفس الوقت الستة ما عليك عملية و قوية و مكفية الغرض الي اغلب الناس تبيه و عزمها ماهو قليل بالعكس حييييل جبارة ، انا يالي اكلمك عندي باترول ٨ سلندر ٣٢٠ و يوم جربت ٦ صدمني نفس موتري و احسن منه بالخفة و الاستخدام يا رجل انتي شوف صدمة رفيجي راعي ٤٠٠ كلنا مصدومين انه اشلون ٦ اخف من مواترنا كأنه سحر يا رجل صدمة ⚡️ صعقة و الاستخدام ابد مكفية و موفية و مانبي زود لكن اذا كنت تبي زود بعد و تبي قوة نفس نظام اليوكن العادي و اليوكن الدينالي فموجود ٤٠٠

@@cars965نيسان بلاتينيوم ٤٠٠ القديم ع حسب تجربتي القديم عزمه اقل بوايد عندي ٢٠٢٢ فرق شاسع ف العزم جربت ٦ سلندر الجديد عزمه قوي بس اقل من ٣٢٠ بس موتر شيخ ٦ سلندر بس مشالله مكينته حيه

مٓـا شَــاءَ اللَّهُ تبارك الرحمن عسى الله يبارك لك في حلالك و يجازيك خيره و يكافيك شره إِنْ شَــاءَ اللَّهُ 🤲🏻

لاااا نفس الشيء بالضبط 👍🏼 و اداااءهم ممتاز

عندي طال عمرك بالبيت الثمانية شاحنة ثقيل ياعمي فرق الستة الجديد حييييل خفيف و سواقة و نعووومة

يحن واجد لأنك منت معطيه راحته تبيه يعشق بسرعة رجلك حارة بإختصار

حسب تجربتك اذا سافرت ومعك العائله والعفش هل هو مرتاح في الخط او ثقيل ويطفشك 🤔 اتكلم عن 6 سلندر؟!!

ثقيل بس ما يطفشك😁

السيارة شوفت عينك قدامك فل اغراض و الاوزان الي شايلها اكثر من العائلة و اغراضها و منوم الكراسي كلها و محمل بالكامل اوزان ثقيلة اكثر من اوزان الاوادم و اللهم لك الحمد من اروع ما يمكن بالخط و شايل نفسه و زود و ماشي عليه مسافة ٩٠ كيلو رايح و ٩٠ كيلو راد موتر على سرعة ١٤٠ و تحت حيل مرتاح و اتحدى اي موتر ٦ سلندر تنفس طبيعي يسوي مثل الباترول . الدليل قدامك و بالخط انا شايل اغراضي قدامكم

​@@cars965 👍👍👍

صح والي يسال عن الموتر من تجربة النعومة فيه وامتصاص الصدمات شي مستحيل احد يتوقعه من جيب ياباني وجنوط 20 ابد ابدا ما توقعت منه والتكييف معروف بس يعيبه الصرفية جدا سيئة بذات في ظل التوفير ومحركات التيربو وعطاني على بانزين 91 تقريبا يمشي 834كم غالبا بسبب التانكي حقه انه كبير وسلامتكم😊

الله يسلمك ابد كفيت و وفيت طال عمرك و انا استخدمته اسبوع و مٓـا شَــاءَ اللَّهُ تبارك الرحمن حيييييل تغير الباترول و صارت فيه تحديثات جدا ممتازة غير عن الموديل الي امتلكه حاليا و هو ٢٠١٥ مٓـا شَــاءَ اللَّهُ جدا تغير و صار افضل و انا من الناس الي خلاص صج الموتر هذا مكفيني و لا ابي زود سواء بالاستخدام او القوة

ابد باذن الله و لكن ……… ما ادري ما ودي اتكلم لازم احرب

الله يعافيك ، لكن اسمحلي بالكلمة شرط الي انت شاريه يعاني من مشاكل ، و بخصوص المصداقية اتوقع النتيجة قدامك تشوفها و شيء ثاني كلنا اهل سيارات جربنا سيارات ٨ سلندر و جربنا ٦ سلندر و حطينا في بالنا هذا الشيء و بالنهاية بيض الله وحهه الباترول الستة سلندر فعلاً اداءه جبار . وبخصوص البر افضل سيارة تخصص تطعيس و نفود و رحلات هي الفتك ، الكلام كثير ماراح نخلص و الباترول و اللاند اقوياء بالبر ما عليهم سواء ٨ او ٦ لكن بالنهاية لازم كل شخص يعرف شنو استخدامه . الناس العاقلة تاخذ على قد استعمالها ماتاخذ شيء فوق حاجتها و آخر شيء البر ( مخيم حتى الصني تدخله ) و البر له اهله و حتى لو عندك سيارة قوية بالبر يجيك واحد يغرز فيها . كل الي اقدر اقوله انه لو تعيد النظر و تفكر في المقارنة راح تعرف الفرق بين ٦ و ٨ و انه مكينة ٦ فعلاً مكفية و موفية و هذا الاداء المطلوب الي يبيه كل راعي بيت و عائلة من سيارته ، و لا له داعي الزود و لكن ان طلبت الزود فالثمانية ٤٠٠ موجود

الالسيارة شوفت عينك قدامك فل اغراض و الاوزان الي شايلها اكثر من العائلة و اغراضها و منوم الكراسي كلها و محمل بالكامل اوزان ثقيلة اكثر من اوزان الاوادم و اللهم لك الحمد من اروع ما يمكن بالخط و شايل نفسه و زود و ماشي عليه مسافة ٩٠ كيلو رايح و ٩٠ كيلو راد موتر على سرعة ١٤٠ و تحت حيل مرتاح و اتحدى اي موتر ٦ سلندر تنفس طبيعي يسوي مثل الباترول . الدليل قدامك و بالخط انا شايل اغراضي قدامكم ، ممشاي ١٢٠ مريح لغاية ١٤٠ لكن فوق هذي السرعة من ١٦٠ و فوق فنعم بيرد نمره و بيحن مثل البرادو ٢٠٢٠ و اللاند الستة ٢٠٢٠ حنة الستة سلندر الطبيعية . هو بالنهاية الممشى الطبيعي ١٣٠ و تحت لكن بتكلمني على سرعات عالية و معاك ناس و شايل اغراض ترى الدنية تغيرت و الشوارع فل كاميرات حتى في السعودية ما يمديك تدوس الا قدامك دورية او كامرة

@@cars965 كل واحد وتجربته انا عن نفسي كانت تجربه سيئه والحمدلله ماخذيته اخذت ال400 بخصوص الراحه ترا السته سلندر بجميع انواعه نظام التعليق عادي مو نفس الثمانيه

@shnarq8954 ادري والله يالامير و الي يميز بعد ٤٠٠ انه نظام بالونات هوائية عن طريق ضاغط هواء ( كمبريسور ) يشتغل بضغط الزيت و يتفخ البالونات في حالة التحميل او التوازن او في بعض ظروف القيادة . الفرق الثاني بين ٤٠٠ و بين مكينة ٣٢٠ الثمانية و ستة سلندر هو المضخة الميكانيكية على المكينة يعني بالعامية له طرمبتين بانزين الاولى بالتانكي و الثانية على المكينة و تشتغل مع حركة دوران المكينة . بالنهاية إِنْ شَــاءَ اللَّهُ انه ماكو اختلاف و انا قلت رأيي الشخصي و انا صاج عند ربي بأني إِنْ شَــاءَ اللَّهُ مخطط على الستة سلندر لاني استعملته اسبوع كامل بجميع استعمالاتي للسيارة و جربت فيها كل شيء صراحة انا اشوفها سيارة ناجحة بجميع التفاصيل و كل واحد و حسب ذوقه و الشيء الي يحبه

@@cars965 عسى الله يبارك لك ويرزقك الموتر الطيب ابتواصل معاك سناب لو ودك تسوي تغطيه عن ال٤٠٠ ابشر فيه 😊🤍

كمل الفيديو ، كل شيء موجود 👍🏼 لكن ردها مني اني بيقطع اكثر من ١٠٠٠ كيلو لين ما يطفي صحيح

شفت المقطع كامل اذا تقدر تسوي تجربة صرفية من تانكي فل الي مايطفي❤

يمشيك الى ١٠٠٠ كيلو

ممكن تجربتك يالغالي عشان نستفيد و نتناقش مع بعض بخصوصها ؟ الشيء الثاني طال عمرك أنصحك تراجع الحلقة عشان تستوعب الكلام الي قلنا ، حنا قصدنا انه مٓـا شَــاءَ اللَّهُ عزمه افضل من الاجيال الي قبله سواء ٤٠٠ او ٣٢٠ مثل سيارتي من حيث تطوير كامل للسيارة و تحسينات للافضل بحيث انها تغنيك عن فكرة امتلاك ٨ سلندر في ظل رفع اسعار البترول و انه قوته و اداءه مكفين حق ناس تبي سيارة تودي و تجيب و تشيل اغراض مع عائلاتها لكنك الظاهر ما كملت المقطع و لا عطيت فرصة حق نفسك عشان تستوعب طابع الفكرة بوجه عام . الشيء الثالث ( كلن يرى الناس بعين طبعه ) و لا تحطها في ذمتك و تكلم ظلماً و بهتانة ، هدفي هو النصح و ماهو تجاري مثل الي الله يستر عليهم و لا كان صورت جميع السيارات ( الردي فيها و الزين ) قلت يالله يا جماعة اشتروا او عطيتها وضعية الي يصور بدون ما يشد حيله و يقول للناس كيفكم بدون فايدة .

و الموتر فعلاً كفو و فاجئني و عزالله انه كفو و يستاهل و هذي الوجهة الي إِنْ شَــاءَ اللَّهُ بالتبعها مستقبلا و باخذ نفسه بدون ما ادش في معمعة التوربو او الثمانية المكينة الكبيرة ، يعني قوة على الفاضي ماني مستفيد منها و شرب بانزين زود مع انه الستة و الثمانية نفس التباديل و هي ٧ غيارات

​انصحك تقارن نفس المدرسة 8 سلندر عشان الاأنصاف....

تبي بشرب البانزين و لا بالخفة و الاستعمال لان عندي بالقناة تقارير كثيرة مع الباترول و سويت له كذا مقارنة

اي اقدر افا عليك و ما نرد عليهم بعد 👍🏼 انت قولي شنو الملاحظات الي شفتها على الموتر عشان انتقدها و فيه شغله على فكرة هم انتقدتها بس يمكن انت ما كملت المقطع لكن بقولها لك ( مافي نظام البرو بايلوت و البقاء في المسار و مافيه البروجيكتر ) . اذا فيه نقاط ثانية هم علمني و انا حاضر .

صدقني نفس الشيء و انا اكلمك من باب تجربة لاني امتلك ٣٢٠ و استخدمت ٦ سلندر و الجديد عندي افضل بواااااجد

​@@cars965 ماشاءالله... الله يبارك لك في حلالك 🌷

@USER-omar555 الله يجزاك خير و يرحم والديك هذي سيارة تجربة ماخذها من ناس حاب اني اجرب فيها جميع الشكوك الي تساورني عشان اتخذ قرار لان السيارة حيل عاجبتني و لكن مابي الثمانية و ابي اجرب عزم الستة .. و فعلاااا فاجئني و عزالله انه كفو و يستاهل و هذي الوجهة الي إِنْ شَــاءَ اللَّهُ بالتبعها مستقبلا و باخذ نفسه بدون ما ادش في معمعة التوربو او الثمانية المكينة الكبيرة .

توه جديد ﷽ ، سيارة تجربة ، بالنهاية باترول ما عليك سيف مجرب و عارفينه و نصيده اذا عليه كلام او لاااااا يكفي انه عندنا السيارة هذي

@@cars965 انا سيارتي تيتانيوم ٢٠٢٣ ٤٠٠ فا جذي متحسف ان اشوفه جديد وتجربون فيه عرفت 😂😂🙏🏼

ههههههههههههههههه . والله مواصفات التيتانيوم جبارة صراحة مخطط اشتري مستقبلاً ستة سلندر و هذا شيء اكيد لكن الكلام اذا كفتني ميزانيتي اني اشتري بلاتينيوم شريت إِنْ شَــاءَ اللَّهُ اما اذا لااااا خذيت تيتانيوم

حق الي يبي يعرف الفروقات بالقوة و مدى تأثير الظروف على السيارة

نحن نعيش في الرمال و ليس في روسيا

ووين في طين وثلج بالكويت

غير صحيح ممتازه بكل مكان وزمان

اكيد افضل حق الي يبي الزود ، نفس ما اليوكن فيه منه عادي و فيه منه افضل الدينالي . السؤال هو هل هذا مكفي الناس بالاستخدام ام انه المسألة ابي سيارتي قوية و سوبر شارج و أخر شيء انت قاعد تستخدم ربع امكانياتها . اعرف شنو استخدامك و بعدين اشتر الي يناسبك

والله جرب بنفسك و روح للوكالة فيه عندهم تجربة قيادة اخذها نفس ما انا خذيتها منهم و عطنا رايييك . راح تنصدم صدقني و لك الي تبي 👍🏼

@@cars965 ما يحتاج انا مجرب الاثنين وكلهم مستعملهم ٤٠٠ اريح وافضل

براحة الركوب السيارتين نفس الشيء ، اللهم المكينة الي تفرق و التحريكة من الصفر كممشى طبيعي بالهداوة ( راكد ) بين السيارتين هم نفس الشيء و بشيل الأغراض هم نفس الشيء و انت شفت قدامك بالفيديو . الي يفرق بس شيء واحد هو لمن تدوس البانزين كله الثمانية اقوى اكيد بالعزم و بالقوة و بالاداء و بالتسارع من الصفر و ما ننكر هذا الشيء . و لكن الستة سلندر مأدي الغرض و مكفي و موفي حق الناس الي ما تهمها هذي الموضوع و اهم شي عندهم انه السيارة شايلة نفسها و شايلة عوائلهم و تمشي بدون اي مشاكل و لا النعومة و العزل و الراحة و فنفس الشيء و الي يفرق هالمرة بس المكينة اما القير فنفس الشيء ٧ غيار