علی ؑ تھونْید تھوس لوکھ نہ ستودکھہ گنگمی چوڑوے کھہ علی ؑ تھونْید عرشی ہنوق ، بہشتی ستغوے کھہ علی ؑ تھونْید چھیس لوکھسی مک پو فیس نرے دوے کھہ علی ؑ تھونْید سکوم کھن ژالین چہ میونی زگوکھا ڑگیمژھو اونگمہ مید سو لا کژینگ نو دوکسے چھوغو خنم پو تھونگمہ مید ہلتوس بیونگسے شیس لوکھی کھری گوے کھہ علی ؑ تھونْید ہلژخمہ نبیؐ لا تھونگفو نہ کوسپی خپیرونگ ژھورین گار سونگنہ رے سنہ نْوے لزا لا بُو کھوربہ ژوخ کھورین رگوسکن بیاسے نہ ژھونژے نسوے کھہ علی ؑ تھونْید کھوسی خدائی فیا کھوری نفس پوے کھہ گڑی کلید گوانہ تھنوینگ خداس کھولا یار نہ رگی کلید چھونگسین چہ سنگے ژوخ ہرمغی ژھوے کھہ علی ؑ تھونْید سو نہ می چکپی میونگ سہ درینگ چکنہ چک زیرے بُغضی ہلژانینگنو ژھکپی میژھونگ ژھکنہ ژھک زیرے فیونگسے رسولی ؐ منبری گوے کھہ علی ؑ تھونْید لقتو بشن پو دوکستے سا دنیا لا یود نْونے شرگونی سنینگ می ژھیر بلا سنینگمہ گٹھوی گونے غدمسے نہ نس پو لق لینے کڑوے کھہ علی ؑ تھونْید نْین گنگپو سنینگ لا یود میونی ہرکب لس لا گڑل کھورے ژھین زیر خشولی کھہ زمفے نہ خرمائی زگل کھورے شرگو سومید کنی ننگ ی زگوے کھہ علی ؑ تھونْید مخ مید پونی برینگ نو کوسوندو سہ سنیالبہ ان رِکھ مید پی میونگ لا زگو پہ چھودونگ فیونگمو ڑگیالبہ ان یا تم پو چھود چوگین چہ بدونوے کھہ علی ؑ تھونْید رگید زیربی میونگ سا کھوے لزادرولی ریو لا تھولفہ مید دنیا درونگ امامتی سترانگبو لا درولفہ مید دخسن سہ ہلتس نہ کھسمنی بزوے کھہ علی ؑ تھونْید نادم علی ؑ رگہ کھن کنی یود سنینگ پو لا ربیسے رگوسنہ خدا لا من کھوتی ستروق رگونی کھہ فڑیسے اہل وِلا لا ینگمو نہ ہلچوے کھہ علی ؑ تھونْید ﴿جمعہ۔17 ذی الحجہ ۱۴۴۱ھ قم﴾ ٭٭٭٭٭

@@goharenayaabproduction8054 thank you sir h

@@mohmmadmateen4730 التماس دعا