#kamranmyunis #kamranyunis #şamilənvəroğlu #şeirlər
#poeziyateatrı #sevgişeirləri #şiirler #poeziya #cavanşirquliyev
Şamil Ənvəroğlu - Yorğunam
Bəstəkar - Cavanşir Quliyev - "Fəryad" film musiqisi
YORĞUNAM---ağır-ağır illərimi yoxuş boyu daşımaqdan yorğunam,
"Niyə axı?" sualını gündə yüz yol öz-özümə soruşmaqdan yorğunam,
Mənim olmayan bu ömrü mənimkitək yaşamaqdan yorğunam...
SUSQUNAM---səssizliyə çəkilərək bu mənasız səbəbləri dərin-dərin düşünməkdən susqunam,
"Kim anlar ki, içimizi?" fikri ilə hər bir şeyi boş verməkdən susqunam,
"Nə qaldı ki,itirməyək..." gələnləri, gedənləri,
"varam" deyib, sonra qəfil "ölənləri" itirməkdən susqunam...
SOLĞUNAM---vaxtsız ölən arzulara için-için ağlamaqdan solğunam,
Gündə yüz yol ürəyimi amansızca dağlamaqdan solğunam,
İçimizdə haray çəkən son ümidin əl-qolunu bağlamaqdan solğunam...
KÜSKÜNƏM---neçə-neçə yalanlara,
neçə-neçə nadanlara inanmaqdan küskünəm,
Neçə-neçə şərəfsizə,
neçə-neçə dəyərsizə güvənməkdən küskünəm,
Neçə-neçə vəfasızdan,
neçə-neçə əxlaqsızdan namus-qeyrət gözləməkdən küskünəm...
Haqsız olan bu dünyanın xoş günü dəysin başına,
Min yalanlar ölkəsinin doğrusu dəysin başına,
Qucaq-qucaq gəzənlərin "sevgisi" dəysin başına,
Şirin-şirin yalanlara qonanlardan BEZMİŞƏM.
Guya bizə "gün ağlayan" çobanlardan BEZMİŞƏM...
6 окт 2024