8 чэрвеня ў Беларускім Доме ў Варшаве прайшла лекцыя чалавека-легенды і адкрывальніка Курапатаў Зянона Пазняка «Адкрыццё Курапатаў і пачатак сістэмнай барацьбы супраць расейскага камунізму».
Упершыню пра масавыя расстрэлы супрацоўнікамі НКУС ва ўрочышчы Курапаты стала шырока вядома 3 чэрвеня 1988 года з артыкула «Курапаты - дарога смерці» Зянона Пазняка і Яўгена Шмыгалёва.
Публікацыя атрымала вялікі рэзананс і прывяла да пачатку крымінальнага расследавання, у выніку якога было ўстаноўлена, што ў Курапатах пахаваныя ахвяры расстрэлаў, якія праводзіліся НКУС у 1937-1941 гадах. Мяркуюць, што ў Курапатах былі расстраляныя некалькі дзясяткаў тысяч чалавек.
Урочышча Курапаты і Народны мемарыял зрабіліся месцам, вакол якога ўжо некалькі дзесяцігоддзяў не спыняецца палітычны актывізм. Беларусы талакой усталёўваюць крыжы, пратэстуюць супраць скарачэння тэрыторыі мемарыяла, супраць пабудовы побач рэстаранаў ды іншых будынкаў, доўгі час у Курапатах вялося дзяжурства грамадскімі актывістамі і актывісткамі. Там праводзяцца «Ноч расстраляных паэтаў» і сюды сцякаюцца беларусы на Дзяды.
З лекцыі Зянона Пазняка, якому сапраўды ёсць што расказаць пра Курапаты, вы даведаецеся:
- Чым ёсць Курапаты для Беларусі і беларусаў,
- Як адбываліся археалагічныя раскопкі за менскай кальцавой напрыканцы 1980-х,
- Чаму беларускія ўлады намагаюцца кантраляваць гісторыю гэтага месца.
____________________________________________
Далучайцеся да нас у сацыяльных сетках:
Telegram: t.me/belaruskidom
/ belaruskidom
/ belaruskidom
/ belaruskidom
#Варшава #ЗянонПазняк #курапаты
29 сен 2024