Нәзік сезім. Сәкен Қалымов - Гүлнар Шәмшиева 

Мазалайды бізді анық,
Амалсыздық, күрсіну.
Екеумізге қызғанып,
Қарап тұрды бір сұлу,
Қарап тұрды бір сұлу.
Түсінгенмен не етемін,
Еркінсуге болмайды.
Құйып-құйып кетемін,
Көздеріңе мол қайғы,
Көздеріңе мол қайғы.
Екеумізді қоспайтын,
Жатыр алда жол бөлек.
Жанарыңда жас, қайғы,
Ай барады дөңгелеп,
Ай барады дөңгелеп.
Бұл ақымақ сезімді,
Жеңдірейік ақылға.
Көзіңдегі көзімді,
Жоғалтпай жүр, мақұл ма,
Жоғалтпай жүр, мақұл ма?!
Солқ еткендей жүрегім.
Белгісіз бір екпінімен,
Күлдей болып гүл өңім,
Үнсіз шығып кеттім мен,
Үнсіз шығып кеттім мен.
Ақылдымыз, осы рас,
Iсіміздің бәрі ізгі.
Тек махаббат есуас.
Жылап қалған тәрізді,
Жылап қалған тәрізді.