Пра трагічныя падзеі ў Бабровічах у 1942 г. расказвае цудам ацалелая жыхарка-ўніятка 

Могілкі ў Бабровічы Івацэвіцкага р-ну.
Цётка Алена Петруковіч, якая малой дзяўчынкай цудам ўратавалася, калі нацысты зьнішчалі вёску 13 верасьня 1942 г. падчас карнай аперацыі «Балотная ліхаманка», распавядае пра трагічныя падзеі ў Бабровічах у вайну, пра сваіх бацькоў і пра ўніяцкага сьвятара Баляслава Пачопку, які яе хрысьціў, ды пра яго жонку Марцыяну.
Свой расказ цётка Алена пачынае каля магілы Барбары Сьлесарчук, якую звалі Барбаркай. Уласна з аповеду Барбаркі пачынаецца вядомая дакументальная аповесьць Алеся Адамовіча, Янкі Брыля і Ўладзімера Калесьніка «Я з вогненнай вёскі».
Відэа запісана падчас пілігрымкі грэка-католікаў 29.08.2015.