والله ياختي قلبي محروق على الكبش راني اكثر من ولادي نحب كبش العيد لدرجة راني نحلل في اخ زوجي ولا عجوزتي يشروه ونخليه عندي نقوم بيه حتى صباح العيد هكذا ملي كنت صغيرة نموت على شعائر العيد وفرحتو
كامل نحبو شعائر العيد ونحبو نفرحو ونفرحو لولاد ولكن ياختي الله غالب كل شي رجع غالي ياحليل الزوالي ربي يفرج عليكم وان شاء الله تشرو الكبش وتفرحي نتي ووليداتك
الف مبروك طموحة ربي يجعلها عتبة مبروكة يارب .والله ياختي احنا لا عيد لا والو قلبنا راهو محروق علي بنت سلفي الصغيرة عمرها عامين ونصف توفات نهار لانثين طاحت من الطابق الخامس والله ربي اصبر ميمتها تشف وباباها مسكين اكسر لحجر لشافت هاذ التعليق تدعيلها بالرحمة واصبر ولديها راهم راح يهبلوا مساكن 😭😭😭😭 ان لله وان اليه راجعون ربي اصبرنا عليها يارب .
سلام حبيبتي متتبعة وفية مي مانعلقش ولكن والله غير تعجبيني فحلة الله يبارك ويعطيك الصحة على الدعاء أنا بنتي جوزت البيام ووليدي عندو الباك يااااااارب إن شاء الله ربي ينجحهم وينجح كامل الوليدات يااااااارب وعتبة مربوحة وربي يقدرك
ياختي اشعلي الفورنو ديريه فيوز باش ينحيلك الميديتي هاديك ميديتي ماشي برد او اولادك يصبحو بنيفهم ...هاديك لالارجي انا كنت في دار هكدا ردي بالك او حلي التواقي قد ما تقدري لازم التهوية ربي يشفيكم او ربي يقدرك
والله غير كل شي راهو مفتوح والشمس مقابلتنا من كل جهة وشعلت الكويزينيار نهار كامل وهي شاعلة شكرا حبيبتي علي نبهتيني ضركا نركب الفورنو ونشعلو يعطيك الصحة
أكيد حبيبتي الناس لبعضاها وراني قلت بلي المعاونة مليحة ولكن انا قلت منحبش نجبر الناس باش يعاونوني من بعد يقعدو كل يوم يفكروني بيها هاذيك أكره حاجة عندي وطبعا كل حاجة محبة خاطر
صح عندك الحق كي تكوني في دارك تخدمي في غرضك هذاك هو الصح الحمد لله كل شي يفوت ربي يحفظك حبيبتي ويعطيك ماتتمني كي شغل راكي عاونتيني ربي يفرحك ويعطيك على حساب قلبك ان شاء الله
السلام عليكم ورحمة الله تعالى وبركاته يا اختي ربي يعينك راني رحلت معاك نهار الجمعة وجاتني اصعب رحلة راني حطمت الرقم القياسي راني للمرة الثامنة ربي يقوينا ويكون معانا
سلام حبيبتي شوفي الكرا فدزاير غالي بزاف بزاف بزاف حنا تان كنا حابين نكرو تمة مي مستحيل تلقاي أقل من زوج ملاين ونص وبالنسبة لكيفاش تلقاي دار فالحومة لي حابتها والسعر لي يناسبك لازم تدخلي فالفيسبوك لصفحات الخاصة بكراء المنازل ولا نتي حطي منشورات البحث عن منزل للكراء وديري المكان لي تحوسي عليه ونوع الشقة والسعر لي يساعدك هاذي احسن طريقة لانو الوكالات العقارية الخاصة بالكراء دايمن يزيدو فالأسعار ويدو معاك النص ويصعبولك فيها ان شاء الله ربي يسهلك وتلقاي دار كيما راكي حابة
ايه اووو هذا هوا المشكل والوكالة العقارية هيا الي صعبتنا الحالة ربي يعيشك شوفيلي تراه كاش دار تكون في البلايص الي قتلك عليهم والله نورمال نقبل بزوج ونص المشكل والوكلات يطلبو من ثلاث ونص وطلع ربي يعيشك عاونيني ربي يعيشك 😭راني في حالة يرثا لها راجلي يخدم فما في دزاير وانا مع اهلو والله شربولي المر حتى الكوش منحبوش يشريوهلي لولدي ربي يعيشك عاونيني
مبروك عليك اختي الدار الجديدة ان شاء الله تكون عتبة مربوحة عليك وان شاء الله ربي يشافيلك وليدك أختي طموحة حبيت برك نسقسيك مرة قلتيلنا راني قريت سورة البقرة،40يوم متتالية كيفاش يخي كيما تعرفي حنايا النساء ناقصات دين وتعرفي مليح الظرف نتاعنا في الشهر(الدورة) ما تقدريش تمسي القرآن كيفاش كلمتيها 40كاملة ومتتالية رجعيلي الجواب ربي يحفظك والله ظروفي صعيبة ❤🎉
الله يسلمك حبيبتي ربي يحفظك ويعطيك ماتتمني ♥️ بالنسبة لسورة البقرة كي تكوني بالعذر الشرعيي أقرايها من الهاتف من بعد كملي فالمصحف وديريها فتلفاز كل يوم ماشي شرط 40ولكن مالأحسن تقعدي دايمن دايرتها فدار راح تحسي بفرق كبيرة وراحة كبيرة ربي يسهلك ان شاء الله ويفرج عليك من بابه الواسع عاجلا غير اجلا
يعطيك الصحة هادي لكلمة لي نحوس عليها لي حب يعاون ماشي حتى تقوليلو ارواح يا طموحة امي توجد لاختي رح تتزوج جات خالتي قاتلها ربي عاونك وراحت روحت تخيلي لخوتات ومبقاوش يعاونو بعضاهم.ربي يسترنا والف مبروك لدار جديدة.بزاف عليك والله تعبت من الكراء ربي يعينك.
راني نستني في الفيديو ويقتا ينطلق باش نطمن عليك عتبة مربوحة والله يفرج عليك في اقرب وقت الله سبحانو اكد ان بعد العسر يسرا وانت مومنا والله راح تفرج عليك 😊 اختك ام عبد الحق ❤
@@omthamoha1406 ياختي ادعيلها والله غير راهي في حالة كتخلعت عندنا في الحومة هبطة واعرة هبطتها وهيا هذاك نهار نحات الخيط تمزقتلها العملية وراح يعاودولها الخياطة من الداخل ووليدها مكسور ومجروح كامل من قوايمو ربي يلطف وخلاص متنسايهاش بالدعاء ربي يوفقك حنونتي
سلام اختي متتبعة وفية من تيارت منحبش نكتب بصح نتفرج كل ما تحطي فديو شوفي اختي مدام زوجك فقط لي يخدم حاولي اتعلمي قاطو اخدمي وحطيه في قهاوي و محلات و عاوني روحك و دير حصالة لشراء قطعة ارض غير بشويا
وعليكم السلام حبيبتي شكرا حبيبتي على النصائح ربي يحفظك ويعطيك ماتتمني انا من قبل كانو ولادي صغار عليها محبيتش نخدم بصح ضركا راهم كبرو نبدى نحوس على عمل باش نتعاون انا وراجلي ونديرو حل ان شاء الله ولي فيها خير مرحبا بيها
ياحبيبتي والله غير عقليتي كيما عقليتك مام انا عندي عزة نفس والله غير هاذ الرحلة السادسة انعم ايه مام انا معنديش الي يرفد تليفون ويقلي كشما انعونك هههه وكيما قلتي نخدم وحدي خير هناك واحد مايقلي عاونتك المهم ربي اهنيك في دارك الجديدة مام انا فرحتي ناقصة ههه عندي الناس قاتلتني العين انتاع الناس المهم ربي يعطينا صحتنا وربي معانا ربي اشافيك وليدك حببتي وكلش اجي حلو في وقتو ❤❤❤ام يونس ادعي لوليداتي اجيبو البيام
كيراكي ختي ام طموحة رحلة مبروكة وان شاء الله رحلة لجاية لسكنتك تكون ملكك بغيتك تعطيني طريقة بيها نلايم دراهم بانشري مشينة خياطة قلبي راه يوطوط عليها ويدي مقعورة نشري صوالح دار حتى نكمل قاع دراهم ليعطبهملي راجلي
لباس الحمد لله سوال عليكم الماشينة انا شريتها بالتقسيط عام كامل باش خلصناها اذا متقدريش تشريها دفعة وحدة اشريها فاصيليتي ولا ديريلها حصالة خاصة بيها المبلغ لي يطيح في يدك حطيه فيها وسيطري على روحك باش متفتحيهاش اذا مكاش كامل ديري مشروع صغير فدار وبدراهمو اشريها ان شاء الله ربي يقدرك وتشريها وتفرحي روحك بيها ♥️
لاميديتي ماعندهاش حل من غير التكسار وتعاودي تلبسيهم. ماتجي تخرجي منهم حتى يمرضوا لولاد بالربو.درك جويلية تتحول لحمام .حلي النوافذ وديري موستيكار وريدو خفيف يخفف من الرطوبة
@@omthamoha1406 شوفي ماتتخلعيش النوافذ قاع يديهم يثقبهم قيس5دينار كل دفة يثقبهم عند مول الزجاج.هاذي الفكرة من وقت فرنسا كانوا يديروها ماشي غالية .يحاول يجيب مول الزجاج احسن هي في الشتاء تبان اكثر .نعرف ناس خلاو الطابق الأرضي على جالها وسكنوا الطابق الثاني مع الوقت طلعت ليهم.شغل فطريات في الحيوط تبدا من برا .ويحسوا بالبرد عكس الناس لخرين .
انشاء الله تكون اخر رحلة وتروحي لدارك رزقك امين وربي يشافي ولدك اما بالنسبة للمعونة انا عرضت المعونة للوحدة كانت حابة ترحل وليكيداتني انا صراحة غاضتني وحدة وقفة معاها في وقت الشدة ومعقلتش الخير على هذا الشي وليت نتردد باش نعاون كاش واحد وهذو هوما الناس كاين لميلقاش منبا شكون يعاونه وكاين ليلقا ويتكبر ربي يقدرك وتوقفي على والصوالحك
ان شاء الله حبيبتي من فمك لربي باينة فيك تاع خير وقلبك كبير وبنت أصل بالعكس درتي لي تريحك وهنيتي ضميرك الباقي الله يسهل على كل وحدة ولي كيفك راهم قلال كاين لي تموتي قدامها ومترحكمش ربي يكثر من أمثالك ويعطيك على حساب قلبك ان شاء الله
السلام عليكم بالبراكة عليك اختي و عتبة مربوحة ان شاء الله شوفي اختي عندي مشكل و نتمنى تنصحيني في اقرب وقت شوفي انا عندي سكنتي في ولاية و ضروك راني كارية في ولاية وحدخرا بحكم زوجي ميليتار و المشكل الولاية لي رانا فيها مانجمتش نتاقلم فيها ناسها صعاب مالقري مارانيش نخرج بزززاف و ضروك راني نخمم نولي لداري و مع العلم زوجي ينجم يشور بالويكاند و تشاورت مع زوجي و خلالي حرية الاختيار نتمنى تعطيني رايك في اقرب وقت و نسيت ماقلتلكش مانجموش نكروا السكنة لي كنا فيها لاخكرش ماشي تاعنا تاع وراثة بصح نجموا نسكنوا فيها بلا مشاكل
وعليكم السلام حبيبتي شوفي كنصيحة لوجه الله وراكي كيما أختي المرى بلاصتها مع راجلها إلا اذا كانت الظروف أقوى منها ماشي على جال المنطقة وسكان المنطقة تفترقي على راجلك وتبعدي ولادك على باباهم والله ياختي المرى بلا راجل تسوفري حتى وتكون قادرة على تحمل المسؤولية وحدها بصح انا لوكان جيت فبلاصتها وين يكون راجلي نكون معاه حاولي تتأقلمي وتعيشي حياتك بكل أريحية ونحي من راسك الناس والبلاصة وعيشي كأنك في دارك نقلك علاش الوقت راهو يجري والأعمار بيد الله منا لغدوة مش عارفين وش يصرى ابروفيتي وعيشي مع راجلك وولادك كل لحظة وكل دقيقة و الشيطان واعر و النفس أمارة بالسوء متخليش راجلك وحدو ههههه نظن فهمتيني وحاولي كل ويكاند اخرجي نتي وراجلك وولادك بدلو جو واقضو نهار شباب مع بعض وربي يهنيكم وين ماكنتو ونتي أدرى بمصلحتك خممي مليح وشوفي واش يساعدك ربي يسهلك
سلام حبيبتي فيما يخص التجمعات عندك الحق كل واحد والشخصية تاعو مكيش مجبورة تجمعي معاهم وتشاركيهم في كل شي لأنو أغلب الأوقات هاذيك التجمعات يكثر فيها القيل والقال ويكثرو فيها المشاكل نتي ديري الواجب تاعك معاهم على خاطر عيب ماتروحيش عندهم ولكن متطوليش بزاف شويا وقلهم راني تعبانة رايحة نريح ولا عندي شغلات أصلا الدصارة بزاف مش مليحة ومتقعديش موسوسة من جهتهم انا ثاني منحبش التجمعات بزاف ومنحبش نهدر بزاف ههههه