انا مشكلتي مع حضرتك بس انك شايف ان المجتمع اللي هو زي ما بتوصفه "بتاع ربنا" مجتمع زباله ومعظم اللي بينتموا ليه زباله ومنافقين...ودا يخلي الناس تنفر من الطريق دا وتنفر ف نفس الوقت من التدين وكل اشكاله ... وحضرتك عمرك ما ذكرت مثال واحد لشخص متدين كويس قابلته سواء في شغل او ف حياتك كأنهم مش موجودين اساسا وبتعمم فكرة ان اي حد بدقن هو زباله ومنافق الي ان يثبت العكس مع ان دا غلط تماما زي الناس اللي بتقول ان اي حد بدقن وجلابيه كويس الي ان يثبت العكس الطرفين مغاليين ومتطرفين ومخطئين تماما انا شايف ان مجتمع المتدينيين زي ماحضرتك بتوصفهم مليان بلاوي بسبب ان الشعب دا نفسه مليان بلاوي ف نفس الشعب دا هو اللي بينقسم لفئات مختلفه ومنهم فئة المتدينيين والتدين دا مش مجرد عبادات تتعمل دا اخلاق اولا قبل اي حاجه ..والمتدينيين دول لو بيطبقوا الاسلام فعلا اكيد حضرتك مكنتش اشمئزيت منهم طلبي الوحيد بس لو حد بدقن زني او قتل او طلع بتاع عيال او اي حاجه عامله معاملة اي شخص تاني عمل نفس الفعل اشتمه هو وابغضه هو وجرصه هو ... هو اللي منافق وبيتمسح ف الدقن والجلابيه والمسجد والدقن والجلابيه والمسجد اطهر وانضف منه مليون مره ومش معني انه عمل كدا بيهم انه هو وسخهم لا اطلاقا اتمني حضرتك تاخد بالك بس من النقطه دي ف كلامك ومتساهمش ف تشويه صورة المظاهر الدينية بشكل عام لو حضرتك بتحب الرسول عليه الصلاة والسلام وشايفه انسان عظيم، ف الدقن والجلابيه دي الناس بتلبسهم "المفروض" اقتداء بيه ولو حد وسخ تقمص نفس الشخصيه دا ميخليناش ناخد صورة نمطية ونعممها زي ما حضرتك اكيد عانيت من عنصرية ف الغربة لان هما شايفين ان كل المصريين كذا مثلا...انما حضرتك مثال مختلف وتحياتي لحضرتك كمان مره
بتعمل كدا يهندسه عشان قلبك الطيب وضميرك الحي ومحاوله تغير مكان منشاك للافضل والتقدم الي تراه في الشعوب الاخري ، بس للاسف يهندسه شعبنا بيتغير للاسؤ وقلوبهم بتزداد سواد ، فرايي الشخصي انك تدي نصايح لله ومتنتظرش تغير لان محدش بيتغير الي الي عايز يتغير واحنا كشعب شايفين نفسنا جامدين اوي وقافلين علي دماغنا فخلاص هنفضل ف الفقاعه دي ،ربنا يجازيك خير علي نيتك ❤
عندنا الجماعة الدراويش بتوع الازهر و الاوقاف اقسملك بالله يا هندسة تقريباً كل اللي بيعملوه يحفظوا كام كتاب و يطلعوا يقولوا شوية كلام مكتوبلهم زي السكريبت من الدولة في كل خطبة جمعة و شغلانتهم في الغالب أئمة مساجد و بيقبضوا على كدا مرتب. لحد الوقتي مش قادر افهم ايه المهارة في اللي بيعملوه اللي تستحق انهم يقبضوا عليها فلوس.
طيب يا معلم انت دلوقتي عممت وانتقدت عدد كبير جدا من الناس ممكن نقول انهم يتخطوا الملايين...وقلت انهم ملهومش اي انجازات وكل اللي بيعملوه انهم بيحفظوا كام كتاب ومش فاهمين اللي فيهم ومش قادر تفهم فين المهاره ف اللي بيعملوه علي حد قولك ..وخليني تاني اؤكد علي جزئية انك عممت ها .... انا مش هناقشك ف حاجه من دي هسألك سؤال تاني خالص ... انت ايه المهارات او الخبرات اللي عندك اللي خلتك مؤهل للحكم عليهم كدا؟ مستني ردك
@@ahmedfathyalexوانت ايه مهاراتك لو هتأيد او هتعارض رئيس جمهورية او اداء حكومة معظمهم حاملين لشهادات دكتوراه وعلي اعلي دراجات التعليم؟ عارف ليه بتقدر تأيد او تعارض، او زي مشرف اللي بيعرض وجهة نظره او صاحب الكومنت، هي حرية التعبير اللي احنا في بلدنا المتخلفة بنحرم وبنشيطن اي حد رأيه مختلف، وبنلعب بكارت انت فاهم في اللي انت بتقوله دة! خلاص خيط بوقك وسد ودانك وافقع عينيك وهتعيش مرتاح.
الدين أخلاق ولا لحية ولا جلبية ولا نقاب واللي اخلاقه سيئة ميستحقش يكون صورة للمسلم بس للاسف دول اللي ظاهرين وجزئية فاظفر بذات الدين مش معناها اللي شكلها متدينة ولكن انت بتدخل البيت عندك فترة خطوبة المفروض انت بتحاول تعرف اكبر قدر من التفاصيل عن البيت وعنها وبتعمل مواقف تشوف هتتصرف ازاي فيها عشان تختبر اخلاقها
مصر بيغلب عليها الثقافة الريفية اللي كل واحد بيتدخل فيما لا يعنيه , واي شخص مختلف, المجتمع الريفي مش بيقبله, لازم كله يعمل نفس الحاجه, زي موضوع الحجاب كده, هتلاقي ان مصر ريف كبير علي عكس الدول المتقدمة هتلاقيها متمدنة اكتر وبيقبلوا الاختلاف
يا هندسة انا بسمع حضرتك من ٤ سنين تقريبا ومع الاسف كنت واحد من الذباب الي بيعلقوا عندك في الصفحة لحاد ما اخدت بلوك من حضرتك من ٣ سنين 😂 بس فضلت اتابع حضرتك برضو و تفكيري دلوقتي اختلف ١٨٠ درجة ..تحولت فكريا بشكل جذري ..انا مش متخيل اني نفس الشخص الي كان بيسمع حضرتك من ٤ سنين و كان بينظر عليك بلا سبب.
يا عم انت بتتكلم في ايه. ده دخلت بوست محمد هنيدي الي بيهاجم فيه المتحرش وعاملين يشتموا المتحرش وازاي اللي عمله ده جريمة. في نفس البوست لقيت تعليق لياسمين صبري بتدعي عالمتحرش او حاجة زي كده. ادخل بقى الردود على تعليقها كلها تحرش وقلة ادب وسفالة.
@@mmeshref حضرتك في الفيديوهات سابقة اتكلمت علي حجات زي اننا شعب عنصري وقولت هتوضح في الفيديوهات الجاية و كمان قولت حوار الشيوخ وانهم بيعملوا بلاوي بس متكلمتش بشكل كافي فا انهرده اتكلمت بشكل اعتقد مافي عن الشيوخ ومش اي حد لابس جلبية وعنده دقن كويل يبقي شيخ ومش اي حد تاخد منه اي معلومة في الفيديو ده حرفيا تكملة لفيديوهات كتير عملتها قبل كده ده غير بوستات الفيسبوك
صباح الخير يا بشمهندس.. جمعه مباركه علي حضرتك وكل المتابعين.. بخصوص موضوع التحرش بالطفله دا مش هقول غير حسبي الله ف كل حد يفكر اصلا انه يعمل حاجه زي دي ف طفله.. اما بخصوص الناس اللي بتدافع عنه وتغلط ف الطفله.. ف دول شركاء له ف الجريمه وان شاء الله لهم نفس عقابه.. اما بخصوص المشايخ والناس اللي بدقن فعلا مش كلهم كويسين ومنهم اللي واخد موضوع التدين ستار لوساخته مش أكتر.. لذلك دايما بقول.. لا قدوة إلا رسول الله في كل شئ.. اما بخصوص العلوم فمن الممكن ان نأخذ قدوة منها.. اما بخصوص موضوع الحديث اللي حضرتك عندك مشكلة معاه.. ذات الدين ليها اكتر من طريقه تتعرف بيها.. يعني اولا هنشوف أهلها ظروفهم اي.. أبوها وأخوها مواظبين ع الصلاه ف المسجد.. امها واخواتها محجبين بالحجاب الصح... اخلاق اهلها كويسه ولا لا وتعاملاتهم مع الناس عامله ازاي.. زي ما حضرتك قلت الدين بين العبد وربه واحنا معندناش اطلاع علي الحاجات دي.. لذلك صل الله عليه وسلّم امرنا بصلاة الاستخاره... يعني اذا كانت الصفات اللي ذكرتها ف اهلها موجوده.. ف طبيعي البنت هتكون علي شاكلة اهلها.. وهنا انا حكمت ف الجزء اللي اقدر احكم عليه.. ناقص اللي معرفهوش وعشان اعرفه يبقي لازم اطلبه من اللي يعرفه الا وهو الله.. يبقي بعد تحقق الشرط الاول الظاهري.. لا بد من استخارة من يعلم الغيب حتي اتمكن من الحصول علي ما لا أعلمه.. الباقي كله فعلا صح ومن أسوأ الحاجات الموجوده عندنا ف مصر هي الاهتمام لكلام الناس والعنصريه ف كل حاجه.. ولكن انا شايف ان دي افكار تم توارثها من اجدادنا لحد ما بقت طبع عادي وقليل جدا اللي شايف ان دي حاجه لازم تتغير.. اتمني فعلا انها تتغير لان الوضع ميتحملش اكتر من كدا.. ورجاء لحضرتك استمر انا فعلا واحد من الناس اللي حضرتك غيرت تفكيرهم ف حاجات كتير.. بالتوفيق لحضرتك
يعني الحديث دة من الاحاديث اللي حضرتك مؤمن بيها جدا .... حلو مالفتتش نفسك خاتمة الحديث اللي هي الحتة بتاعة الوهن هو حب الدنيا وكراهية الموت متفق يعني مع الكلام دة شايفه صح دي جملة من اكتر الجمل اللي مبني عليها مفهوم العمليات الانتحارية وخلافه
