سلسله ازالة الجلخ الفكري - حلقه 11 - مواضيع تشغل بال الشباب - الجزء الأول 

بارك الله فيك على المعلومات دى يبشمنهدس❤️

كلام جميل .... مستني الجزء التاني ان شاء الله

الحمد لله طلعت فاهم و مرتاح في الحورات دي من بدري. بالله عليك ما توقفش السلسلة الفشيخة دي ❤️😁

كلامك كله عظمة ويدل علي شخص عقله موزون بعيد عن الناس اللي بتهري فاي كلام وخلاص عشان تظهر

👏👏👏👏👏 ياريت الجزء التاني ميتأخرش منتظرينه 😅❤️

كل حرف صحيح ، شكرا علي مشاركة المعلومات

شرحت ووفيت احسنت والله تحياتى

احلى رجل امازون يا هندسة يا متسلطن

انا في كاليفورنيا وكلامك كله صحيح . تحياتي

فيديو مميز فعلا

فيديو جميل, يا ريت فيديوهات من دي كتير يا هندسة

جزاك الله خير

بحبك والله ❤️

ممكن تخلي فيديوهات اللي ع الفيس القديمة public الفيديوهات اللي تخص البرمجة 💖

استمر .....و ممكن حضرتك تكلمنا عن البرمجة أكتر

بالله عليك كمل في سلسلة نصاسح الشباب دي .. عشلان انت افدتني جامد .. يا ريت تشاركنا خبرتك والله انت معللللم

تحياتي ليك ... معظم الناس مش هتحس بلكلام دة عشان مش مستوعبينه لان ٨٠٪؜ من ناس مسفرتش برة وعرفت دنيا بتتعامل ازاي برة في شغل و الحياة عموما ...(الكلمة مبتغيرش إلا اللي بيسعي للتعيير ، و مش هيبصوا اللي انت فيه دفعت ايه مقابله كل بيبكي علي ليلاه وشيطانه بيطبطبله ) استمر لو سمحت 💐👌🏻👍🏻

شابوه بشمهندس محمد

الموضوع يا باشمهندس معقد فعلا بس صدقني الدنيا كلها مش بتمشي ١+١=٢ ولا ايه رايك ؟ بس من ناحيه القيمه المضافه فعلا كلام فعلا مظبوط

ممكن تتكلم عن ال time management?

ي هندسه ممكن الصوت يكون واضح شوية

الواحد فعلا لما كبر شوية وأختلط بفئات اجتماعية مختلفة فهمت فعلا ان اللى في خير تعب وضحي بوقت وجهد وممكن مال ومخاطرة علشان يوصل للى وصله من فلوس ومكانة الفكرة فعلا فى الاستمرار فى التعب والمعافرة على المدى البعيد علشان ترتاح بكرة لازم تتعب دلوقتى لكن للأسف لما تيجي تزود فترات عملك تصطدم بفكرة ال work life balance وتلاقي أول ناس تواجهك هما أهلك اللى شافوك بعدت عنهم !! تقعد تقنعهم أنك مضطر تشتغل فى أكتر من مكان فول تايم وبارت تايم وفرى لانس علشان تقدر تحقق لهم مستقبل كويس برضه مش بيقتنعوا الحل ايه ؟!

يا هندسة معلش عايز اسأل حضرتك على حاجة انا قدمت في معهد عالي حاسب آلي و نظم و معلومات ايه رأي حضرتك فيه؟

باشمهندس ممكن اسال حضرتك عمرك كام علي كل اللي حضرتك وصلتله؟ مش فضول و الله قد ماحضرتك فوقت الواحد علي حاجات كتير... بدات فيها و عندي حاليا ٢٦ سنة و حاسس اني في سباق اني احسن من نفسي علي قد ماقدر... بس ندمان علي كام سنة اللي ضاعوا مني دول و حاسس اني اطلع ادرس ماجيستير و انا عمري ٢٩ سنة ولا ٣٠ هكون خلاص كبرت و فات قطر العمر.... بس حضرتك بتدي امل كبير للواحد 🙏🙏😊

السلام عليكم عذرا عندي سوال بس مش في موضوع الفيديو بشمهندس التسجيل في اول دفعتين خلص وحضرتك كاتب ان التسجيل التاني هيكون في نوفمبر عندي بس طلب لو ينفع حضرتك تفتح باب الدفع بحيث الواحد يدفع ويعرف معاد حتي لو بعد اكتر من شهرين اوثلاثه او حضرتك تقول تقول يوم كام في نوفمبر بالظبط علشان لو كده الواحد ميقدرش يستني شهرين تاني شكرا علي مجهودكم مع كامل الاحترام

يا هندسة كيف استطاعت حكومات الدول المتقدمة رغم هذا الضغظ الضريبي الرهيب ان تمتص غضب شعوبها و ان لا ينفجروا ضدها؟

كلام منطقى كله ويحترم انت دلوقتى لو حد قالك عايز مرتب كام وانت قولته مثلا 50 الف فهو هيسالك سؤال منطقى جدا ويقولك انت هتضيف ايه للمكان وهنكسب ايه من شغلك يخلينا ندفعلك الرقم دة , فى حتة تانية بس معلش لو فيه فائض زى مثال اللحمة ليه ميكنش الاستفادة منه فى حاجة زى التصدير ؟؟لو عندنا انتاج فائض فى حاجة ؟؟

❤❤❤❤❤❤❤❤❤❤❤❤❤❤❤❤❤❤❤❤

اللي ورا دي تلاجة؟ اظن مكانها غلط قدام الدفاية لو كنت بتشغلها

الله عليك. بختلف معاك بس فى ال targeted segment للفيديو. الفيديو مش صح يتوجه للشباب الصغير بس. انا اعرف رجالة بشنبات واصلين للخمسين من عمرهم و البديهيات دى مش عندهم أصلا.

الصوت واااااطى جدا جدا ياكبير

طيب لو عايز resources عشان اذاكر لل banking systems، انا حاليا بذاكر Data science و Math

متفق معاك في كل كلامك ولكن في سؤال جيه في بالي + سيرش خمس دقايق فممكن يكون فيه حاجة انا فهمتها غلط بالنسبة للمرتبات فانت لو قارنت برضو مثلا بين العامل اللي في مصر واللي بيشتغل في دولة تانية ولنفرض مثلا امريكا فانت محتاج تاخد بالك من نقطة ...... هل انا كعامل لو اشتغلت ساعة واحدة في مصر مثلا علي الحد الادني للاجور و كذلك ساعة في امريكا في اي ولاية برضو بالنسبة للحد الادني للاجور هل هاخد فلوس تخليني اقدر اشتري نفس الحاجات اللي الامريكي مثلا بيقدر يشتريه بساعة شغل؟ يعني مثلا لو قارنت بين عامل في كاليفورنيا بيقبض 12 دولار في الساعة -الحد الادني للاجور في كاليفورنيا- ونقول ضرايب مثلا 9.75 % يعني تقريبا بيصفصف علي 10.83 دولار وعامل تاني في مصر بيقبض 12 جنيه في الساعة -الحد الادني للاجور في مصر- هل هيقدر يشتري نفس الحاجات؟ 12 جنيه في مصر تقريبا ميكفوش وجبة لشخص واحد بس .....هل بالنسبة للعامل الامريكي 10.83 دولار ميكفوش وجبة لشخص ويمكن لعيلة؟

28:39

Maybe your LinkedIn to talk to you if you can please

شايف الوقتي بعض الناس الي اعرفهم بيشوفو الفديو ده و بيصوتو ازااااااي دا الناس غلااااابه مش لاقيين لاكلو حسبي الله ونعم الوكيل !!! ف الغالب نسبه الي هيستمع للكلام ده و يفكر فيه متعديش ال ١٠ ف الميه

انا اعرف امثله شخصيه لطلبه لسه متخرجين من الكليه بمقبول و اشتغلوا فى فودافون و موبينيل تانى يوم بواسطتهم ف انت فى مصر يا هندسه الشغل الخاص هنا مفيهوش التنافس اللى بره عشان يدوروا عالشخص المتميز

كلام سليم ١٠٠٪. هو بس في نقطة ان الطبيعي ان مش كل الناس هتبقي متميزة عشان كدة المطلوب هو ارتفاع متوسط ال gdp per capita عشان الشخص العادي حياته تبقي احسن ودا مفروض من مستهدفات اي حكومة

طب والحل ! يعني هو الكلام منطقي وكل حاجة ... بس بجد محبط جدا جدا يعني عموما شكرا

يااااه طب ما دام العيشه بره وحشه اوى كده ليه الاجانب مش بيهاجروا للدول العربيه و تبقى الأيه معكوسه ؟! طالما هما مفشوخين بالمنظر ده و طالع تلاته ميتنهم و بياكلوا م الزباله و مديونين لطوب الأرض طب ما يهاجروا لينا هنا

كلامك كلو زي الفل بس نجي مثلا لحتة المشاريع هو في جيش في العالم بيعمل مشاريع زي مصر و شركات خاصة كتير قفلت بسبب الموضوع دا وناس كتير اترفدت من شغلها تب علي افتراض اننا جامديين اوي وهننجح بالكلام دا هل في حاجا اسمها اعمل مشاريع من غير دراسة جدوي تب ازاي ثانيا الضرايب حضرتك قلت زادت ١٠ ولي ١٥ في المية مش فاكر الرقم بالظبط تب هل انا حسيت بتغير في الزيادة دي لا حاجا مثلا زي المدارس حضرتك لو دخلت اي مدرسة حرفيا كمية تراب متراكم بقالو سنين محدش نصفو تب انا بدفع ضرايب لية دا غير الشوارع الي رايحة في داهية و الحفرة الي بتتحفر بتتقفل بعدها ب ٥ او ٦ شهور و الي هو نظام اي حاجا في اي حاجا ياريت حضرتك تجاوب عليا و ياريت تعمل فديو تقلنا في احنا كاشباب نعمل اية في حاجا زي التعليم الي زي الزفت هتقلي نتعلم اونلاين و نعتمد علي نفسنا معاك و انا فعلا بعمل كدا من سنتين بس العيال الي في اعدادي و ثانوي الي كل شوية الوزارة تحط دهية اوسخ من الي قبلها زي التابلت دا غير انو كل مرة يعمل امتحان السيستم يقع والعيال تتفشخ هو في حاجا اسمها اعمل عمارة شكلها حلو و مدهونة من برا و الاساس زفت الوزير عمال يطور في الاداء و سايب المناهج اقسملك بالله في كتاب الفزياء ٣ ثانوي في درس الليزير مكتوب الليزير يستخدم في حرب النجوم انتم متخيل الهبل

انتم اعدادكم كثير وموارد قليلة وعايشين طبيعي تعال شوف دولة مثل العراق سكانها اربعين مليون ونفط ماعرف كم مليون برميل با اليوم وغاز وفسفور وما ببهة اي قطاع خاص نهائيا بحيث تتخرج تنتظر يا اما الدولة تعينك او لا !

خد عندك افكار لمواضيع ممكن تتكلم فيها لازالة الجلخ الفكرى. ١. جملة 'تقبل العوض على نفسك' و نعتبرها عيبة لما حد يدفع ثمن حاجة خربها. ٢. الامثال الشعبية اللى جايبانا ورا زى احيينى انهردة و موتنى بكرة و ان مثل زى دة بس لوحده سبب اننا معندناش تخطيط بعيد المدى حتى على مستوى الدولة. ٣. خرافة الاعلام المحايد. اهى مجرد افكار جات لى وانا قاعد.

تاني حاجة معتقدش ان عدم فهم الشباب المصري الحاجات دي شئ غريب للدرجة دي انا بشوف ناس بتشتكي من الاسعار وقلة المرتبات في كل حتة في الدنيا اخرهم كانت دكتورة فيروسات في اسبانيا بتشتكي ان مرتبها قليل رغم اهمية شغلها وان ازاي ميسي وكريستيانو بياخدو اضعافها. شايفك جاي علي المصريين بزيادة الصراحة في دي

لا اعتراض ولكن فية حد ادنى و مقابل لدة مثلا يوم ما يتعب مش هيمد ايدة فجيبة علشان يدفع 30 او 40 الف جنية لعملية بسيطة او يتلطم فمستشفيات الحكومة الأكل و الشرب فى متناول الأيد فية حد ادنى للمرتب بالساعة فى المقابل بتتعب علشان تلاقى لكن هنا الدنيا غير محكومة و كلة من جيبك حتى بعد ماتدفع الضرايب تعبت على حسابك دواك على حسابك مفيش تأمين بيغطيك و حتى لو فية تأمين تبع شغل فبيقى بنسبة مش شامل زى برة فبرة بيضحى و بيلاقى لكن هنا الواحد بيضحى و مش بيلاقى

11:11 انت تقصد الناس تبطل تاكل لحمه كل يوم عشان ترخص ، طيب الفقير ماسك بطنه وماسك بقه بس ملهوش سيطره علي الاغنياء يعني ميقدرش يمنع واحد غني انه يشتري لحمه كل يوم يبقاا المفروض الغني هو اللي يبقاا عنده دم ويعارض الكلام ده لحد ما الاسعار تقل مش بنشوف كده دا احنا بنشوف العكس بنشوفهم حتي علي الخضار لما بائعين الخضار في السوق يزودوا السعر يروحوا فرحانين بيهم ومشتريين بالكوم وكانه عادي مش حاسيين باي حاجه، يعني قطعوا علينا مياه ونور ولا لحمه ولا خضار حسبي الله ونعم الوكيل

إنت كده بتقول النظام ملوش دعوة بأي حاجه و الشعب هو اللي أكل الجبنة , كنت هوافقك في الرأي لو كان النظام عامل اللي عليه بتوفير بيئة صحيحة للتعليم مثلاً , التركيز علي التعليم الفني و تطويره علشان يحببوا الشباب في الصناعة و يبعدوا شوية عن كليات الهندسة اللي مليانه , في حاجات كتير كان ممكن تتعمل بالفلوس اللي النظام المصري إستلفها و أخدها من الشعب و أنا مش هطول في النقطة دي كتير علشان في 100 دليل بيثبت خيانة النظام الحالي بطرق شتي ,المهم إننا عايزين الشاب من دول يصحي الصبح و يشوف حاله و يُبدِع بعد ما فضل واقف في اللجنة إمبارح بالساعات جنب أمين شرطة معفن معاه إعدادية و بيستغل قانون الطواريء , في حاجات كتير أهم من الفلوس في البلد , و إنت أكيد عارف كويس , بلد ضحل سياسياً أكيد مصيرة البلاعة إقتصادياً و أخلاقياً , الشباب كان بيلحس أسفلت ميدان التحرير بلسانه في 2011 لما كانوا حاسين إن البلد رجعتلهم تاني , واحده واخده هيبدأوا يفقدوا الثقة علشان عارفين إن مهما حصل محدش هيسمعلهم أصلاً , في البلد دي لازم تكون بتهري علشان تركب ترند و كلامك يكون مسموع , فأرجوك متقارنش شعوبنا بشعوبهم , هما أسسوا شعوبهم علي المسطرة و سايبين لينا إحنا هنا سكرتارية كل همهم كنز الفلوس , سواء بقي رئيس جمهورية ولا قاضي ولا حتي نائب مجلس شعب , كله بيجري ورا الكوميشن يا هندسة و ربنا يرحمنا بقي , أبولوجيز طولت عليك و دمتم بصحة و عافية إن شاء الله