بس اريد اعرف كل الطلاب النجحوا من السادس و المدرسين كذلك كلها تكول خلصوا اقل شي اربع مواد بالعطلة هي يا عطلة بس اريد افهم البارحة وزارة التربية تكول الدوام 17/9 اول مرة بتاريخ العراق يصير الدوام بنصف الشهر التاسع و راح ينتهي الدوام الشهر الخامس يعني باقيلنة من شهر السابع والثامن فقط!! و الكتب كاملة ومطولة وتحتاج وقت كلش هواي يلا تخلص ، خلي نناشد الوزارة يأخرون الدوام للشهر العاشر رجاءا طلاب!!
1: ما تروح للامتحان وانت نايم. علم الاعصاب يكول انو الدماغ لمن يحفظ المعلومات يسوي خلايا عصبية وهل خلايا ما راح تكتمل بشكل كامل الا لمن تنام فلمن تنام انت دا ترتب الخلايا العصبية الي بدماغك 2: عدم دراسة الحفضيات من العطلة. اتفق لان الحفضيات تاخذ وقت كلش كلش طويل وخصوصا انو هواي اشخاص الوقت عدهم زحمة ++ لازم تسويلك جدول مراجعة علمود ما تنسة( اخذها نصيحة مني لن راح تنسة كشي اذا ما تسوي جدول مراجعة*اذا ما تعرف شلون تسوي جدول مراجعة اكو يوتيوب*) 3:دخلت الخصوصي هواي وملحكت. الخصوصي محد ينكر انو يفيد هواي بس مع هذا ياخذ وقت فشوي هدي ولا تلزك الا تاخذ المواد كلهة خصوصي لن لازم علأقل علأقل أربع ساعات تقرة باليوم ببيتك واصلا متكفي هل اربع ساعات 4: عدم قراءة اليومية (شهري) لا تراكم عليك المواد بالشهريات واقرة كشي بيومة 5: عدم الاطلاع على الأسئلة الوزارية الوزاري حيكون نمط مختلف عن الي براسك او نمط المعلم فضروري جدا جدا تجيبلج اسئلة وزارية مال سنوات سابقة واعتبرهة حالهة حال الكنز يعني اذا خلصت فصل تجيبلك أسئلة وزاري لهذا الفصل 6: التأجيل حيصير الك حالة نفسية ملخص الكلام 7: التفكير الزايد (الظغط) السادس يعتبر مرحلة عادية مثل مراحلة سابقة بس يرادلهة جهد اكثر ويعتبر مرحلة سخيفة جدا واحنة الي وترنة الوضع من ورة الاعلام والسوشال ميديا الي لزك بالمستقبل 8: التسخيت يرادلة حجي؟ لا محاجة
استاذ يمكن ما فهمتني اني بس لخصت كلامك وما عندي شي وياك بالعكس الي كلتة صحيح وما دا اعاند كلامك لن ما بي شي غلط بس ربطتة بالشغلات الي اني فهمتمه او اعرفهة وكتبت الي كتبتة اصلا اني مو طالب سادس ولا شايفة بحياتي وما دخلت للاعادادية حتى @@mohammaednofly
اللهم يامسهل الشديد ،ويا ملين الحديد، ويا منجز الوعيد، ويامن هو كل يومٍ في أمر جديد ، أخرجني من حلق الضيق إلى اوسع الطريق بك ادفع عن نفسي ما لا أطيق ولا حول ولا قوة ألا بالله العلي العظيم ❤ نسألكم الدعاء طالبه خارجي سادس دفعه 24 😊
معيدة اخذت هذا القرار بعد ماوصلت لامتحان الرياضيات وشفت انو اني ممظبطة المواد العلمية واني اريد معدل فشباب التزموا بهالنصائح اذا تريد معدل وان شاء الله السنة هاي الاسئلة سهلة
استاذ حط التسخيت اول شي لان هوه اهم منهن كلهن و نصيحتي للطلاب الجدد اذا قريت و تعبت روحكه باليوم و تكول خلاص اني استحق الراحه دير بالك تلزم المبايل تره ما راح ترجع تكمل والله العضيم و المصدر ابحثو عن اثر المبايل على الدوبامين❤❤❤
@@sads.._338 😂حتى اني اقره بالمبايل 😂😂 اتمنه ان تقره بس المطلع مال الفهم لان موضوع جدا مهم ❤️ الله شاهد على المعلومات الي راح اذكرهن امام الله اذا بيهن وحده جذب او ما تفيد اني اتحمل المسؤليه بيوم القيامه👳 .... .........كلام الامر الي بدون فهم.......... اذا الواحد يستعمل المبايل للدراسه بسسس عادي و كلش مفيد المبايل بهاي الحاله و الباقي مضر جداا و خطر على حياة الانسان بالكامل مو بس الدراسيه .......؟.................................؟...... ❤️الكلام بالفهم🤔 احنه كبشر🙇 عدنه تعريف الاراده هوه ...الهاء... النفس عن شيء العقل🧠 لا يريد فعله ...وليس ارغام النفس عن الامتناع عن شئ العقل🧠 لا يريد فعله لذالك النفس بمرور الوقت تبدي تحب تلهي روحهه و العقل في سبيل يخلص من الضغط يبدي يبين النه ان كلشي ما اله قيمه ممتع مثلا اني قبل فتره من اكتشفت هذه الكلام بعد ترك المبايل شفت ان هواي اشياء حولنه جداا ممتعه🤣 بغض النضر عن الدراسه 📖... شفت بعد ما تترك الاشياء الممتعه بالمبايل راح ترجع مستقبلات الدوبامين(هرمون السعاده) لطبيعتهه لان المبايل ينطيني دوبامين(هرمون السعاده) بكميات عاديه بالبدايه اشوف الموضوع ونسه من اكمل بالمبايل الاشياء الممتعه (الالعاب و مشاهدة اليوتيوب للمتعه و غيرهه) ف بمرور الوقت عقلي تعود على جرعه معينه يوميه من هرمون السعاده بعد فتره الي يصير بيه مثل الي يصير بمدمن المخدرات☹️😢 و هيه جرعة الدوبامين تصير ما تأثر بمستقبلات الدوبامين ف اكوم ادور على اشياء ممتعه اكثر حتى ازيد جرعة الدوبامين🤯 و فعلاً راح الكه اشياء تونس و بيهه كمية سعاده عاليه . و عاقبة هذه اكوم ما اهتم للجرعه البسيطه من الدوبامين الي تنفرز من اكمل قرايه 📖📖 اني و الاغلبيه اول ما ادخل باليوتيوب بعدني ما باحث على المدرس الي اريده... اشوف الالوان عقلي يبدي يسخت و اتصفح شكم مقطع قصير او بس اباوع للاشعارات و او للمحتوى الجديد ....ما هي الا عشر دقايق🕐 او نص ساعه🕕 حتى لو بوقت الراحه بس هيه راح تخلي المخ يتعود على جرعة دوبامين اكبر من الجرعه الي من اقره📖📖 احصل عليهه ف راح اضل طول ما اني كاعد اقره📖 ضايج😫😩 و اتمنى الدرس ينتهي و اروح احصل على جرعة دوبامين عاليه من اليوتيوب لحد شهر الجسم يكوم ما يتحمل ضغط🥵 التحمل و الواحد يبطل يقره 💔 ................................................ اني سويت المبايل من خلال 1-الاعدادات العامه....⚙️ 2-الاعدادات الاضافيه..➕ 3-و اعدادات المطور ..👩💻 4-ومحاكاة مسافة اللون .. 📵 5-عمى الوان كامل .. ⬜⬛ -تحول المبايل كله الى اسود و ابيض- تكدر تسويه بهاي الطريقه و اذا ما ظبطت تنزل برامج تحويل لون الجهاز من Google play هاي الطريقه جدا فعاله بالاضافه الى ان الكتابه مال مدرسين اليوتيوب تبين واضحه و الصور الي نطكهن تطلع بالالوان الكامله للي ترسلهه الهم❤️❤️ لازم كل واحد يمسح كل تطبيقات المتعه و يمتنع عن مشاهدة الفيديوهات لغرض المتعه 🤪 لمدة (١٤) بس ترجع مستقبلات الدوبامين الي حالتهه الطبيعيه😇 و الهدف الاساسي هوه ان ما تباوع للمبايل حتلو تروح تلعب بالطين روح العب طوبه⚽🏀🏈⚾🏟️🎱🏸🤾 روح اطبخ👨🍳👩🍳🍳🍛🍽️🍲🥘 عمي روح نام 😴 روح استريخي😄🧘 مارس رياضه جديده 🏄🚴🤽♂️🤾🤸🧖🏃🏋️🧗🤼🤹🏇 تعلم مهاره 🛠️🎙️ ارسم 🎨 جيب ورقه و قلم و فرغ كل افكارك بالورقه 📗🖊️ تعلم لغه جديده📗 اهم شي ما تستمتع بالمبايل 📵📴 هنا الواحد راح يواجه فراااغ طول الوقت و تكوم الدقيقه تمر ساعه⌛ و هذه هوه المطلوب ذروة الاستنشاط مال الدوبامين يعني الدوبامين مركز يريد اي شي بسيط حتى يفرح و يستمتع حتى لو قرايه بهاي الطريقه تخلص من ادمان مستوى عالي من الدوبامين و هنا تكوم تستمتع بالقرايه ولله العظيم🕋 و اذا صارلك ضرف تكوم تشتاق للقرايه ☺️ لان عقلك يبدي يحب القرايه و يكوم يتذكر السعاده الحلوه الي تجي من الواحد يتقدم بالماده ❤️ هذه الكلام ناتج من بحث لمدة شهر الى ٣ اشهر تقريبا لان ما جنت بس ابحث جنت اجرب و اكتشفت ان الحل المشترك ١٤ يوم بس كفيله للتخلص من ادمان المبايل بس احذر ⚠️ من الممكن ان ترجع لنفس الادمان بقسوه اكثر لان راح تشوف المبايل جنة السعاده و بس تحصل على هاي الجنه تدخل بأكتآب حاد لان ماكو شي ينطيك سعاده بكد الي حصلت عليهه و تضل تشوف كلشي ممل و ما بيه حماس و هاذي يسموهه علميا دائرة الدوبامين المضلمه ❤️❤️ 😅اسف طولت بس الموضوع اكبر من هاذي الكلام بهواي اني اختصرت بيه هواي ❤️❤️⚠️💔
يعني شعور يخبل من تخلص سادس تصير افرغ من الفراغ نفسه وتكدر تسوي كل الشغلات التحبه فا انجحو من السادس وفضوها ولحد يخاف لان هو صف حاله حال اي صف ولا تصدك بكل الطلاب التريد طبيه 🙂🙂
طلاب نصيحه مني ومثل ماكال الاستاذ كل ماتبدون تقرون من وكت احسن اني عدت سنه لان كلشي ماقريت بالعطله واول ماداومنه تحاضير ودك امتحانات وعدت بسبب هذا الشي وإن شاءلله هاي سنه غير بديت اقره من العطله راح اتعب اكثر وانتُ هم ادرسو واتعبو ؏ نفسڪم هاي سنه اخيره وتحقق بيها مصيرک وذڪرو الله ميضيع تعب احد🥹🤍
بالضبط نفسج بالخامس من الطلبة المتفوقين جنت بس ضروفي متساعد ادخل خصوصي و مقريت بالعطلة داومت و ما اعرف اروح للمدرسة بدون تحضير لذلك اجلت و دخلت خصوصي هسه و ملتزم
اي والله من ارجع من معهد تعبانه اطلع من ٥ و وارجع ب ٢ والله تعبانه لدرجه ما اكدر ادرس بس بليل ويصير تراكمات هواي انا داخله بس اربع مواد وانا ما ردت الخصوصي امي جبرتني وكرهت سادس لدرجه مالي خلكه وكاعد اسخت حاليا.. بس شوي جاي ارجع ادرس..
نصيحه من طالبه دور ثاني ...السادس اساسه بس ثلاث شغلات هي الالتزام وتنظيم الوقت والتحضير اليومي ..وانت اطلع معدل عالي صدكني هاي جانت اخطائي في السادس واليوم معدلي ٦٧ ومأجله ٢ وطالعه ب٣ وأن شاء الله ارفع معدلي ادعولي
صارت عندي ضروف وماكدرت أقره اول ما بلشت العطله وهسه بلشت أقره من اليوم ودوام بعد شهر واني كلشي مفاهمه ولا شايفه مواد سادس💔💔 احس نفسي مراح الحك على اي شي 💔😓
الدوام شهر العاشر يعني تلحكين وخلي ابالج اكو ناس بدت من الدوام يوم بيوم وطلعت معدل يعني بطلي التفكير السلبي مثلج انا هلكني التفكير وياج دفعه 2024بالتوفيق
استاذ ربي يبارك بيك والله مدري شلون طلع الفديو جدا انقذني اني من بداية شهر السادس بديت اسخت واضيع وقت وهسة متندمة عل 20 يوم الي ضاعو بس ان شاء الله اصحح الاخطاء وابدي بقوة ومن دون اخطاء
نصيحه من طالبه معيده بعد ما مرت بكُل السادس ١- لازم تدرسون بالعطله حرفيا الي مايدرس بالعطله اني اكله انت تنجح بس مارح تطلع معدل يعني مثلا ً اني درست بالعطله ٣ مواد تقريبا نكول كملتهم بحيث اجيت للمدرس هيج بس مُراجعه جنت رأساً اتذكرهم فه بعد اكو وقت استخلوا العطله. ٢- لا تفكرون بالتأجيل ببدايه السنه هاي خطأ كُلش جبير يعني مثلاً اني ماجنت رايده ااجل يعني درست العطله كلهه والمدرسه حرفيا ولا يوم اذا مادرست بيهه يعني حياتي عباره عن دراسه وصلت للمراجعه ودرست وتعبت وصلت للامتحانات استسلمت !! وهاي خطأ سويتهه ادري بس يعني اني خلص استسلمت بوقت الامتحانات بس فرحانه كُلش لان كملت مسار السادس وبعدين يلا فكرت لحته ااجل . ٣- انتو من تدرسون ع يوتيوب ماعليكم بأي احد اذا يكلولج ادرسي ع فلان او علان انتي يزتيوب بأيدج وروحي دوري الاساتذه الي ع يوتيوب وشوفي اذا افتهمتي عليه خلص ثبتي عليه وهكذا ... بس مو شرط انو تدرسين والله فلان كلي ادرسي ع هاي المدرس لا انتي شوفي بنفسج. ٤- نامو من وكت وكومو من وكت لان المدرسه لازم تكومون من وكت فالاحسن انو تستقرون ع هاي الوضع. ٥- اني ضد الملازم يعني ابد ماانصح تشترون ملازم لان كثرة الالوان الي بالملازم الطالب بهاي الحاله ما رح يتذكر المعلومات يعني مرات الطالب يتذكر المعلومات حسب الصفحه ومشاءالله الملازم كلو الون يعني صعب يتذكر المعلومه يعني اذا تريد معدل جيب دفاتر واكتب كلشي بيهه من وزاريات من التمارين من الملاحضات وهكذا..... ٦- المواقع التواصل الاجتماعي اتمنه انو تبتعدون عليهه لان حرفياً رح ياخذ من عندكم وقت كلش جبير الافضل للطالب بس يبقي فقط يوتيوب بالمبايل مالته وتلكرام هاي القنوات الي تستفاد من عندهم اما انستا وتيك توك وغيره فأنصحكم انو تبتعدون عليهه ❤ واتمنى النجاح للجميع والمعدلات العاليه الكم والي بالمثل .. واتمنى تدعولي لحته هاي السنه تصير عليه سنه خير وانشاءالله مااستسلم واواصل + يعني مشاءالله عليك استاذ نصائح كُلش مفيده يعني اني معيده وشاهدت الفيديو للاخير رغم انو اعرف الاخطاء الي سويتهه شُكراً لجهودك...🌷
@@noorhk2006 شُوفي انتي ابد لاتخافين من المواد يعني والله اذا درستي يوميات وظبتيهم باليومي خلص بس مراجعه وتكفي للوزاري اهمشي تحلين وزاريات لان كُلش تتسفادين
@@noorhk2006 صدكي الطلاب الي طلعوا معدلات عاليه ما دخلوا خصوصي فقط يوتيوب بس يريد من عندج التزم محاضره محاضره ووره كل محاضره ادرسي وزارياته واني اضمنلج معدل عالي انشاءالله اهمشي تدرسين ع المدرسين الي انتي تفهمين عليهم، والاهليه يحتاج وقت روحه وجيه اعتقد مارح تكملين المواد اذا انتي بعدج بالفصل الاول بس ع يوتيوب خصصي ورح تكملين بساع
بس قرار من هذا الفديو راح اقر وثم اقرا وبدون خوف ان شاء الله وجيب معدل ويبقى هذا الفديو احلى صدفه وان شاء الله اطلع معدل استاذ هسا اني بالخامس معدلي ٩٤ وباسادس مادخلت وزاري 🥺🥺بس قرارت بعد ماخاف ابد وبدون ضغط ابدأ وهسا جاي اضبط ٤ على دوام
@@atroo حنطيك أغلاطي ، لحيت بالوزاريات واحل افكار متشابهة + أحل من ١٩٩٩ + ماقرى اثرائي الي جاي وزاري من قبل بحجة اثرائي + اذا معجبتك ملزمة أستاذك الي بلمدرسة ممجبور تشتريها + سويت انتساب بسبب ظروف صحية بس جان اكبر غلط يعني حتلو تراكمت حالتك صحية حاول تروح لطبيب او تسوي اجازة مُهم مو انتساب + لتقارن نفسك ويا غيرك بس مو مُشكلة اذا حاولت تنافس غيرك بالدرجات + اذا صارت عندك طلعة او ظرف و طار عليك اليوم كمل واجباتك ولتراكمهن حتلو على حساب نومتك + واخر شي لتهمل مادة وتذب حيلك على مادة مثلاً اسلامية او مادة صعبة عليك ومالك واهس بيها لهذا ضل تراكمها لأمتحان وبس والله 🥲.
شسالفه طلاب ترى ليش معقدين الامور ومسوي على شكل رعب ترى عادي ليش تعقد الامور اصحى على نفسك ترى رب العالمين موجود ليش مئيس وربك موجود على شنو كاتلك الخوف ترى هو عادي حاله حال المراحل البقيه الفرق الوحيد انو هاي اخر سنه وراح تحدد مستقبلك ولازم تدرس ليش هذا الخوف والتوتر والتفكير اللي اصلن ماله اي داعي اسعى يعبدي واني اعينك هذا كلام ربك انت بس اطمئن وخليك ايجابي وابعد عن الافكار والناس السلبيه وخلاص وينتهي ترى كله فترة وتعدي وبعدين تضحك على نفسك تكول اني شبيه جنت هيج مكتئب ريح بالك ريح تفكيرك وها موتكول اني راح اقرا على نفس المدرسين اللي اخوي وابن عمي قرو علي ابد ماانصحك لان يجوز همه طريقه فهمهم تختلف على طريقه فهمك لذلك انت ابحث وشوف المدرس اللي يناسبك وكان الله يحب المحسنين اصحى يااخي الحياة حلوة #استاذ محمد النوفلي الإيجابية بحد ذاته ❤
أنا طالبة دفعه 23 وراح انطيكم اخطائي اول شي ما قريت بالعطله قبل السادس و كلت ابدي ويه المدرسة من بدت المدرسة حرفيا مثل الاطرش بالزفه ما ادري بسرعه بظرف اسبوعين بدت الامتحانات الشهرية وأنا حته الملازم ما مكملتها كملت ملازم و بلشت صار عندي تراكم و بدت نصف السنه ضليت أسهر هواي كلش لدرجه اخلي نومتي بالمدرسه و بعد فتره تمرضت بسبب السهر و سوء التغذيه لان ما عندي وقت + من أكبر اخطائي ما اعتمدت على مدرس واحد و جهادت يلا دخلت وزاري و من دخلت وزاري ما لحكت لحد هذا اليوم و أنا عندي تراكمات بسبب اخطائي 💔و راح اعيد سنه بسبب هاي الأخطاء ياريت تنتبهون و ما تكررون اخطائي والله يوفقكم جميعا 🤍🤍✨
بما انو كل التعليقات سلبية وكلهم يبجون، اني مطلعة اعفاء وبديت من 28/4 وسختت اسبوعين بالشهر الخامس، اني مخلصة افصل أولى من كل المواد ما عدى اسلامية وانكليزي ما بادية بيهم وداخلة بالافصل الثانية ومسوية خطة اخلص الافصل الثانية لجميع المواد نهاية هذا الشهر، جاي اقرأ اقل شي خمسة ساعات وتجيني ايام كسل اقرا ساعة وحدة، ومسوية الي موعد امتحانات شهر اول واخترت يوم 8/3 لحد 8/11, راح اضبط الي قريته بمراجعة وحل وزاريات واسئلة بأذن الله اگدر اضبط الي قريته, وصح شوي احس ناسية المواد بس عادي هل شي متأكدة لو اسوي مراجعة عليهم راح أتذكر ، اضافة ماعندي مشكلة لو يجي الدوام وانا مخلصة فقط فصلين لين اعتقد بالالتزام والجد مع المدرسة وأگدر حتى اضبط يومي بين واجبات المدرسة وبين احفظ افصل جديدة، والي اريد افيده من تعليقي شباب لا تنخبصون، سوي الي تگدرون عليه، انتم مو سوبر هيرو حتى تخلصون المواد كلها بالعطلة وبدون تضبيط فوقها وتسربت، الفترة الحقيقية الي تضبطنا هي فترة المدرسة بس هذا ما يعني انو هاي الفترة ما نستغلها، حاولوا بس وخلينا نثق بالله انه ما راح يضيع تعب اي احد.
الخطا السادس صار وياي وانو الخصوصي هوه الي دمرني جبته من الاول ابتدائي للخامس اعدادي اني كله اول بس بسبب الخصوصي وسن المراهقه وعلاقات عاطفيه دمرتني بس الحمدلله كدرت انهض بنفسي وجاي أذب نفسي حتى اطلع من السادس ادعولي
@@غانممصطفى-ه1ذ ليش للاسف المفروض تكون فخور بنفسك غيرك ماسمحلهمم الحض يدرسون كول الحمدالله لاتتاسف ع شيء صار تكدر تروح محاسبه وهاي المهنه كلش معترف بيه ويحتاج ها هواي سواء مستشفى شركه الخ تكدر تصير مدرس هم هل شيء حلو وتكمل دراسات وتستغل مهنتك بصوره صحيحه راح تصير انجح من طبيب عندما تعرف تشتغل ع نفسك صح راح تحصل النتيجه الصح دائما فكر بايجابيات شيء لاتفكر بسلبياته وبالتوفيق
@@غانممصطفى-ه1ذ ولتكول مالي واهس محد اله واهس يقرا ومحد يحب التعب بس نسوي هل شيء حتى آخر شيء منتندم ونكول ياريتني سويت عل شيء ودرست ولتفكر تعيد السنه لان معدلك حلو ومدام انت ماجد الاحياء تكدر تدرسه ع سالم منصور وتجيب ميه والله
طلاب مو كل الي درسو بالعطله كملو المنهج لااا تراا الي يدرسون بس يخلصون كم فصل على مود لا يتعبون بالدوام فا لاتصدكون انو يخلصون المنهج ونصيحة من طالبة سادس حاول تدرسون بالعطله ولاتسختون
مع الاسف خطأي جان ماانام وقت الامتحانات وضغط وتوتر وبجي بس كلشي ماافاد😫 دفعة2023وراح اعيظ السنه من ورة هاي الاخطاء الي جنت احسها بسيطة ومتأثر لحد يككرها بليزز
شكلي واني هاي الاخطاء كلها دااسويها وجنت مقرره اقره بالدوام واخلي مواد الحفظيه بالدوام بس الحمدالله شفت الفديو هس صح متاخره بس مهم شفته إن شاء الله من باجر ابلش من جديد وامشي بنصائحك استاذ اني دفعه 2024 إن شاء الله الحك اخلص ولو جزء قليل من مواد قبل دوام واحاول اقره الحفظيات حتى بالدوام مااواجه صعوبه 2023/8/13
أول خطأ سويته وطبعاً كنت أعرف أنو إذا مانمت يضيع الأول والتالي المهم بسبب التكفير مگدرت أنام بماده الفيزياء حرفياً وإني داكتب غفيت فكعدتني المراقبه وغسلت بمي بارد وكملت الأمتحان وها نسيت هواي أمور بسبب قله النوم مكدرت أنام لأن ممكمله الماده اريد بس اختمها واروح وها للعلم إني قاريتها يعني ومراجعتها ولكن وقت الامتحان يوم واحد وماده ضخمه فملحكت 💔
والله اني داخل خصوصي 6 مواد اروح للمعهد ساعة 3 او2 مرات لي ساعة 10 وانصح طلاب اليوتيوب ما يدخلون خصوصي وينظمون وقتهم باليوتويب واذا تريد تدخل معهد شتوي لا تدخل اكتر من 3 مواد او اذخل مدرسة اهلية احسنلك او اعتمد على اليوتيوب وقدم انتساب او داوم بالمدرسة ويا اليوتيوب
اني بنسبه إليه في سنه 2022 دخلت خصوصي بكل المواد وجان وقت محاضراتي الخصوصيه من 7 الصبح إلى 12 بالليل وسنه كامله من بدايه شهر السادس الحد الوزاري وجانوا الخصوصيين بعيدين كل واحد بمكان وبلوزاري امتحنت 5 مواد واجلت 2 وجبت معدل 67.1 وقررت بذاك الوقت اعيد سنه واعدت سنه بدون خصوصي وقريت على اليوتيوب وحسسست نفسي اني ماعايد سنه اني منتقل من الخامس للسادس وماعايد سنه وقريت براحتي وبدون خوف وقلق وتوتر وريحت نفسي كل خميس بدون اقرايه والحمد لله والشكر جبت معدل 87.57 وبدون مرشيحات ومراجعه واحده بالعطله
اذا اقرة حفظيات واقرة فهميات هنا كلش راح انغظ وحتى 12 ساعة صافية قوة يلا تكفيني علمود اجمع بينهن ممكن اركز على الاحياء اضافتا للفهميات لان هية مادة فهمية اصلا وليست حفظية فاذا حفظتهة مليون مرة بدون ما تفهم صعبة كلش تطلع درجة زينة بالاحياء المقصد راح تاخذ منك جهد اكثر بمليون مرة من انه تفتهم بعدين تحفظ فالاحياء فهم وفهم واكرر فهم بعدين حفظ علمود تتركز المعلومة واصلا بسبب الفهم هواية تعاريف ومواقع وظائف راح تعرفهة من نفسك لان فهمت شرحت على الرسم وغيرها من الطرق . اني من جنت بالخامس اعدادي كانت طريقتي احفظ بدون فهم بحيث اطول بالتعريف الواحد 10 دقايق ومن ارجعله القى نفسي ناسي لان ما فهمتة بس حفظته هسة بعد اسبوع لان فاهم المادة القى نفسي حافظ التعريف صحيح نوبات تنسى اشياء بسيطة او حتى لو موضوع كامل وهذا شي طبيعي بس تلقي نظرة راح تذكر كلشي المقصد انه ما يتقارن ابد لمن جنت فقط احفظ الخلاصة الاحياء مادة علمية فهمية بحت حالها حال باقي المواد العلمية
استاذ اني سجلت معهد ب 4 مواد واروح لمعهد من 8لل 12 الضهر. والاحياء وانكليزية والاسلاميه عل يوتيوب والمعهد اشوفه زين الي لان جاي يجبروني عل تحضير. بس بطيئن بالشرح اشوي ويعيدون اهواي واني ادوم بس ٤ايام من احد للاربعاء بس الاحياء جاي انسها وادرس صفحة وحدة وامل وكلش خايفه اني واحس نفسي مكدر اجيب معدل 💔 شكرا لكلامك الي من ذهب
حافظ القرآن . نصيحة: اعتنوا بالقرآن كثيرًا في شبابكم فإنه وإن كثر المحبين حولك فسيأتي اليوم الذي تترك فيه وهذه سنة الحياة، ولا شيء أعزّ من صحبة القرآن! سيبقى رفيقك وأنيسك، سيكون شافقا لك، ستأتي يوم القيامة آمنا حين تسأل عن شبابك فيما أفنيته ؟ ستكون الإجابة : يا رب أفنيته في القرآن.
مشكور استاذ والله الأخطاء الي ذكرتهن سويت بعضهن فقررت اعيد السنه لان نتيجة أخطائي اجت درجات كله ٥٠ في بعض المواد فشفت الفيديو فصار عندي تحفيز والله يجعل هذا في ميزان حسناتك ❤❤❤
استاذ اني طالبه سادس دفعه 2024 واهلي يكلولي لا تقرين هسه تعبين وتملين وبتالي المعدل راح مايجي بل مستوى المطلوب بس اني على خلاف كلامهم دا اقرا وما شاء الله متقدمه
ههههه سبحان الله نفسي العام ومن شافو اصراري اريد اقرا كالو لا ورقه وقلم شوفي المحاضره حالهه حال المسلسل بس اطلاع حتى متملين وتالي عدت ولو الأنتساب هم سبب الأعاده معليج بيهم عمري اقري شكد متكدرين واستغليهه ولتستعجلين حتى لو تكملين بس فصلين وتضبطيهه كولش كافيه احسن ما اربع افصل وكولشي مفاهمه
²⁰²³/ ⁷ /² باجر هي بتديه ويه السادس صح فاتني الوقت بس حت لو فات الوقت لازم نقاوم ونستمر ❤ صح اليوم ¹/ ⁷ ولكن الظروف وقفتني ادعولي ادطلع معدل وافرح < امي >
