اول شي شيف شامل ربنا يوفقك لكل خير و يبارك فيك و بعملك نحنا كسوريين نفتخر بامثالك. انا بصراحه صرلي فترة عم ادرس اني افتح مشروع متواضع بمصر قريبا ان الله راد من حوالي اكتر من 3 اشهر و كان محل شاورما بالنسبة الي من افضل و احب المشاريع الي الخلاصة الي وصلتها مطابقة الى حد كتير كبير للشي الي حضرتك حكيت فيه, و اذا بتسمحلي شارك و حطن بهالترتيب. طبعا بعد التوفيق من الله عز وجل: 1- النية الصافيه: اتق الله اولا و اخيرا , لا تغش و لا تخدع و لا تكذب سواءا للزبون او لفريق العمل في المحل, ربنا شاهد ع كل اعمالك. 2- الموقع المناسب: ادرس المكان و المحيط الي حوليه, ادرس المنافسين حوليك و كن متميز و اهم شي لا تبخل ابدا باجار الموقع اذا كان بيستاهل. 3- فريق العمل: و انا قاصد قول فريق العمل مو (الشغيلة).. لانو هالفريق هو اهم ركيزه لاي عمل ناجح, العلاقه بين الجميع لازم تكون بمحبة و احترام متبادل, لازم تحسس كل موظف انو جاي ع الشغل و هو مستمع فيه من اول النهار لاخرو, كون قريب من الشباب و عاملهم بانسانية و اخوه و عداله بس بنفس الوقت بحزم و انضباط. و انا من الناس الي بفضل انو يكون جزء من الراتب نسبة من الارباح توزع بشكل شهري او ربعي او حتى سنوي بحسب الاداء المقدم حتى يحسو انو المكان هنن شركاء بنجاحو و يستمرو بافضل اداء عندن بشكل دائم. 4- الكفاءة المادية: بيرجع حسب امكانيات كل شخص و راسمالو .. ممكن تشتري معدات وسط اول فترة حتى ربنا يفتحها عليك, ممكن تفتح بمكان عادي اجارو قليل. بس برايي شغلتين لا تبخل فيهم هنن اساس نجاحك (رواتب فريق العمل و نوعية المواد الاوليه). 5- الابتسامة و المعاملة الجيدة للزبون احتراما له مو بس لانو مصدر الرزق, بمعنى تانية احترم عقل الزبون. 6- الميزة التنافسية: مجال الشاورما يمكن يكون صعب نوعا ما انك تخترع فيه شيء جديد .. بس ممكن تراقب المحيط الموجود حول المحل و تحاول تعمل شي جديد يميزك عن غيرك متل (شاورما ديك رومي, او ديلفري سريع للبيوت, عقود مع شركات محيطة فيك بسعر مخفض لموظفيها ... الخ) اي شي جديد من شانو يزيد من المبيعات و بالتالي المرابح. 7- الدعاية و الاعلان: لازم تعرف كيف تسوق للمنتجاتك للمحل عبر السوشيال ميديا بشكل محترم و مباشر, و اذا كنت غير ملم فيها في كتير اشخاص و شركات ممكن تساهم بالتسويق الالكتروني بمقابل مادي معين. 8- شيء لله: اذا كان ربنا عز وجل اكرمك بالرزق, ساعد المحتاجين و ساهم بالتخفيف عنهم بقدر استطاعتك (و لا تنسى زكاة اموالك) اخيرا و ببساطه, اذا بدك تعرف كيف ممكن تنجح. حط نفسك مكان الزبون و فكر بهاد المنطق حتى تعرف اماكن الضعف لتصحيح الاخطاء. ربنا يوفقنا واياكم ان شاء الله و عذرا للاطاله
الله يعطيك العافية و انا بنصح كل الناس تسمع منك و تتابعك فعلا كلامك صحيح شيف و نفس القصة صارت بمطعم جنب مطعمنا كان شغال منيح و الله فاتح عليه و المنطقة كلا عم تحكي بشغلو و شيفات ولا احلا من هيك بس صار يسترخص و اهمل الشيفات و طلعو من عندو و هلق بدو يبيع المحل مانو قدران من الفشل و رح يسكر الله لا يضر حدا
اخى تحية لك من القلب انت صادق بكل كلمة وكل فديوهاتك وبدون قسم دة نفس عقيدتى...اخيك ابو احمد شيف مشاوى وشاورما اليونان اثينا...شامل دة فعلا الى بيحصل معايا وللاسف اقسم بالله بيقع لان الزبون اتعود على طعم وجودة مابيقبل اقل منها وربنا اساسا مطلع وعادل
نصيحتي لصاحب المطعم : لازم تعرف كل أقسام المطعم المهنة وأسرارها. وثانيا تضع عامل ملم بالأقسام يعني عامل احتياط زيادة لأي ظرف من المعلمين. ثانيا الادارة الصارمة بخصوص الواجبات اليومية. وبالمقابل لاتتأخر برواتب العمال أبدا. نصيحتي للمعلمين والعمال : أسمع كلام مديرك وأن أخطأ. وطبق بكل أخلاص . وماعليك الا النصيحة فقط.
والله منطقية الأسباب ولزيدك من الشعر بيت قلة الأهتمام او الهمل من قبل صحاب الحلال على الرزق (التطنيش )من سبب سخيف لدمار كبير والأهم اللي ذكرته حضرتك عدم الاهتمام في طاقم العمل اضعف راتب ممكن واكثر انتاج ممكن وباقصى سرعة ممكنة كمان هلشي بظن انو السبب الارجح هي الأيام والغلط الاكبر اللي الكل مو حاسبلو حساب عكل حال الله يقويك ويرزقك ويجزاك خير ع جهودك ما عم تقصر
كلامك ذهب اخي شامل بس ماضل من هالناس هاي صاحب مطاعم اذا ماعجبو معلم بيجيب معلم بدالو بئلو لا تداوم بكرا الا من رحم الله في ناس قليله كتير يطبقو النظام الي مع تحكي عليه الله بعين اخي
يسعد مساك ابو محمود حبيبنا الغالي في ناحية ما ذكرتها هي انو صاحب العمل بيكون غشيم مصلحة بس كونوا صاحب العمل بيدخل بتبلات وسيستم الأكل وهو بكون على غلط وبيطر الشيف يمشي ويعدل على طلبو مع العلم انو غلط والشيف بيوضحلو بس لأن صاحب العمل بيطر نماشي
حبيبي يا شيف الله يفتح عليك في بعض أصحاب مطاعم دخلين على المصلحة ممكن يظلمون بالمقابل بعض العمال والشيفة يظلمون هذا لا يبرر لأحد الظلم وبالأخص صاحب المصلحة أو الشيف المحترم يجب أن يحافظ على سمعة واحترام المصلحة
كلام سليم يقول عليه الصلاة والسلام عليكم بتزاحم الأقدام والمتل الشعبي يقول عز الزيت بخان الزيت وقبل تواصلي معك بالواتس حبيت أهلي بيتين شعر اسمع مني هل بيتين وغيرك ماحد مستاهل من فضلك تذكر كلماتي وشو اللي بقصد فيها نجاحك من جهدك ومستحيل اجا بالساهل ولأنك عزيز عليّ أمام الملىء أنطقها واحكيها