اسوأ مرحلة في المعاملة اللي بيوصل لها النرجسي معاكي (تكتيك فتات الخبز) ..... كوثر سند 

تكتيك فتات الخبز اللي بيعمله فيكي النرجسي
بعد فترة ال lovebombing وتبدأ مرحلة التحقير وتنحدر العلاقة لأسوأ مستوى بيبدأ النرجسي يديكي فتات سواء كلمات حب او مشاعر مزيفة او يعدي لك يوم بدون خناقات وشتايم او يقعد ساعة معاكي من غير مايكون مشغول بالموبايل ،او يخرجك مرة من غير ماينكد عليكي ، وطبعا لانك طول الوقت مش بتشوفي غير المعاملة الوحشة فبتكوني متلهفة على اي كلمة حلوة او اي اهتمام ولو صغير جدا ولو حتى يوم يعدي من غير مشاكل فطبعا بتبلعي الطعم وتعملي زي القطة تما تحبي تناديها وتخرجيها من مخبأها تقومي تشمميها ريحة اكل هي بتحبه وخصوصا لو كانتي جعانة حتخرج جري وتيجي لك وتقعد في حجرك كمان ، فهو بيعمل لك تجويع للمشاعر طول الوقت وتجويع للاحترام والمعاملة الكويسة عشان لما يديكي لمحة بس تجري عليه ، طيب امتى النرجسي يستخدم التكتيك دة معاكي ؟ لما يحس انك بدأتي تتراجعي في العلاقة ، بدأتي تاخدي خطوة لورا وتقفي وتبصي ع الوضع من برة وتقرري انك تقللي اهتمامك بيه او تتجاهليه او لو بدأتي تفكري في اللي بيحصل منه وهو بدأ يحس انك حتفهميه في الحالة دي بيشممك الحاجة اللي انتي متلهفة عليها لكن مش بيديها لك لانه معندوش اصلا ومش حيعرف يديها لك وفي نفس الوقت هو عارف انك متلهفة فحتقدري القليل اللي حيديهولك وحترضي بيه جدا وحتبقي في قمة السعادة لحصولك عليه ، الحالات بتيجي تقول هو اداني عيدية ٢٠٠ جنيه وهو يقدر يديها الفين بس لانه اول مرة اصلا يديها عيدية فدة حدث عظيم بالنسبة لها ، وممكن تيجي تقول خرجني من غير نكد خالص شكله عرف غلطه وبيعوضني عن اللي عمله ، وواحدة قالت لي دة بيقول لي انتي طيبة جدا يعني هو بدأ يفهم اني كويسة وشكله حيتغير ودي بصراحة زعلتني جدا عشانها لان للدرجة دي هي متلهفة تسمع كلمة كويسة وللدرجة دي هو لئيم ، المهم ان لما بيحصل دة معاكي انتي بتروحي وتقعدي في حجره زي القطة دي بالظبط على امل انه حيتغير وبعدين شوية وتكتشفي انه متغيرش ولا حاجة ودة بيلخبطك ويشوش تفكيرك وخصوصا لو انتي لسة مفهمتيهوش حتشكي في نفسك وتفكري ان المشكلة فيكي وان الراجل كويس اهه ، والطريقة دي بتخليكي مخدوعة في العلاقة دي لسنوات من غير ماتحسي انك في علاقة مسيئة .
ممكن تكتيك الفتات دة يكون عن طريق انه يساعدك في البيت من وقت للتاني عشان كدة فيه ناس كتير تقول دة بيساعدني في البيت احيانا يبقى نرجسي ولا لا وانا عن نفسي كنت بستغرب بس عرفت النهاردة من دكتور راماني اللي الحللقة دي ترجمة لحلقة لها انه بيساعد في البيت كنوع من تكتيك فتات الخبز وبالطريقة دي بعدها يحسسك بالذنب ويقولك انا عملت لك انا ساعدتك وانتي مبيتمرش فيكي وانتي برضه تتلخبطي
شوفي بقى التكتيك دة عجبني جدا ولو تفتكري في الحلقات اللي كنت بقولك فيها ازاي تتلاعبي بيه وازاي تعملي له تجاهل كنت بقول لك متحسسيهوش انك راضية عنه و اديه شوية وقود صغيرين وقت اللزوم اهه طلع تكتيك نرجسي وانا مكنتش عارفة هو كان مجرد فكرة في دماغي وقلتها لك تعمليها عشان تطولي فترة الهوفرينج على اد ماتقدري ، انا كدة بدأت اقلق على نفسي وشكلي بقيت شريرة ، بس برضه اعملي التكتيك دة معاه هو يستاهله وواحدة بواحدة والبادي اظلم
اكونت الفيس بوك
www.facebook.c...
جروب ادرس عدوك النرجسي
/ kawthersanad11