بيض الله وجهك يابو راكان ورحم الله والديك ونفع بك وبعلمك... تحياتي لك من اعماق قلبي.. ذكر الله دائماً على لسانك وهذا يدل على معدنك الطيب ودعواتك لنفسك وللجميع شي يسعد الخاطر ما شاء الله تبارك الله عليك اخوك ومحبك في الله حسين العمري
وجهك ابيض بعد حيي اللهم امين والديك يارب ولك كل الاحترام والتقدير الحمدلله توفيق من رب العالمين ونعم فيك اخوي حسين العمري واحبك الله الذي احببتني فيه ويجزاك كل خير على الكلام الطيب ربي يسعدك ويرزقك ويصلح لك ❤️🌺
السلام عليكم ابو ركان عندي استفسار انا سيارتي اكسنت 2016 ماشية 201 الف كيلو على زيت القير وما اظن ان الزيت قد تغير ، ومتخوف اغيره او لا ، هل تنصحني اغيرة وإذا ايه وش هي اسلم طريقة . (ملاحظة القير فيه نتعات وتأخير مرات لما ابدل بين R و N ،او إذا رحت مشوار طويل وجيت ابدل ل R تجي نتعه و تأخير) وما كشفت على الزيت إذا ناقص او لا. ويعطيك العافية على هذا المحتوى المفيد🤍
@@user-sr3iu5gx6u وعليكم السلام ورحمة الله وبركاته افضل طريقه تسحب لترين وتضيف لترين كل اسبوع تكرر على مراحل حتى ينظف القير من كمية الترسبات والكربون ومنه يكون غسيل غير مباشر للقير واذا نظف القير غيره كامل مع الفلتر الله يعافينا وياك ورحم الله والديك 🌺❤️
لازمم الواحد يتاكد من زيت القير يكون cvt او لا منحوت على القير نوع الزيت الي تبعه بعدين اذا كانت المكينه 1.6 تعبي 6.8 لتر واذا كان الموتر 1.4 تعبي 6.0 لتر مكتوب في دليل المالك وصحيح ممكن الزيت يكون ناقص و انا معاي اكسنتcvt 1.4 تماتيك 6غيارات و هذا الكلام مكتوب في دليل المالك اعتقد انه نقص زيت التماتيك كل اعتماده على الزيت عكس العادي اسال الله لي ولكم التوفيق❤️
الليةبالكتيب يقصد زيت القير كامل اللي بالكرتير تقدر تنزله لكن يبقى زيت بالطنجرة ماتقدر تنزله الا بجهاز يضخ الزيت الجديد مكان القديم ويخرج كامل الزيت القديم واتمنى لو ابو راكان وفره كان بيكون شغله عالي الاحترافية وعلى مستوى بالمنطقة
ابو راكان يعطيك الف عافية وكل عام وانت بخير عندي تهريب بصوفة الشفت في لكزس صوفة الصغيره اتمنى تكون عرفتها بعد التصليح لازم ازود النقص ؟ لان بديت احس بنتعه بسيطة وهذي الصوفة عندك فكره كيف تنفك
ويعافيك يارب ويجزاك كل خير المقصود فيها نهاية القير ممكن يكون فيه نقص عاير مقياس الزيت يبين معك بحال النقص زيد مقدار النقص يفك العمود وقاعدة العمود الراكبه بالقير تكون موجوده واضحه امامك بسكروب او مفك تنقص وتركب الجديد اهم شي تنظف المنقطه قبل الفك
السلام عليكم اخوي ابو راكان عندي اكسنت 2016 ماشيه 134 وما غيرت الزيت وعندي نتعه اذا عشقت على R وعندي تاخير تبديل بين الرابع والخامس واذا ابي اغير الزيت على مراحل هل لازم مع كل لترين اسحبهم اغير فلتر القير ول اذا صار نظيف اغير فلتر القير وجزاك الله خير
وعليكم السلام ورحمة الله وبركاته لا مايحتاج كل مرحله تبدل فلتر تبدل المراحل بدون فلتر تسحب لترين وتضيف لترين كل خمسمائة كيلو حتى ينظف القير من الترسبات تبدل الفلتر مع زيت جديد
@@Aburakan16 اعذرني على الكلافه ايش رايك اركب زيت ميتسوبيشي atf sp III نفس تصنيف زيت هونداي وكيا للقير الي معي لاني ماشي على الموتر قريب ٧٠ الف بدون تغير زيت القير وقيده ارخص 😂
وعليكم السلام ورحمة الله وبركاته الله يبارك للجميع تبديل الزيت لازم يكون عند شخص ملم وعارف الطريقه اول شي تكون السياره بارده واخذ عينه من الزيت اذا فيه احتراق كامل التفضل يبدله مراحل حتى ينظف القير واذا نظيف يبدل كامل المفروض يبدل الزيت السفتي على ٤٠ الف
ابو ركان سلام عليكم عندي اكسنت 17 ماشية الحين 350 الف ، يوم وصل ممشاها 250 الف غيرت 4 علب تدريج وبعدها معاد لمسته وابي اغيره كامل لاني بستخدم السيارة واجد ان شاء الله تتوقع يمديني اغيره كامل بدون اضرار ؟
وانت الصادق القير حسب المصنع ٨ علب اما الكرتير يعتمد على الوزن النهائي هل ياخذ علبه او علبتين او ثلاث او اربع حسب مايبين بالوزن عندك حسب درجة الحراره الموصي فيه الصانع
وعليكم السلام ورحمة الله وبركاته اذا قير موترك نفس المقطع بدون تنزيل قير اذا يختلف وتكون قطعه سوداء مقدمة القير جهة الصدام ولا فيه كرتير تحت كلامه صحيح
سلام عليكم ، ابو ركان لاهنت طريقة تفريغ هواء رديتر لسوناتا موديل 2014 ، السياره مافيه حراره وحرارته طبيعية ولكن المشكله القربه تمتلي ماء والليات مضغوطه هواء ، والرديتر نظيف والغطاء جديد وكل شي تمام ولكن احس ان الرديتر كاسب هواء
وعليكم السلام ورحمة الله وبركاته فيه الطريقه الاولى اي لي صغير راكب على المكينه اعلى نقطه بدورة التبريد مثل الي الراكب بالبوابه نفسه راكب على المكينه يفك وهي طافيه وبارده وتعبي ماء حتى يطلع الماء صافي بالحاله لايوجد هواء الطريقه الثانيه انك تفك الغطاء وتشغل السياره حتى يطلع الهواء مده ثلث ساعه
ما شاء الله مبدع موفق ان شاء الله فقط عندي سؤال كنت مغيرنه قبل فتره وقبل شهر تقريبا صار عندي مشكله ف الرديتر وتغير الرديتر فقدت ايل جير تقريبا ربع لتر ونسيت ازوده والان صارت عندي مشكله نتعه بين الغيارات ولون الايل اسود تو هل ازيده ايل او ابدل الايل كامل؟
الله يجزاك كل خير انتم اساس الابداع الله يوفقنا وياك الوقت الحالي فيه نقص القير اسحب لترين واضف لترين جديد ومقدار النقص لمدة اسبوع فرغ لترين واضف لترين جديد لمدة اسبوع والاسبوع الثالث خذ عينه من الزيت وشف الفرق عن اول فيه تحسن اذا فيه تغير لون الزيت والنتعه خفه كرر العمليه حتى ينضف القير من الزيت القديم
عندي سؤال يابوراكان انا سيارتي هونداي النترا 2010 من اول ماخذيت السياره مابذلت فلتر القير فقط ابذل الزيت بدون فلتر هل تنصحني اغير فلتر القير اخاف تصير لي مشكله لو بدلت فلتر القير اتمنئ تفيدني قبل لأسوي اي شي واندم ويعطيك العافيه
السَّلامُ عَلَيْكُم ورَحْمَةُ اللهِ وَبَرَكاتُهُ كل عام وانت بخير يابو راكان ومن العايدين تقبل الله منا ومنك صالح الأعمال ابو راكان يالغالي وين محلك ودي امرك اشيك على موتر معي فيه صوت ماحصلت له علمٍ صحيح
لو وضعت السياره توبترونك وعشقت كامل نمر القير اشوفهم كذا يسون بعد التغير وعلبه الزيت تجي ١ لتر المرقم اللين ٨٠٠ والباقي للغطا تكمله اللتر والله اعلم وشكرا لك
السلام عليكم ابو راكان معي أكسنت ٢٠١٤ قيرها cvt وفيها نتعا أو رفسه يوم اجي اهدي عند مطب او اشاره غيرت زيت القير ونسيت اغير فلتر القير تنصحني? اغير زيت القير مع الفلتر مع العلم ان صار ماشي على السيارة ١٢ الف بعد تغيير زيت القير
وعليكم السلام ورحمة الله وبركاته قير السفتي متعب مايمنع انك تبدل الزيت والفلتر بشرط اذا بدلته تكون السياره بارده تماماً ابيك تتاكد من حساس الهواء قبل كل شي لن حساس الهواء يسوي الحركه
مانحكم على الممشى نحكم على عينه من زيت القير المشي ماهو دليل كافي لن البعض ممشى سيارته دخل مدن والبعض سفريات واخطوط طويله والبعض منطقه حاره والبعض منطقه جبليه ويصير جهد بالاحتراق ناخذ عينه من الزيت اذا فيه احتراق ومتغير لونه من الامر الى السواد او البوني نغيره مراحل حتى ينظف القير من الاحتراق والترسبات اذا اموره تمام يبدل كامل
ابو ركان معي نفس الموديل 16 هل تعبيه فيه صره جه ثاني تعبيه ، لان العامل عبها من صره ثانيه من جهت الخرطوش. لديتر ارجو الرد او التواصل لا هنت ضروري الله يسعدك ويرحم والديك فدني
ياهلا وغلا 16 جت نوعين فيه قير نفس الموجود بالمقطع له فلتر وفيه نوع جا كرتيره واقف فلتره مايطلع الا بالتوضيب هل قير موترك نفس الشي ولا يختلف اعطن خبر الله يسعدك ويرحم والديك
الافضل انك ما تزود معجون عشان ما ينزل شي داخل الغير ويسكر الحساسات ويخرب عليك الغير .. وصح عليك انك تخلي تعبأت الزيت بعد ساعتين عشان اذا تطلع معجون داخل الغير ينشف
وعليكم السلام ورحمة الله وبركاته لازم تغير الزيت كل ٤٠ الف لابد من تبديله طبيعي حسب معلوماتي اذا يشحط الموتر وبدل ينتع بالحاله فيه شي يايكون انسداد او ان الزيت تعبان
السلام عليكم اخوي ابوراكان عندي استفسار شاص 2006 اذا شبكت التانكي الثاني هو واقف يكون شغال اذا مشيت مسافه ويطفى وجيت عند التانكي وضربته بيدي طفاء على طول بالمختصر اذا صار واقف يكون شغال اذا مشى يطفي هل تتوقع الطرمبه تتحرك او شي آخر
السلام عليكم الاخ ابو ركان عندي اكسنت اتومتيك ٢٠١١الشكل القديم وفيها نتعه وتعليق في الغيار الثالث والسياره سرعتها لا تتعدا ال٧٠ تنصحني اغير الزيت مع الفلتر ولا اغير الزيت علي كذا مرحله وبعديها اغير زيت مع فلتر
وعليكم السلام ورحمة الله وبركاته ممكن ينفع معه تبديل الزيت وممكن ماينفع اذا المشكلف فضاوه اذا المشكله ترسبات او احتراق الزيت يبدل على مراحل وكل مرحله تلاحظ اذا فيه تحسن واصل اذا مافيه تحسن لابد من فك القير او تبديله
ويعافيك يارب فيه ورش مختصه بتعديل الدفرنس او قواعد الدفرنس على الشاصيه كذلك السست عندك اثنين اول ماتبدا عند ميزان وتاكد من الميول هل هو قواعد السست او يكون الدفرنس فيه تقويس او الشاصيه فيه ميول اذا دفرنس او الشاصيه عند مختص مثل ابو وليد الصمعاني او سمكري عندك بنفس المنطقه مختص وفاهم اذا سست اقرب محل سست
السلام عليكم ابوراكان عندي اكسنت موديل ٢٠١٥ ٢٠١٤ وتقريبا ما غيرت زيت من ٨٠ الف هل اغيره كامل او دفعات واخر مرة غيرت غيرت كامل الزيت بس بدون ما اغير فلتر والاًن هل اغير الفتر المرة ذي وفين مكانك
ويعافيك يارب طريقة المراحل طريقة اجتهاديه نسحب مقدار لترين ونظيف بنفس الكميه ونمشي على الزيت الجديد لمدة اسبوع او اسبوعين عادي طبيعي ولا فيه مشكله وبعد اسبوع نكرر العمليه ونلاحظ مراحل التغير نظافة الزيت في تحسن مثلا اولى كان اسود المرحله الثانيه تحصله افتح لون من قبل حتى ينظف الزيت ويميل للون الاحمر وتغيره كامل
ابو راكان نبي فقره منك تتكلم عن فلاتر الرياضيه اللي تجي نفس شكل الوكاله وهل له اضرار او لا ويش انواعه وكيف طريقة التعامل مع الفلاتر الرياضيه لاني بحثت وحصلت نوعين نوع زيتي ونوع جاف واحترنا
اذا تقصد فلاتر الهواء فهذه نبذه بسيطه اذا تقصد شي ثاني صحح لي الافضل يجي داخل صندوق ماغنوم فورس نظام وكاله يتميز الفلتر الرياضي يساعد على تحسن أداء المحرك لدخول هواء اكثر للمكينه يزيد من نسبة الاحتراق ويزيد العزم ومن عيوب فلتر الرياضي ان عند دخول كمية كبيره من الهواء ويساعد علي زيادة الاحتراق يسبب استهلاك بانزين اكثر من المعدل الطبيعي اذا حطيته حول المكينه يسحب الهواء الحار مايعطي اداءجيد يكون ضعيف بالحاله هذه لازم يكون داخل صندوق يحميه من الحراره والتربه لن دخول الاتربه يسبب تلف للمكينه
وعليكم السلام ورحمة الله وبركاته التاخير بالريوس سببه الرئيسي الترسبات الطقه والتفويته والرجه خفيفه تحسه بدعسة البانزين على سرعة مابين ٣٠ الى ٦٠ تكون بسبب الطنجره هو ممكن يكون القير على وشك ونجرب بالحاله نغير زيت القير على دفعات بعض الحالات تسلك والبعض ماينفع معه
لاحبي عندي اكسنت ١٦ وهذا وانا مغير الزيت اول بأول وعندي نفس مشاكلك هاذي مشكلتها البودي بلف الي هو منظم القير هذا الاغلب الي سمعته وشفت مقطع عنه فاليوتوب بس باقي تقريباً على زيتي ٥ الف واغير وارد لك
السلام عليكم تحياتي لك يا أبو راكان ولمتابعينك الكرام انا عندي اكسنت موديل ١٦ مشيت عليها لمى ١٨٢ الف كيلو وانا ماغيرت الزيت فسويت تغيير طلعت نص الزيت القديم واضفت نص جديد فقط لمى الحين مشيت تقريباً ٩ الاف كيلو من يوم التغير السؤال / هل أغيرة كامل أو أسوي نفس الحركة الأول واسوي تغيير ٣ بعد كم كيلو وتغيير كامل جديد علماً خفت أغيرةكامل جديد من أول ويظرب القير
وعليكم السلام ورحمة الله وبركاته ياهلا وغلا اخوي علي سو نفس الحركه تغير جزئي وبين مرحله ومرحله ١٠٠٠ كيلو بخال اذا الزيت فيه احتراق اذا الزيت نظيف تغيره كامل بعد المرحله الثانيه اذا مازال اسود كرر العمليه حتى ينظف الزيت من كمية الكربون موجوده داخل القير
براك الله فيك ابو راكان عندي اسؤال السلام عليكم ورحمة الله وبركاته فيه عندي مشكلة ف لكزس 570 موديل ٢٠١١ .. بدلت لها فحمات اربع وكل ما جيت اشغل السيارة تظهر لي مال الدفلوك واحس السيارة تثقل .. وبعد ما تحتر السياره تختفي وتكون السيارة امورها طيبه شو السبب برايك ابو راكان
معي اكسنت ١٤ ماشة حول ٢٧٠ الف وما غيرت إلا على ٨٠ الف حسب كلام الراعي الاولي. ما فيه اي نتعات تنصحني اغير الزيت ع مراحل ولا اتركها،، شاكر لك يابو راكان
ابو راكان لاهنت انا كنت ماشي زي اي يوم فجأه امبير الحراره فل ومشيت شوي ونزل للأخير الزبده انه يلعب واشيك المكينة حارة جدا وعبيت موية رديتر ومافيه تسريب لكن شكله بلف الحرارة تالف
السلام عليكم استاذ ابو راكان كل عام وانت بخير انا موتري ازيرا 2008 السياره ماشيه تمام الين قبل يومين فجاه اجي اشغلها بالصباح ما تشتغل اشغل ما تشتغل اشتغلت بعد صعوبه ولما اشتغلت اذا حطيتها على D او R تتفتف وترجف رجه قويه وتطفي واذا على n شغاله بس ضعيفه سويت فحص كمبيوتر وطلعت لي الاكواد (P0102) (P0354) (p0341) (B1102) افيدني بالله قد رحت اكثر من ورشه واللي يقول لي غير كويل وغيرتها وما فادني واللي يقول لي البخاخات واللي مدري ايش طفشت منهم
وعليكم السلام ورحمة الله وبركاته وكل عام وانت بخير كود p0102 مربوط بكمية الهواء الداخل للبوابه ممكن يكون حساس الهواء او ظفيرة الحساس تتاكد من الفيش واسلاكه كذلك البوابه ممكن انه ماتفتح كود p0354 تكون المشكله بالكويلات او فيش الكويلات كود p0341 تكون حساس التيمن او فيش الحساس فيه حساسين موجودات على الخلفيه للمكينه بين الفلتر والمكينه كود b1102 هذ الارضي عندك بالسياره اما يكون السلك تعبان او مقطوع او ماهو ثابت بين البطريه والبدي وبين البدي والمكينه تاكد منهن اول شي يفحص حساس الهواء وصندوق الهواء والبوابه المعروفه بالدعيه ممكن تهريب هواء ويكون الحسات سليمه تاكد من جميع اليات مافيهن تهريب هواء الكويلات والسياره شغاله تفك فيش الكويلا الاول وتشوف السياره تغير فيها شي مثل زادة الرجفه ولا باقيه على حاله اذا زادة الرجفه فهو سليم الفيش اذا ماهي عليه فالمشكله بالخانه نفسه ممكن يكون الكويل وممكن يكون البوجي او مشكله بالبلف وكل طريقه له فحصه حساسات التيمن نفس الوجه
@@Aburakan16 ماقصرت استاذ ابو راكان اشكرك على الافادة ولكن ما علاقة انظباط السيارة عند فك الكويلات واعادة تركيبها ترجع السياره طبيعي لمدة يوم وترجع على عادتها القديمه بكذا يكون الخلل من الكهرباء ؟ شيكت على حساس الهوا اسلاكه تمام بس القربه ماهي مشدوده وشديتها وكذالك سير التيمن لقيته مظبوط بس سمعت صوت صفير من شداد او بكره ما قدرت احدده بالظبط وزي ما قلت لك جيت شغلتها العصر وهي ترجف وتطفى بعد شد القربه لما الحين فكيت غطا المكينه وفكيت الكويلات ورجعت اركبها مره ثانيه ضبطت بس بترجع خلال يوم او يومين البواجي جديده وايضا الكويلات سليمه ممكن من ايش الخلل؟ بارك الله فيك
السلام عليك ابو راكان عندي مشكله سيارى سنتافي 2014 ماء لديتر يرجع في دبة الاحتياط ويعمل صوت يغدق او يثور صيخت لديتر وغيرت غطاء لديتر وغيرت البويه ونفس المشكله والمراوح شغاله بس يطولن في تشغيل وللعلم حرارة سيارة عادية ما ترفع حرارة ما عرفت ايش المشكله ممكن تفيدنا بارك الله فيك 🌹
وعليكم السلام ورحمة الله وبركاته اذا فيه نقص ماء الرديتر ولا فيه تهريب يكون وجه الراس او الراس نفسه وله فحص تكون السياره بارده تماما والرديتر معبيه لاخر شي وتخلي الرديتر مفتوحه غطاه وتشغل السياره اذا طشر الماء برا كذلك تدعس بانزين ويطلع الماء مع الدعس البانزين يكون راس بحال انك غيرت غطا الرديتر وصيخت الرديتر وتاكدة من المراوح
@@Aburakan16 خلاص اب راكان تم كشف العطل المشكله في وجه اراس لاسباب لوص بعض المسامير لي تمسك وحه راس وهذي المشكله اتضحت لاكثر من سيارة نفس المشكله يجوز والله اعلم خطاء مصنعي خلاص تم مخرطة الهيد ومكان لوص المسامير وتم تركيبه وحاليا السيارة امورها طيبه اشكرك جزيل الشكر للاهتمام والمتابه ابو راكان 🌹🌹🌹
ياهلا ابو ذياب وكل هام وانتدبخير مايشتغل بسبب الطرمبه ممكن انه تعبت الصوت ممكن بسبب التنر مايعطي احتراق كامل لازم تسوي غسيل لتانكي وتغسل البواجي بانزين وتشيك على البخاخات كل هذه الشغلات تتاثر
تفدر تعبي الزيت من مكان التفريغ يافهيم وشرحت عنه قبل كذلك عندك مكانين بالقير تقدر تعبي منه مكان الوزن كذلك تقدر تعبي عن طريق ليات المبرد ماهي صناعة صاروخ ابشرك الفهم مايطورك الغشيم الي يبلش فيها 🤣🤣🤣🤣
@@Aburakan16 الله يسعدك يا بو راكان انا غيرته من دون ميكانيك لكن بتخبرك يا بو راكان وباك تفيدني الله يسعدك ارتفعت حرارة الاكنست وفكيت راس المكينه وغيرت لها وجه ووديت الراس للمخرطه ظبطه وطبقنا الراس وجينا نشغل باقي يطلع لنا الزبد الابيض ذي كان يطلع قبل وصوت السياره مختلف وزعاج غيرنا زيت المكينه وزودنا ورجعنا نقصنا منه
كل قير اي كان نوعه ماعدا القير العايدي له فلتر البعض يكون له كرتير سفلي والبعض مايكون له كرتير سفلي مثل مقطع اكسنت له كرتير سفلي بالحاله يفك ويطلع الفلتر والقير ماله كرتير سفلي يكون فلتره داخلي يبدل بحال التوضيب فقط
@@Aburakan16 معي مثل هذه الآكسنت وجيرها cvt هل فلتر الجير مخصص cvt ولا بركب عليه فلتر الاوتوماتيك لأني بدي أوضب الجير ومابدي أجيب فلتر مايركب على الجير
انا عندي 2016 وترتفع حرارتها وكل يوم تنقص مويتها في الرديتر و اذا اسرعت عليها ورقيت مرتفعات في الخط ترتفع الحراره بعد و لاعرفت مشكلتها وديتها اكثر من ورشه يقولون انه راس مكينه وافضلك تغير المكينه اللي له خبره يفيدني جزاكم الله خير 🌹
اذا ينقص الرديتر ولا يبين معك مكان التهريب سوا طرمبه او رديتر او قربه او طرمبة الماء او ليات التسخين المكيف كله سليمه يكون التهريب في الراس راح يطلع مع الشكمان وراح يكون فيه خلط زيت مع الماء سوا المكينه او الرديتر تحصل الخلط من علامات الراس تعبي الرديتر ماء حتى يمتلي وتشغل السياره وغطا الرديتر مفتوح اذا طشر الماء وطلع برا الرديتر بشرط يكون بلف الحراره مكانه مافكيته فتكون الحاله الراس او وجه الراس
@@Aburakan16 لا مافيه تهريب لكن اذا زريت عليها يعني رقيت خط مرتفع او مناطق جبليه وحنيت على الدعسه ترتفع او مع الجو الحار ترتفع الحراره واتوقع راس مكينه مع اني وضبته قبل وخسرت 1500 ورجعت المشكله بعد 6 شهور ثاني مره اني مشيت 160 بالموتر في عز الظهر وديتها واكثر من ورشه قالو هذا راس اذا تبي ترتاح غير المكينه وشفني والله لي 6 شهور ما امشي الا بجالون مويه ههههههه الله يعين
@@Aburakan16 والله يبو ركان ماودي اغير المكينه وانت عارف الورش مافيه امانه وهدفهم مادي وانا والله ماودي اغبر المكينه والله اني اقدر الاكسنت لكن اذا مالقيت حل يمكن ابيعها ومنها اجدد خاطري في كامري لكنها غاليه علي ويارس الجديده مشابهه للاكسنت واحس انها افضل ويعطيك العافيه
@@aass-ey6et فيه ماده اسمها لحام سلندر تحطها بالرديتر سعرها تقريبا 50 ريال جربها انت بتغير مكينه بتغير جرب ذي ممكن تمشيك لو سنه زياده اذا ضبطت اهم شي تستعملها بالشكل الصحيح
