لو حد جالك في 2015 وقالك تعالي اشتري "بيتكوين"..وتبص تلاقي البيتكوين دا عبارة عن عملة بس مش عملة يعني مش موجودة اصلا ولا هتمسكها في ايدك.. ولا فيه بنك مركزي مسؤول عنها.. ولا هتديك فايدة مثلا .. ولا هتنفع تشتري بيها أي حاجة .. هل كنت هتشتريها؟
الإجابة أكيد لأ.. عملة اي اللي اشتريها بـ 2000 جنيه علي فكرة جرام الذهب في الوقت دة كان عامل ٢٦٣ جنية مصري فا اية الي يخليني اشتري عملة ولا ليها اصل ولا فصل.. والألفين جنيه دول ممكن تروح بيهم الساحل تقضي بيهم اجازة صيف حلوة .. طبعا احنا بنتكلم في 2015.. الـ2000 جنيه كانوا مبلغ برضو.. يجيبولك ٨ جرام ذهب عيار ٢١ الي هما دلوقت وقت تصوير الحلقة بحوالي ٢٢ الف جنية .
ولو أنت راجل حويط أوي بقا.. كان ممكن تحطهم في البوسطة لعيالك.. عشان لما يكبروا يبقوا مبلغ كبير.. مش بعيد يوصل لـ8 آلاف جنيه مثلا..
طبعا لو كنت اشتريت بيت كوين ب ٢٠٠٠ جنية بدل ما تحطهم في البوسطة عشان تأمن مستقبل عيالك.. كان زمانوا دلوقتي عاملك 3.3 مليون جنيه أو أكتر ودا رقم مش تخيّلي.. لأ.. دا السعر الحالي للعملة.. يعني كان زمانك مأمن مستقبل أحفادك كمان..
وحتي لو ال ٢٠٠٠ جنية الي حطيتها في البوسطة بقت ٢٠٠٠٠ جنية فرضا يعني النهاردة ميجبوش تلاجة فا مش بعيد عيالك يدعوا عليك
طيب اية قصة البيتكوين ديت
وهل الاستثمار فيها امن ؟ وهل لسة ممكن استثمر فيها ولو استثمرت فيها لسة ممكن اعمل ارباح طيب اد اية ؟
دي كدة بعض الاسئلة الي هنجاوب عليها في حلقتنا
بس قبل ما نبدا متنساش الاشتراك في قناتنا علي الفيسبوك و اليوتيوب علشان تتابع معانا كل ما هو جديد
رابط الاشتراك في صندوق الوصف و في اول تعليق مثبت
يلا بينا نبدا حلقتنا
خليني أقولك إن تفكيرك كان صح جدا اما كنت خايف تشتري البيتكوين في ٢٠١٥ .. لإن ببساطة هي حرفيا عملة مشفرة ملهاش أصل، ومفيش حد متحكم مسؤول عنها، ولكن يشاء القدر إنها تبقى أصل عالمي بيتم التحوط بيه من التضخم زي الذهب والعقار وهكذا.. ولكن التداول عليها كتير جدا.. ودا بيعمل تقلبات في سعرها جامد..
..... يعني لا تقوالي ذهب ولا عقار ولا بورصة مفيش استثمار يحققلك كل الارباح دي خلال 9 سنين بس ده حتي الدولار نفسه محققش للمستثمرين المكاسب دي كلها،.. وده اللي مخلي الامريكان، متجننين من العملة دي وخايفين أنها ممكن تكون القشة اللي تطير الدولار من العالم وميبقاش لي اي قيمة.. بعد ما قضيت سنين واتحدت دول عشان يكون اقوي عملة حول العالم...
وعشان متحسش بتأنيب الضمير.. نجيب ساويرس نفسه رفض الاستثمار في البيتكوين، ومازال لحد دلوقتي رافض.. لإنها ببساطة مازالت حاجة خطرة جدا.. وهتعرف ليه.
أيه قصة البيتكوين ... وأي اللي خلاها توصل لـ 3.3 مليون جنيه كدة من الالاف الجنيهات..
وهل لو دخلت استثمر فيها دلوقتي يبقي فرصة كويسة، ولا مغامرة كبيرة وهتخسر كل فلوسك، وأي هو حادث البجعة السوداء اللي منتظرينها المستثمرين في العملة دي ... ...
قبل ما نكلم في أي شئ وازاي وصلت البتكوين لـ 3.3 مليون جنيه مصري لازم اعرفك شوية تفاصيل عنها ...
بيرجع ... تاريخ البيتكوين لسنة 2009 في ورقة بحثية لشخص أسموا ساتوشي ناكاموتو
شخص ده جه في ورقة بحثية على الانترنت وقالك زي ما نظام الانترنت غير العالم كلو، لازم نستفيد من النظام ده في تغير الاقتصاد العالمي خاصة أن الدول والحكومات هي اللي ليها الحق في طباعة النقود اشمعنا هي اللي يبقي ليهم الحق دة في ظل عصر الانترنت اللي حول أي حاجة مستحيلة لحاجة ممكنة.
وقال أنو عندو عملة جديدة العملة دي مش هتكون في بنك مركزي بيصدرها ولا بيحدد قيمتها ولا بيتحكم في تحويلاتها يعني أنت بمجرد ما عاوز تنقلها من شخص لتاني هتنقلها علي طول من غير ما حد يقولك افتح حساب بنكي واعمل ايداع في البنك..
ولكن العملة الجديدة اللي على النت دي تقدر تحولها في ساعتها.. وأمر واحد تحول العملة دي بين شخص والاخر ودة بفضل أنظمة «البلوك اتشين» اللي بتسهل عملية انتقالها بين الناس يعني بمجرد ما يكون عندك محفظة بيتكوين تقدر تحول وتستقبل عليها العملة دي ..
مش كدة وبس،مفيش اي حد في العالم ممكن يمتلك عملة البيتكوين دي بمجرد ما يكون عندوا اجهزة بيسميها أجهزة "التعدين" اللي هي بتبحث عنها و بتدور عليها زيها زي أجهزة التنقيب عن الذهب،
ولكن طبعا عشان يحافظ على قيمة العملة دا.. فخلى عملية التعدين بتاعتها أو بمعنى أصح.. البحث عنها على الإنترنت مش سهل خالص، وإلا كان كل الناس جابت الأجهزة دي وقعدت تعدّن أو تبحث..
وإنك عشان تقدر تعدّن عملة بيتكوين واحدة هتستهلك كمية كبيرة من الطاقة والوضوع مش سهل خالص..وهو شايف أن كدة بيحافظ على قيمتة العملة..
#خمسة_اقتصاد
26 авг 2024