الصدمات اللي بيعملهالك النرجسي على مر السنين ممكن تصعب عليكي التشافي 

ما عليك سوى الانتساب إلى هذه القناة للاستفادة من المزايا:
/ @user-id-kawthers-sanad
حجز الاستشارات : kawtharsanad.com/
رقم واتس اب الحجز 00971568496791
لينك الواتس اب wa.me/message/...
ليه التعافي من العلاقة النرجسية بيكون فيه صعوبة وبياخد وقت واحيان قليلة مش بيكفي التشافي لوحده وبنحتاج مساعدة من متخصص؟
لما بتدخلي العلاقة مع النرجسي بتكوني شخص الى حد ما متماسك فيه شوية ثقة بالنفس ناجحة في حياتك وبدأتي تخرجي من تحت تأثير اهلك وبدأت تبان لك معالم شخصية مستقلة شوية وبعدين النرجسي بيشوف الصورة دي وتعجبه لكن مش مية في المية فيه شوية حاجات هو ناوي يعدلهم عشان تلائمي عظمته فيبدأ بشكل شبه خفي يغير فيكي ابتداء من مظهرك وانتهاء بمعتقداتك ودينك
اللي بيحصل ان النرجسي مش بيلغي شخصيتك الاصلية ابدا مفيش شخصية بتموت لكن هي بتختفي ، اللي بيحصل ان من ضمن الاعيب النرجسي الصدمات ، طول الوقت يعمل لك صدمات وكل صدمة بتحصل الانسان بيكون مش عايز يفتكرها بتاخد جزء من ذاكرته ومن نفسه وتندفن في اعماقه وشوفي كم الصدمات اللي بتعيشيها مع النرجسي وشوفي كام جزء منك اندفن جواكي مع ذكريات الصدمة ، جهازك النفسي بيجتهد انه يخبي ذكريات الصدمات عنك وهو بياخد معاه جزء منك لحد ماتوصلي في يوم تلاقي نفسك النسخة المشوهة اللي عايزها النرجسي وشخصيتك الاصلية مش موجودة مختفية ويتهيألك انها ماتت ، كتير من الحالات بتقول لي انا حاسة ان روحي ماتت ، هي بتعبر عن شخصها القديم عن ذاتها اللي اختفت مع ذكريات الصدمة ، هي ماماتتش ابدا ولا حاجة هي حصل لها انفصال واختفاء وانتي تعتقدي انها ماتت ومش حترجع ودة اكتر حاجة بتعطلك عن التشافي ، انك مش مدركة انك لسة موجودة انك مستخبية جواكي خايفة وقلقانة وحاسة ان ملكيش سند ولا لكي حد ينقذك وفاقدة الأمان تماما وشايفة ان الشخصية الجديدة المشوهة اللي عايزها النرجسي هي دي بس اللي ممكن تحميكي من النرجسي ومن صدماته لكي ، عشان كدة بعض الحالات بتخاف من التشافي بتخاف تتغير لانها مش عارفة ايه اللي حيحصل نتيجة التغيير دة وايه حيكون رد فعل النرجسي عليه ، الفكرة بقى انك تفهمي انك مش انتي انك حاليا مش شخصك الحقيقي وان الشخصية الجديدة دي الضعيفة مش حتحميكي ابدا لا من النرجسي ولا من غيره والمؤسف جدا انك ممكن تكوني ضحية اولادك كمان بعد النرجسي ما ربنا يهده ، حتى لو اولادك مش نرجسيين ضعفك وقلة حيلتك وتكوينة الشخصية الجديدة بتشجع أي حد وكل حد على انه يتعدى حدودك والأولاد شايفين ابوهم واخد راحته تماما وانتي عادي بلا أي اعتراض ولا رفض لتصرفاته فماتجيش بقى تقولي لي عيب ولا اتعامل معايا كويس اشمعنى انا ما انتي قابلة من ابوه، او ع الأقل مش حسمع لك لانك مانفعتيش نفسك فحلي مشاكلك الأول وبعدين تعالي نظري علينا .
المهم اللي عايزة افهمهولك النهاردة ان انتي روحك ماماتتش ابدا ولاحاجة انتي حصل لك انفصال عن نفسك ولأنها مش حاسة بالأمان اختفت جواكي ، فضلت تستخبى لحد ما تلاقي حد قوي يحميها ويحسسها بالأمان .
تفتكري مين الحد دة ؟ مفيش غيرك انتي بس اللي تقدري تطمني نفسك الاصلية وتخرجيها تاني طيب ازاي تعملي دة؟
اول حاجة لازم تراقبي افكارك وكلامك لنفسك انتي بتكلمي نفسك تقولي لها ايه ؟ انتي ضعيفة ولا انتي جبانة وخوافة ولا بتقولي لها انتي أصلا غبية ومش بتفهمي ، ولا انتي ماتقدريش تعيشي أصلا من غير النرجسي اللي بيؤذيكي لانك مش حتعرفي تعملي أي حاجة في حياتك لان هو اللي بيعمل كل حاجة؟ وهو أصلا زي قلته في الواقع ، ولا بتقولي لنفسك انتي فاشلة وانتي كلك عيوب ونقط ضعف وماعندكيش نقط قوة؟ شوفي الحديث او الحوار الداخلي اللي بيدور بينك وبين نفسك هو المؤثر الأساسي في بعدها عنك ، لانك طول الوقت رافضاها وبتتهميها دة غير بقى لو كمان عندك شعور بالذنب وشغالة تأنيب وجلد ، راقبي نفسك بتفكري ازاي في نفسك وبتشوفيها ازاي وابدأي فكري بالراحة انتي افكارك دي حقيقية ولا أصلا دي أفكار النرجسي اللي زرعها في مخك ، وعشان تتأكدي وتعرفي اسألي الاسوياء اللي حواليكي شوفي حيقولوا عليكي ايه؟ شوفي حيوصفوكي بإيه ولما يقولوا عنك كلام إيجابي ماترفضيهوش ، واحدة من الحالات بتقول لي الناس قالوا عليها طيبة وجدعة و صبورة و... فبتقول دي مش نقاط قوة ، يعني هي ما انكرتش ان الصفات دي فيها ولكن بتنكر إيجابية الصفات وبتنكر انها نقاط قوة للدرجة دي هي بتنكر قوتها ونفسها واي شيء حلو ممكن يكون فيها ، للدرجة دي هي مستقلية نفسها ورافضة ان حد يشكر فيها هنا لازم تقفي وتفكري انتي ليه رافضة انك يكون عندك إيجابيات وليه رافضة ان يكون عندك نقاط قوة لازم تفكري بعمق هل انتي حابة دور الضحية فبتنكري أي نوع من القوة اللي تخليكي مسئولة عن الخروج من وضعك الحالي ولا انتي انتي خايفة تخرجي من منطقة الراحة وعايزة تفضلي قاعدة بلا حراك ، ولا انتي للدرجة دي رافضة نفسك . فكري في الصفات الإيجابية اللي الناس قالوها عليكي وفكري كدة لو انتي شايفة حد ادامك عنده الصفات دي حتقولي عليه ايه وحتشوفيه ازاي وحاولي تشوفي نفسك بمنظور جديد ، لو كل يوم قعدتي عشر دقايق تدوري على صفة حلوة فيكي وتكتبيها وتفكري فيها وتكتبي اثبات انها فيكي بالمواقف والتجارب اللي بتعيشيها مع الناس زي مثلا متسامحة وتكتبي سامحت فلانة لما اعتذرت وسامحت فلانة لما اتعصبت وكنت اقدر ارد عليها ولكن العفو عند المقدرة ، وهكذا وفي نفس الوقت شوفي السلبيات واشتغلي عليها وطوريها
تاني حاجة الكتابة ، اكتبي مذكراتك اكتبي المواقف اللي بتحصل معاكي واشرحي تصرفاتك وبعدين لما تقرأيها حاولي تفهمي انتي اتصرفتي كدة ليه وكنتي بتفكري في ايه لما عملتي دة وكنتي بتشعري بإيه وايه الدافع اللي كان ورا التصرف دة كل ما كتبتي وجاوبتي عن الأسئلة دي كل ما حتفهمي نفسك وتقربي منها
نفسك زي الطفل عايز وقت ومجهود عشان يتطمن وتتكون له شخصية سوية وانتي نفس الكلام جواكي طفل خايف ومش متطمن ولازم
#صحةـنفسية #القوة #الاكتئاب #النرجسي #النرجسية