مين الزوجه اللي بيخضع لها النرجسي 

ما عليك سوى الانتساب إلى هذه القناة للاستفادة من المزايا:
/ @user-id-kawthers-sanad
Touch by Mattia Cupelli https: / touch-download-and-roy...
Facebook: https: / mattiacupellicomposer
Official site: www.mattiacupe...
Twitter: / mattia_cupelli
Music promoted by Royalty Free Music Library: • Royalty Free Music ♫ |...
Song: "Sappheiros - Falling (Ft. eSoreni) [Chill]" is under a Creative Commons license (CC-BY)
Music promoted by BreakingCopyright: bit.ly/Sappheir...
Song: Sappheiros - Dawn (Vlog No Copyright Music)
Music promoted by Vlog No Copyright Music.
Video Link: • Video
مين الزوجة اللي تقدر تخلي النرجسي يخضع لها
يعني يخضع لها النرجسي ياست انتي هو انتي عايزة الراجل يخضع لمراته انتي جاية تخربي البيوت وتخببي الزوجات على ازواجهم؟
ياجماعة الخير انا ماجبتش سيرة الرجل انا قلت النرجسي اللي اذا حدث كذب واذا وعد اخلف واذا اؤتمن خان واذا خاصم فجر فهل دة رجل؟ طيب وانتي عايزاه يخضع لزوجته ليه مايغور وتسيبه وتمشي!
زي ماقلنا كتير مش كل زوجة تقدر تمشي وفيه نرجسيين ممكن التعايش معاهم وللأسف النسبة كبيرة جدا ولو قلنا كله يهرب ويسيب بيته غالبا كدة مش حيكون عندنا اسر مستقرة لان العدد كبير فعلا دة غير ان أحيانا بيكون الزوج صعب العشرة واخلاقه صعبة لكن مش نرجسي والزوجة تقول دة نرجسي وتقرر تمشي وتسيبه يبقى قول اهربي دة ماينفعش يتقال كدة مطلق لازم اهربي دي يكون لها أسباب قهرية
طيب خلينا ندخل في الموضوع مين الزوجة اللي النرجسي يخضع لها ويعني ايه أصلا يخضع هنا ؟ يعني يسمع كلامها ويعرفها كل حاجة عنه ويقول لها رايح فين وجاي منين ويستأذن منها قبل مايخرج؟ لا طبعا انتي أصلا لو متعافية من الإدمان فانتي مش محتاجة لكدة ومفيش زوجة سوية حتحب ان جوزها يبقى مش رجل ويبقى خانع لها ،المقصود هنا انه يخضع لطلبات زوجته وأولاده بالحق يعني يديهم حقوقهم ولايبخسها ، انه مايكتمش انفاسهم ومايذلهمش ،النرجسي لما يخضع حيقلل من كبره وجبروته فيكون شبيه بالرجل ويقلل وحشيته مع زوجته وأولاده ومايحرمهمش من ابسط حقوقهم
طيب مين بقى الزوجة اللي تقدر توصل لكدة مع النرجسي وتقدر تخضعه ؟ وهنا بنتكلم عن الزوجة السوية مش النرجسية .
١- الزوجة دي اللي استغنت عن الناس بربنا ،اللي اتخلصت من الشخصية الاعتمادية (اللي هي بتعتمد على الاخر في تقدير نفسها اللي مش بتعرف تحس بقيمتها الا اذا حد قال لها انتي لكي قيمة وانتي كويسة) الزوجة دي اللي قدرت تستغنى عن النرجسي كزوج بيلبي احتياجاتها العاطفية والمادية لانها عارفة انه مش حيلبي لها أي حاجة الا اذا حياخد حاجة في المقابل واحيانا بتكون الحاجة دي حرام وانتي ماينفعش تديها له فبتلاقي انه مش بيلبي احتياجاتك فلازم تتعلمي تستغني عنه ،الاحتياجات العاطفية والمشاعر مش مقتصرة ع الزوج ممكن الأولاد والاسرة والصديقات ، اما الاحتياجات الزوجية فالاستغناء عنها بالصيام والدعاء وتسليم الامر لله والكلام دة اتكلمنا فيه كتير وقلنا ازاي نتخلص من الرغبة في أي شيء في سلسلة مستويات الوعي
٢- تاني حاجة ان النرجسي يحس ان مش في نيتك انك تسيبيه وتمشي لان دة بيسبب له رعب ليه لانه عنده رعب من الهجر ولأنه بيوهم نفسه انه احسن حد في العالم فلو حس انك عايزة تسيبيه بيحس ان الوهم بتاعه بيتهدم فوق دماغه وبيحصل له صدمة ويشعر بالعار والفشل ولأنه كمان الانا عنده منتفخة وشايف انه مايتسابش هو اللي يسيب ،وكل دة بيخليه عنده إحساس بعدم الأمان وهو أصلا عنده الإحساس دة من وهو طفل فانتي بتتكي ع الجرح زي مابيقولوا فمجرد مايحس انك متمسكة بالبيت والاسرة (مش بيه هو شخصيا عشان ماتبقاش نقطة ضعف يهددك بيها) يعني تقولي بين السطور كدة انا مش حخرب البيت لكن يوم ماتغدر انت ولا حيهمني حكمل حياتي عادي جدا ، انا متمسكة بيك طول ما انت متمسك بيا ، انا مستحيل اسيبك طول ما انت مخلص وبتحبني ، اللي هو انا مش حسيبك بس بشروط فمش حينفع تلعب في الحتة دي ودة بيخلي النرجسي حاسس بالأمان اللي كان نفسه يحسه من امه وماحسهوش فبيديكي وبيفرض عليكي أحيانا دور امه وهنا بيخضع تماما لكن مايمنعش انك حتشوفي برضه معارك النرجسي من وقت للتاني لكن ع الأقل بيسمع كلامك وتقدري تخلصي مصالح اولادك
٣- لما بتكوني متخلصة من الشخصية الاعتمادية بتكوني اتخلصتي من احتياجك لقبول النرجسي لكي فهو مش حيعرف يلعب بيكي لعبة القبول ، لما تنفذي طلباته المعتوهة حيمنحك القبول ولما تتذللي له حيمنحك القبول ، كمان بتقدري تلبي احتياجاتك النفسية بتقدري تحققي السلام النفسي والاحساس بالأمان وقادرة تكتفي بنفسك ومستغنية عنه وعن غيره ودة بتوصلي له عن طريق التشافي وكمان الترقي في مستويات الوعي شوفي سلسلة شفاء الروح ، كمان لما بتكوني مستقلة ماديا مش محتاجة انه يصرف عليكي ومن جواكي فعلا حاسة انك استغنيتي عنه ، لكن تقدري في نفس الوقت تطالبي بحقوقك وحقوق اولادك لمجرد انك ماتسكتيش عن الحق وانك ماتتنازليش عن حقوق اطفالك لانها مش حقوقك عشان تتنازلي عنها لكن لما بتسعي وراء حق وانتي في حالة استغناء بتكوني اقوى بكتير من انك تسعى وراء حق وانتي محتاجة وضعيفة