الملخص ١- نسم الكفرات (كلها) على ١٥ ولا تخلي كفر أعلى من الثاني واذا غرزت عادي ممكن تنزل الكفر الى ٥ ٢- افصل التراكشن ٣- حول التوماتيك الى القير العادي (مهم عشان ما يحتر القير) ٤- اذا غرزت السيارة لازم تطلعها بالدبل الثقيل (الخفيف يضر الدبل) ٥- اذا جيت تبرح ركز على الكفر اللي مايدور + التبريح بالدركسون ممتاز لكن لا تكثر منه لأنه يضر الطرمبة على المدى البعيد ٦- اذا استمر بالغراز فيه كفر يدور وكفر لا هنا شغل الدفلوك اللي وضيفته يقفل الدفرنس يخليه ٥٠٪ يمين و٥٠٪ يسار (غالباً الدفلوك ما يشتغل الا بالدبل الثقيل)
كفيت ووفيت الله يبيض وجهگ ولا تنسى حركة قدام وورى اللي هو انك تاخذ مسافة بسيطة لقدام وشوي لورى لحد ماتفتح طريق للموتر وذي تصلح اكثر شيء للي قيره تماتيك تحصله من محاولات بسيطة ينتق الموتر ويطلع
اكثر السيارات الدبل تشبه بعض لا يغركم بعض الكلام لكن النفود في وقت الصيف لا احد يقربها لوحده كل السيارات اذا غرست وان معشق دبل ما طول وترتفع الحرارة وتوهق انتبهوا النفود هو الهلاك بالصيف الله يحفظكم
ما شاء الله شرحك حلو و مفصل و مفيد لكن عندي ملاحظة من بعد اذنك ال center lock هو لقفل السيارة و فتحها اكيد اللي تقصده central diff-lock وهذا محدود الفايدة و غالبا ما يساعد بالمواقف الصعبة جدا و فعلا ما شاء الله شرحك كافي و وافي
جزاك الله خير طرحك مختصر ومفيد وتستاهل متابعه ولايك استمر في تنزيل مقاطع اكثر اخوك من السعوديه سؤال عن نظام التراكشن هل ضغطه وحده على الزر تكفي سيارتي هافال h9
فعلاً أنا سألت ورشة مشهورة (أرسلني لها ميكانيكي في الصناعية) ، متخصصة بالعكوس ودودة الدركسون ، وقال لي نفس الكلام : إذا كان الشخص يلف الدركسون أو الطارة في الرمال والسيارة مغرزة سوف يخرب دودة الدركسون.. وهذا ما حصل لي شخصياً للأسف
سلام عليكم ونا معي هيلكس وغرزت بشعيب و صار فيه شايب وعجوز جا الشايب قال شف إذا غرزت الحالك ماعندك احد احفر الكفرات من قدام اهم شي الي قدام و الي ورا احفره خفيف و ماشاءالله 👌🏻 قعدت ارقصله وطلعت (هيلكس بدون دبل)
I know im asking the wrong place but does anyone know of a trick to log back into an Instagram account..? I was dumb lost my password. I love any assistance you can offer me.
اول مره اشوف احد يقول سنتر لوك ويشرحها زي الناس. الناس تقول دبل خفيف وناس تحسبه الدفلوك الخلفي ولا يدرون وش هو. شرحك ممتاز وواضح عشان الواحد يعرف اذا بدا كفر يدور وين المشكله وكيف يحلها وكيف يوزع القوة للكفرات. مرات الموضوع ما يبيله الا ضغطة زر وتطلع، الخبرة والفهم لهالازرار لها دور! بارك الله فيك شرح وافي وكافي لاي واحد جديد ويبي يتعلم.. ودائما افضل تطلعون موترين بالنفود ما تدري متى تطب برباضه وتبلش.
كلام سليم لكن لدي ملاحظة عندما قلت حط السيارة ب D هذا يستخدم للسرعة أما مغرز عشق اثقل نمرة بالسيارة اذا قير عادي بالأول اذا قير تماتيك نظام قديم عشق اخر نمرة L اذا القير cvt حولها مانول عادي وبالاول
