النجع 2018 | الهدهد
الهدهد
تغيبت يوم الجمع ينشد عنك
سليمان ونت تعرفه سليمان
يبي قدحتك ما جتش قدحه منك
شن حجتك يامنقرش البيطان
وهو عارفك ماك صقر
ولا بتنقله ع الضهر
لكن يبيلك عذر
يبي فزعتك وتجيه بي سلطان
جيت من سبا جايب خبر نسوان
ونا نقولك خير تبعد الشيطان
اللي يشوف منقارك مع البرنوس
يقول نشبعوا بصيدك وجاك الجود
ونتا تنسرف في ارفاف اتحوس
اتفتف ملقط نمل والله دود
ادندن اخطاك اقراب
وسموك بو عبعاب
سليمان ضنه خاب
فيك انخدع الله يرحم سليمان
لا حضرتله لا جبتله سلطان
ونا نقولك خير تبعد الشيطان
غبت ياخفيف وقالوا غاب
ولو ما تهمه ما نشدش عليك
سليمان دايرلك غلا وحساب
فيك انخدع ما يعرف اللي فيك
مالك ومال بلقيس
وقصورها يا فيس
لا بجن لاك بالميص
توخرت لا حجه ولا برهان
جت بركتك في الخط ياحران
ونا نقولك خير تبعد الشيطان
تغيبت فاقد جيتك ماجيت
منينه يبي منك وفا قصرت
شن حجتك يا بو وين عديت
وين قدمن للنايبه وخرت
هو عارفك محدود
وين يدعكن ما تجود
غير طالب الميكود
وتعرف العركه حس للرهقان
والقص بيت النقص للكتان
ونا نقولك خير تبعد الشيطان
للاشتراك في القناة الرسمية: bit.ly/Agaweed_...
لمشاهدة المزيد: bit.ly/2JxxHHF
علي الكيلاني شاعر ليبي ومؤلف وملحن ، تتنوع أعماله في أغلبها بين التراثي والوطني.
لعل من أشهر من قامت بأداء أغان من تأليف وتلحين علي الكيلاني المطربة التونسية ذكرى محمد والتي زاد إجمالي التعاون الغنائي بينهما عن 70 أغنية. منها أغنية "من يجرأ يقول". كما غنى من كلماته وألحانه عدد من المطربات والمطربين الليبيين والعرب منهم نوال غشام أنغام ولطيفة العرفاوي. وتناولت أغانيه التراثية الحياة البدوية الليبية فيما اشتملت أغانيه الوطنية مواضيع حول فلسطين والعراق.
بدأ عمله في الإذاعة المرئية والمسموعة الليبية، كما حصل على عدد من الجوائز بينها الجائزة الأولى في مهرجان القاهرة للإذاعة والتليفزيون.إضافة إلى ذلك فهو مالك دار أجاويد للإنتاج الفني والثقافي.
Follow us:
ـــــــــــــــــــــــــــــــــــــــــــــــ
Facebook | / alialkelany0fficial
22 сен 2024