النجع 2018 | الضب 

النجع 2018 | الضب
الضب
شن سيرتك بين الحفر
مالك منازل غيرهن تنزلها
وليش جرتك دون الجرر
لا اتقد تمشي طول لا تعدلها
مره يمين تميل
ومره تجي ع الذيل..
والمشوار موش طويل
واللي تصادفك تاكلها
لا شبعت يا خمخام
تعشق الا الظلام
وينما يجيك تنام
ظليل بين جلها وجلها
شن سيرتك خير العرب
عليك سايلات ارياقهم خبرنا
اللي تقوله ايقولك الضب
غابت ،،،،علينا حكمتك نورنا
بالكش عندك سر
يا،،ضب بو القطر
عليك يحفروا لحفر
تقول جايبيين جملها
عليك قلعوا الرشاد
وفيلي اقباله باد
عليك عالنين مزاد
عليك ثروته كملها
شن سيرتك ،، بين الرصف
مجون ونومك بين حيط حيط
وترتع ،،،وميكولك ،،،قطف
الي يوصلك عطشان ريقه يشيط
تبيله وبيش يلقاك
لا ارتاح لا هناك
بلاذبح ، طول شواك
وصوكايتك، مللها
خذالك اقجمر، غمر
وجمره يلهلب حمر
ويقلبك ع الجمر
وقدره يفوح بصلها
شن سيرتك بين الحكف
عمرك مضي ما بين حقفه وحقفه
بين الصوايط والرفف
اللي يواجهك ،تعطيه ذيلك تقفه
في كل شق تخش.
ماك طير داير عش
وين تنطمر بتكش
وكل الكاينه فولها
تراجي تصادف غفله
تهيم في الظلام و تفله
عندك العتمه حفله
بلا مناسبه عاملها
للاشتراك في القناة الرسمية: bit.ly/Agaweed_...
لمشاهدة المزيد: bit.ly/2JxxHHF
علي الكيلاني شاعر ليبي ومؤلف وملحن ، تتنوع أعماله في أغلبها بين التراثي والوطني.
لعل من أشهر من قامت بأداء أغان من تأليف وتلحين علي الكيلاني المطربة التونسية ذكرى محمد والتي زاد إجمالي التعاون الغنائي بينهما عن 70 أغنية. منها أغنية "من يجرأ يقول". كما غنى من كلماته وألحانه عدد من المطربات والمطربين الليبيين والعرب منهم نوال غشام أنغام ولطيفة العرفاوي. وتناولت أغانيه التراثية الحياة البدوية الليبية فيما اشتملت أغانيه الوطنية مواضيع حول فلسطين والعراق.
بدأ عمله في الإذاعة المرئية والمسموعة الليبية، كما حصل على عدد من الجوائز بينها الجائزة الأولى في مهرجان القاهرة للإذاعة والتليفزيون.إضافة إلى ذلك فهو مالك دار أجاويد للإنتاج الفني والثقافي.
Follow us:
ـــــــــــــــــــــــــــــــــــــــــــــــ
Facebook | / alialkelany0fficial