النرجسي بيحس بإيه وبيفكر ازاي لما يكون بيتلاعب بيكي ؟ ...... كوثر سند 

ازاي النرجسي بيفكر لما يكون بيتلاعب بيكي او بيتسبب لك في الاذى ؟؟
١- لو لومتيه ، لو اي حد وجه لوم للنرجسي حيحدفه عليه فورا بدون تفكير من غير مايفكر فيه هو صح ولا غلط وهو غلط فعلا ولا لا ،ليه لانه بيخاف من النقد، النرجسي الظاهر ممكن يكون مرن ويتقبل النقد او يراوغ ويتفاداه اما الخفي فلا حساس جدا للنقد ولو حد انتقده بيهاجمه بسرعة وبعنف طيب ايه تفكير الخفي في الحالة دي ؟ ١- انا اتأذيت من النقد دة ومش متأكد ولا واثق انه صحيح ، لكن حرتاح لما ارد لك الاذى دة ، ٢- فكرة النقد في حد ذاتها بتمثل هجوم عليا لان النقد للناس اللي مش برفكت وانا برفكت ، ٣- انا بقدر الفيد باك او اراء الناس المهمين وانتي مش منهم .
٢- لما يقلب الترابيزة ويتهمك بحاجة بالباطل ويلعب دور الضحية : ١- انا مش قادر اصلح نفسي لكن اقدر اكسرك ودة حيسبب لك خسارة فحيكون كافي ومرضي لي ،
٣- لما يدعي انه مش فاكر وعنده مشكلة في الذاكرة او ينكر غلطة عملها ، بيفكر ازاي ؟ (١) اسهل اني انكر الموضوع كله احسن ما قعد ادور على كدبة وكمان مبقاش كداب! (٢) معنديش مبرر لغلطي فاريح لي انسى الموضوع ،
٤- يحب يفكرك بالاحداث المحزنة زي فقدان احد الابوين مثلا : (١) بحب اشوف الناس بتعاني من غير ما اكون انا السبب في معاناتها عشان محدش يحملني المسئولية ، (٢) انتي في اليوم الفلاني من خمسين سنة مثلا وانا مااخدتش حقي منك فدلوقتي باخده ، (٣) انا متضايق ومكتئب دلوقتي وانتي مفروض متكونيش مبسوطة فلازم تضايقي وتكتئبي زيي
٥- سرقة مجهود حد سواء في شغله او مجهودك انتي في تربية الاولاد ونجاحهم او نجاح اي مشروع بينكم لما ينسب كل دة لنفسه : (١) من حقي انسبه لنفسي لانك من غيري ومن غير توجيهاتي وقلوسي مكنتيش حتقدري تعمليه ، (٢) لوكان عندي وقت كنت حعمل اللي عملتيه بس مكنش عني وقت يبقى استحق انسبه لنفسي .
٦- لما يتخانق فجأة وبدون مقدمات ويعمل لك صمت عقابي : (١) لما بشوفك بتعاني بستمتع او على الاقل بيخفف من جرحي ، (٢) انا اصلا غضبان جدا لاني متعايش مع شخص عادي انا استحق اعيش مع حد متميز زيي ،(٣) انا كنت محتاج حاجة وانتي معملتيهاش والمفروض كنتي تعرفي انا عايز ايه من غير مااقول فلما ازعق لك حتفهمي بعد كدة وتعرفي لوحدك انا عايز ايه
٧- بيوقف الكلام فجأة وينهي العلاقة وبتحصل كمان من الاب لبنته : (١) انا مش الاب او الزوج اللي كنت عايز اكونه فاحسن او اسهل حل اني اقطع اي تواصل بيننا اسهل من اني اتحمل عار اني اب سيء او زوج سيء ( دة غالبا بيكون النرجسي الضعيف)
٨- دائم التباهي والتفاخر بكمية الفلوس اللي عملها وممكن يدعي ان اللي معاه اضعاف الحقيقة : (١) انا احسن منك والفرق كبير لدرجة انك مش حتقدري تقلليه ، (٢) انا عارف انك احسن مني في بعض حاجات فلما اظهر لك فلوسي ححس بالتعادل معاكي على الاقل ، (٣) انا عارف ان الناس الكبيرة والمهمة بتكسب فلوس كتير وانا لازم اكون منهم
٩- الام النرجسية بتعمل مسافة بينها وبين ابنها بشكل عدائي :(١) ( انا عايزاك تعرف اني جافة لدرجة اناا اقدر اخلي حياتك سيئة (اسود عيشتك يعني) ، (٢) انا مجروحة لانك بدأت تستغنى عني لانك بتكبر ، (٣) انا معنديش العمق في المشاعر اللي تخليني اقدر اتعامل مع احتياجاتي بطريقة افضل
١٠- النرجسي الضعيف احيانا يتعامل بثقة وبتغاظم في التجمعات سواء اجتماعية او عمل ،بيتصرف زي النرجسي الظاهر اللي هو يبان عليه العظمة والسحر ودة بيكون استعراض على فريسة او قرد طائر عايز يجتذبه : (١) انا عظيم وقوي (وبيكون غالبا بيقلد نرجسي ظاهر هو عارفه ) ، (٢) انا عايزك تشوفي اني عندي سلطة وقوة ودة حيخليكي تنجذبي لي او تسمعي كلامي ، (٣) انا عارف اني ضعيف ولازم اخفي ضعفي دة بالتظاهر باني قوي
اكونت الفيس بوك
www.facebook.c...
جروب ادرس عدوك النرجسي
/ kawthersanad11