معركة مابعد الانفصال (سواء نفسي او طلاق ) عن النرجسي
هل علاقتك بالنرجسي بتنتهي بالانفصال ولا بتفضلي في حروب ومعارك؟
انتي في كل الاحوال لازم تدفعي تمكن المرحلة الدهبية ، دة كلام تيودور ، المرحلة دي كانت تبدوا وكأنها مكسب مكسب لكن هي واقع الحال كان الوقود الايجابي فيها فائق ، تيودور بيقول ان ارتباط النرجسي بيكي مش ارتباط حب دة ارتباط حرب هو بيخطط لها من اول مرحلة الحب الدهبية مابتبدأ وهو بينتصر فيها ، وهو بيستعمر كل مواردك ويسطوا عليها من اول شخصيتك ومميزاتك الشخصية لحد مالياتك ومستحقاتك ، وفي النهاية بيسيبك اشلاء ، ويرجع لك تاني عشان تستمر المعركة ،
لما بيسيبك النرجسي انتي بتدخلي في ثلاث معارك ورا بعض ، اول واحدة المعركة العاطفية ودي بتكون ضد نفسك غالبا ، ، اولا انتي النرجسي سابك فجأة وبدون مبرر ، او انه اختلق خناقة فجأة وبدون مبرر وادت الى انه سابك المهم انه اختفى فجأة وبدون مقدمات ، وفي الحالة دي انتي بتكوني في حالة مضطربة ومشاعرك متضاربة ومتأججة وحزينة و عندك كم من الغضب الغير محتمل دة غير التساؤلات المؤلمة اللي ملهاش اجوبة ، وعدم الفهم لايه اللي بيحصل ، عقلك بيقف تماما ويتشل عن التفكير وبتلاقي نفسك مش بتحكمي على الامور بشكل منطقي ومش عارفة تاخدي اي قرار
تيودور بيقول انك غالبا بتخسري المعركة الاولى دي معركة العواطف ( انا بقى هنا وبعمل الحلقة دي عشان متخسريهاش ) ليه بتخسريها لانك بتكوني تحت تأثير العاطفة وموقفة عقلك تماما ، طيب طالما انتي بتسمعيني دلوقتي يبقى انتي عرفتي انه نرجسي يبقى لازم توقفي العاطفة وتفهمي انك بتواجهي عدو بيتربص بيكي وبيستغلك وعايز يحطمك يبقى فكري بعقلك شوية وقفي مشاعرك واديها اجازة وفكري هو سابك ليه واللي يتخلى عنك بالبساطة دي ازاي تآمني له بعد كدة(خصوصا اللي بيحصل معاها دة في فترة الخطوبة واللي بتتضرب في اول اسبوع جواز ، واللي بتتهجر في شهر العسل ويتعمل لها صمت عقابي ) ؟ فكري بعقلك هو ليه بيهينك بدون سبب ، هو ليه بيوجه لك اتهامات كاذبة وهو عارف انها كاذبة ، .
المهم هو عارف انك هشة في الوقت دة وضعيفة وهو كان بيخطط لكدة عشان كدة سابك فجأة وانتي في قمة حبك له عشان لما يرجع ماتصدقي وتجري عليه وشوية هوفرينج مكسحين يجيبك تاني ، تكسبي المعركة دي ازاي ؟ هو بيقول انك تتجنبي الخصم لحد ماتقدري تجمعي شتات نفسك وزي ما قلت لك افهميه الاول عشان تقدري تكسبي المعركة العاطفية ، تكسبيها بالتجنب يعني ايه يعني متستسلميش للحزن والزعل عليه وارفعي هرموناتك بسرعة واغضبي لنفسك ولكرامتك ومتسيبيش قلبك يسحلك في معركة خسرانة ،
في كل الاحوال حتدخلي المعركة التانية ، دي بقى معركة العقل مقابل القلب ، اللي هي انا بحاول اوصلك لها بالحلقة دي وبالحلقات بتاعتي كلها انا عايزاكي تفهمي ، هو بيقول لك انتي حتوصلي لها عن طريق التجربة اللي بتعيشيها مع النرجسي او القراءة او اليوتيوب او اي حد فهمك حقيقة النرجسي
المعركة التانية هي معركة مشاعر مقابل تفكير ، عقل مقابل قلب ودي بتكون عشان انتي جمعتي معلومات ، ودي ممكن تكون مكان الاولى لو انتي واعية وفاهمة ودي بقى بيحصل فيها ايه ؟
١- انتي عارفة انك مش مفروض تتصلي بيه بس بتكوني عايزة تبعتي رسالة عشان تشوفي رد فعله
٢- حتفضلي طول الوقت تشيكي على كل السوشيال ميديا بتاعته عشان تشوفي جايب سيرتك ولا لا واذا كان مع واحدة جديدة ولا لا ، او تعرفي اي معلومة عن هو بيعمل ايه
٣- حتسألي عنه زملائه او موظفيه او قروده الطائرة وطبعا الكلام دة حيوصل له سواد عن قصد منهم او عن غير قصد
٤- اذا ارتبطتي بحد بعده حتفضلي تقارنيه بيه
٥- انتي عارفة كل شيء سيء حصل وممكن يحصل منه ومع ذلك بتتمني لو يرجع
٦- انتي متأكدة انه مش حيتغير ومع ذلك لو مجربتيش بنفسك مرة عمرك ماحتعرفي ، فأكيد بتقولي لنفسك طب اديه فرصة نتكلم
7- انتي دلوقتي فهمتي ان كل المرحلة الدهبية دي وكل اللي اتعمل فيها كان كدب ، لكن قلبك بيقول لك مش معقول كلها كانت وهم ، اكيد كان في وقت حبك فيه النرجسي وبالتالي فانتي محتاجة تتكلمي معاه وتسأليه في الحكاية دي
٨- انتي عارفة انه كان سيء جدا معاكي واذاكي كتير بس انتي مش قادرة تخلصي من احساسك بالوحشة والشوق له ومش حتستحملي تتواجدي معاه طول الوقت فممكن تقبلي تتواجدي معاه بشكل متقطع او تشوفيه كل فترة
٩- انتي عارفة انك مفروض مترديش على رسايله لكن بتلاقي نفسك بتردي ومش قادرة تقاومي اي محادثة بينك وبينه
١٠- انتي عارفة انه كان بيستغلك ومع ذلك بتحسي ان استغلاله دة واحشك احيانا وممكن تخافي تواجهي نفسك بيه ( احدى الحالات قالت لي وحشتني خناقاته ) دة غير انك كمان مش مستحملة فكرة ان واحدة تانية تاخد مكانك
١١- احيانا تقولي لنفسك انتي عرفتي دلوقتي ايه الوضع وعندك معلومات كويسة عنه فممكن ترجعي واكيد حتقدري تتعايشي معاه بناء على المعلومات اللي عندك
١٢- كمان بتقولي لنفسك مش يمكن المرة دي يتغير ، ويمكن دي تكون فرصة كويساضيعها على نفسي وابقى انا اللي خسرانة ،انتي عارفة ان الارتباط بيه والحياة معاه خطر عليكي وعلى صحتك ونفسيتك لكن مش قادرة تبعدي ولا قادرة تبطلي تفكير فيه .
طيب دلوقتي اثناء المعركة دي لازم تعرفي اكتر وتقرزي اكتر وتسمعي فيديوهات اكتر واسمعي آراء مختلفة وكل ما عرفتي اكتر كل ما قدرتي ترجحي عقلك على قلبك اكتر وكل ما قدرتي تاخدي قرار اصح وكل ماكان احتمالية النصر في المعركة دي حيكون اكبر
المعركة الثالثة بقى ودي انتي بتكوني تحت تأثير العقل فقط والمشاعر خلاص جنبتيها وفي الحالة دي ............
اكونت الفيس بوك
www.facebook.c...
جروب ادرس عدوك النرجسي
/ kawthersanad11
الكتب
?Why
26 авг 2024