النرجسي قرر يطلقني افرح ام ابكي ؟ وهو فعلا حيطلق ؟ 

١٢- النرجسي قرر يطلق !! افرح ام ابكي ؟؟
مبدأيا كدة مش كل نرجسي قال انه قرر يطلق يبقى حيطلق فعلا ، خدي بالك موضوع الطلاق دة سلاح قوي جدا في ايد النرجسي انتي سلمتيه له بنفسك عشان يحاربك بيه ،ازاي ؟
عندي حالة بتحكي انها في اول جوازها قالت له بابا طول عمره يقول لنا احنا زي المسحيين ماعندناش طلاق لابنطلق ولا بنتتطلق ، بس خلاص هو هنا عرف اهم حاجة هو عايز يعرفها عنك ، انتي بقيتي ملكية مدى الحياة ولو حاول يتخلص منك انتي مش حتسمحي بدة وهو دة اللي هو عايزه تماما عايز يعمل فيكي اللي هو عايزه وانتي أصلا معندكيش اوشن الانفصال ولا الطلاق دة ، المهم الحالة دي بعد مافهمت الحكاية والرواية فهمت انها سلمته نفسها ببلاش وبلا ثمن وبدأت رحلة التعافي وقدرت في النهاية تعرفه انها حتخرج عن المبدأ اللي ابوها زرعه فيها وانها قررت تتطلق وكفاية كدة وكانت النتيجة ان النرجسي طبعا اتصدم للوهلة الأولى وبعدين تراجع وبعدين مرتين كمان يختبر الموضوع بالتهديد يلاقيها تمسك في الكلمة وتصمم عليها انها فعلا عايزة تطلق فلقى الموضوع جد فبطل يهدد بالطلاق ، ، دة أولا اللي هو ممكن يكون مش حيطلق وبيلعب بيكي وبيربيكي بيهددك عشان تعملي اللي هو عايزه
ثانيا بقى اذا هو قرر الطلاق بجد فعلا ودة حيكون لاسباب طبعا حتلاقيها في الفيديوهات اللي بتتكلم عن الطلاق في القناة ، المهم انتي بقى تفرحي ولا تبكي ، انتي بس اللي تقدري تجاوبي ع السؤال دة بمنتهي البساطة بس عايزة تجاوبي إجابة تكون في صفك بالحق وفي مصلحتك حتتعبي شوية كأنك كدة بتبحثي عن نوع دواء فعال ع النت بتاخدي وقت عشان تبحثي وتدوري وبعدين تشوفي حد جربه عشان تتأكدي انه كويس ، اظن حياتك اللي جاية كلها بتتوقف ع الدوا اللي بتاخديه يا يشفيكي يا بعد الشر يؤذيكي اذى يؤثر على بقيت حياتك ، السؤال بتاع النهاردة واجابته لها نفس تأثير الدوا ولازم تتعبي شوية عشان تحصلي من نفسك ع الإجابة الصحيحة اللي حتؤثر على بقيت حياتك ، طيب اعمل ايه يعني؟ حقول لك : هاتي ورقة وقلم ورقة كبيرة شوية او ممكن كشكول على حسب مدة جوازك من النرجسي وتعالي كدة نبدأ من اول ماعرفتيه بس استرخي كدة واقعدي في مكان هادي عشان الذاكرة ماتزرجنش معاكي ، شوفي اول خناقة حصلت بينك وبينه او اول كلمة ضايقتك منه وحلليها بناء على معلوماتك الحالية وشوفي كان قاصد بيها ايه واكتبي اللي حصل وتحليلك ، وبعد الزواج اول مرة حصل فيها موقف مش تمام منه برضه اكتبيه واكتبي هو كان قاصد ايه وعمل كدة ليه وركزي وانتي بتفكري واستخدمي المعلومات برضه اللي انتي عرفتيها عن الشخصية النرجسية ، وبعدين كملي بقى المواقف الكبيرة لانك لو حبيتي تكتبي كل المواقف حتحتاجي كام كشكول عشان تكتبي فانتي اكتبي بس المواقف الكبيرة والجروح الشديدة وبعدين شدي خط تخيييين واكتبي من اول السطر انتي كنتي ايه صفاتك ونفسيتك وحياتك ومشاعرك قبل ماتعرفيه وايه اللي باقي منك النهاردة من كل دة ، وتاني من اول السطر اكتبي مين كان في حياتك قبل ماتعرفيه من اهلك واصحابك وقرايبك وجيرانك ومين بقي معاكي لحد دلوقتي وليه خسرتي اللي خسرتيه منهم ومين السبب في خسارتهم ، تاني شدي خط تخيييين ومن اول السطر صحتم قبل ماتعرفيه كانت ازاي وبعدين دلوقتي ازاي ؟ سواء جسديا او نفسيا ؟
طيب لو حبينا نقول كمان حنقول بس انا مش حقول انتي بقي قولي واكتبي في كشكولك واللي عايزة تكتب لنا في التعليقات تكتب ، فيه ايه كمان ممكن تسأليه لنفسك عن حاجات كتير راحت منك اثناء العلاقة دي ،
بعد ماتخلصي كتابة معما كانت الإجابات مرهقة ومبكية زي ماقلت لك لازم تتعبي عشان ترتاحي بقيت حياتك ، فعلا بعد ماتخلصي كتابة حتلاقي نفسك جاوبتي ع السؤال بمشاعرك حتلاقي نفسك فرحتي ( في حال انه فعلا نرجسي طبعا )
و اهم حاجة واخر حاجة لازم تسأليها لنفسك انتي كنتي فين مع ربنا قبل ماتعرفيه وبقيتي فين وهنا بيكون الحسم لما بتجاوبي ع السؤال دة بانصاف وصدق حتعرفي اذا مفروض تفرحي ولا تبكي
حتفرحي لو انتي مهتمة بنفسك وشخصك واولادك وبس مش مهتمة برأي الناس والمجتمع والشماتة والسلبيات الموروثة اللي بترجع لورا ، اتخلصي من المعتقدات السلبية عشان تعرفي تدوقي الفرحة ومتبقيش الوجه الاخر لعملة النرجسي الاعتمادية