الانتساب إلى هذه القناة للاستفادة من المزايا:
/ @user-id-kawthers-sanad
حجز الاستشارات : kawtharsanad.com/
رقم واتساب ٠٠٢٠١١٥٠٥٨٦٠٥٢
هل انتي مسئولة عن كونك ضحية نرجسي؟
انا عملت ايه في حياتي عشان اتجوز الراجل دة ، انا ربنا بيعمل فيا كدة ليه ، انا حفضل عايشة في الظلم دة طول عمري ، انا ليه ماعنديش حاجة والنرجسي عنده كل حاجة دة مش عدل ،هو ليه ربنا بيعاقبني ولا ليه ربنا مستقصدني وهو ربنا بيحب النرجسي وبيكرهني؟
توماس اريكسون في كتاب محاط بالانتكاسات بيقول كلام صعب شوية وانا مش بتفق معاه في حدته ولكن في معناه الى حد كبير، هو بيقول ايه ؟ بيقول ان الشيء الوحيد اللي انت في حاجة الى القيام به هو ان تتحمل مسؤولية نفسك ١٠٠٪ يعني ايه الكلام دة يعني عشان تتغيري وعشان تقدري تغيري وضعك لازم تفهمي انك مسئولة عنك وعن كل حدث وفعل ونتائج وعقبات بتحصل في حياتك ، النهاردة مش امبارح في الحاضر في مش في الماضي ،النهاردة لما بتتأخري عن شغلك ولا مدرسة اولادك لان الدنيا زحمة ماينفعش تقولي ان دة مش غلطتك وتعلقي تأخرك على الظروف لانك كان ممكن تصحي بدري شوية وتعملي حساب الزحمة فتنزلي بدري شوية عشان تعملي حساب الطريق صح ،انتي لازم تكوني مسئولة عن تصرفاتك ،
اختيارك للنرجسي مسئولية مقسمة بينك وبين اهلك وبين قدرك يعني هو ربنا كاتبه ودة قدرك ولكن انتي واهلك شوفتوا منه علامات كتير بتقول ان فيه حاجة غلط ، اهلك مابين الجهل والنية السليمة وبين النرجسية والنية السيئة المهم انهم مسئولين معاكي وانتي مابين الاستسهال والهروب من اهلك وبين الاحتياج الشديد للحب والتقدير وبين التأثر بالافلام الرومانسية الخادعة اللي وهمتك ان الفارس حييجي ينقذك ويحبك حب افلاطوني ، في النهاية انتي عندك جزء من المسئولية ولو انكرتي الجزء دة فانتي بتحكمي على نفسك بالبقاء في الظلم والقهر مدى الحياة ، ليه لانك لو مافهمتيش انك مسئولة عن اختيارك مش حتفهمي انك اختارتي غلط وبالتالي مش حتفهمي انك لازم تشوفي ليه اختارتي غلط او ليه استمريتي بعد ماشوفتي العلامات الحمرا وبالتالي مش حتعرفي ان عندك مشكلة سواء في افكارك او معتقداتك او في مشاعرك او في صدمات الطفولة ، الانسان اختياراته بتدل عليه ولما تكون الاختيارات غلط فدة دليل ان فيه عنه غلط محتاج يتصلح وبالتالي محتاج يشتغل على نفسه ويصلح المشاكل اللي عنهد عشان يقدر يقف على رجله ويصلح وضعه ، انتي بقيتي مع النرجسي سنين مغمضج عينك عن سلوكياته البشعة لمجرد انه بيديكي فتات خبز يضحك بيهم على قلبك الجعان وعشان قلبك جعان ومتعطش بيقبل القليل وانتيب يحصل لك تسكين وتنامي تاني وتغمضي عينك عن كل المساوئ في سبيل الحصول على جرعة حب ، بالرغم من انك شايفة الظلم ،شايفة ان فيه حاجة غلط ومافكرتيش تقولي انا محتاجة اتغير عشان ارفع الظلم عن نفسي ، انا معاكي انك كنتي مغيبة وعارفة انك كنتي ضحية لكن انا برضه عارفة ان كان فيه لحظات بتمر عليكي بتفكري وبتقولي ان فعلا فيه حاجة غلط وكنتي بتقولي ازاي بيعمل كدة وانا ليه بقبل كدة ولانك شايفة الموضوع صعب ولانك بعيدة عن ربنا ولانك خايفة من العبد ونسيتي الرب حتى لو بتعملي كل الطاعات على اكمل وجه الا ان قلبك معلق بالمخلوق الذميم وناسية الخالق الكريم وعشان كدة كنتي بتشوفي التغير صعب ومش صعب وبس دة كنتي بتشوفيه رعب لانك لو اتنفستي حتتعاقبي ولو اعترضتي بتتخاصمي ولو قلتي لا حيطلقك ، أوهام أوهام لانك كبرتيه بدل ربنا واوشكتي تعبديه بدل(البعض طبعا وصل لكدة مش الكل) ربنا فخوفتي منه بدل ربنا ،الخوف من الشبح اللي انتي عايشة معاه خلاكي متجمدة في مكانك خايفة تقربي من نفسك خايفة تغيريها تعلميها ماتبقاش ضعيفة تثقفيها تشتغلي وتتعلمي حاجة جديدة تشوفي نقط ضعفك وتعالجيها ، الفكرة من كل الكلام دة انك تفهمي انك مسئولة عن نفسك انتي الوحيدة دلوقتي المسئولة عن نفسك خلاص اهلك افسدوا ما افسدوا وجوزك افسد ما افسد وحسابهم كلهم عند الله لكن النهاردة انتي مين حيحركك مين حينصفك مين حيغيرك انتي مفيش غيرك هنا والان مفيش غيرك لكي دلوقتي انتي مسئوليتك لوحدك ، اه انتي اتوجعتي كتير واه عيشتي حاجات صعبة كتير واتألمتي اكتر لكن انتي الوحيدة اللي تقدري تغيري دة وانتي الوحيدة اللي تقدري تساعدي نفسك وتاخدي قرارك وتبدأي دلوقتي حالا
اتعلمي تشوفي المنح اللي في المحن واشتغلي منها على نفسك اتعلمي تلمحي المنحة اللي في المحنة وتستفيدي منها وتفرحي بيها وتطوري نفسك من خلالها وتصبري نفسك بيها . اريكسون بيقول ان الازمة الاقتصادية اللي حاصلة في العالم حاليا كان لها تأثير سلبي على ناس كتير وشوفنا شركات عملاقة بتعلن افلاسها بس في نفس الوقت شوفنا شركات تانية قدرت تطلع في وسط الازمة دي محققة أرباح بالملايين والمليارات ، كل واحد فيهم اتعامل مع الازمة بطريقة مختلفة ، واحد اختار يرمي اللوم ع الظروف الاقتصادية العالمية والانهيار اللي حصل ودة خسر كل حاجة وواحد تاني اختار انه يتحمل مسئولية اللي حيحصل ودور على المنحة اللي في داخل المحنة وقدر ينقذ شغله ويكبره كمان وصعد وقدر ينجح ، كمان بيقول ان صناعة الفرص من الازمات هي اكبر فرص ، اللي بياخد الخطوة وبيكون صاحب قرار ويبدأ الطريق بيوصل مهما كان الطريق صعب ، انتي كمان في ازمة انتي كمان محتاجة تبدأي وتتعلمي وتشتغلي انتي لازم تفهمي ان العقبات اللي موجودة في الحياة دي حاجة إيجابية مش سلبية دي حاجة بتعلمك تفكري ازاي تخرجي من الازمة العقبات دروس لو ماتعلمناش منها حتجمد مكاننا ومش حنتقدم خطوة ، لازم كمان تفهمي ان التغيير مجازفة وان التجارة مجازفة وبدء المشاريع كبيرة او صغيرة مجازفة وتصليح النرجسي مجازفة وتغيرك معاه مجازفة كل حاجة فيها نجاح لازم لها مجازفة فلازم تتعلمي المجازفة اللي تخليكي تخرجي من منطقة الراحة ،
11 окт 2024