الانتساب إلى هذه القناة للاستفادة من المزايا:
/ @user-id-kawthers-sanad
حجز الاستشارات : kawtharsanad.com/
رقم واتساب ٠٠٢٠١١٥٠٥٨٦٠٥٢
ازاي تتعاملي مع عقد النرجسي
النرجسي كله عقد ومشاكل نفسية ودة بينعكس عليكي وعلى معاملته معاكي انتي اولادك ازاي تتعاملي مع العقد دي وازاي تقدري تعيشي في هدوء مع شخصية كلها عقد ومشاكل؟
اول عقدة نفسية بتقابلك مع النرجسي عقدة الطفل في الحوار ، دي ازاي يعني؟ لما تكوني بتتكلمي معاه وتلاقيه يروح مقاطعك فجأة ويغير الموضوع ويبدأ يتكلم عن نفسه على حسب انتي كنتي بتتكلمي في ايه ،يعني لو بتشتكي وجع او مشكلة حيتكلم عن اوجاعه ومشاكله ويقلبها منافسة مين المه اكبر ولو بتتكلمي عن انجاز عملتيه او حتى أولاده حققوه حيتكلم عن إنجازاته هو ولو كان لكي أي رد فعل على اللي عمله حيتقمص ويزعل وتلاقي نفسك انتي اللي بتراضيه في الاخر (دة لو انتي أصلا لسة مش فاهماه) طيب ازاي حتتعاملي مع الوضع دة المفروض انك لما تلاقيه بيقاطعك تعترضي ع المقاطعة بهدوء وتقولي له لو سمحت خليني اكمل كلامي ، او انك تسكتي وماترديش ولا كلمة على كلامه ولما يخلص ويستنى ردك تقولي له انت رديت على كلامي اللي كنت بقوله ؟ او ماترديش أصلا ولو اعترض قولي له انت قاطعتني وانا بتكلم متوقع مني ايه ،المهم ان الوضع دة لازم يكون فيه وقفة ومواجهة صارمة مع النرجسي لان لو ماعملتيش كدة حيكون دة أسلوبه معاكي لاخر العمر والنرجسي بيستجيب لما بتكوني صارمة وحاسمة ومش بتخافي منه وماتنسيش انه أصلا شخصية جبانة وزي الطفل بالظبط لو اعترضتي بشدة حيتعدل ولو سكتي حيتمادى
تاني عقدة ودي كلكم عارفينها عقدة الضحية ، دي منطقة متعة عند النرجسي ملهاش حصر ليه لانه بيكون تحت الأضواء دور الضحية بيخليه يحصل ع الاهتمام اللي هو عايزه ولفت الأنظار واكتر حاجة بتبين دور الضحية النرجسي لما يتمارض او حتى ييجي له دوخة ولا ضغطه يترفع شوية ولا ياخد دور برد ومناخيره تسيب يفضل طول الوقت يخنف في الكلام عشان يقول للناس انه عنده برد او طول الوقت يمسح مناخيره ويقول لك شوفي مناخيري احمرت والتهبت ، واقل حاجة يجري ع المستشفى ويقول لك حموت ويوصيكي ع العيال لانه كمان بيخاف وهش وبيترعب من الموت ،الوضع دة اذا ماتعاملتيش معاه صح من البداية بيستفحل وبيستغلك فيه أسوأ استغلال ، لازم تعودي نفسك انه لما يكون في الوضع دة تتجاهليه تماما باستثناء كلمة الف سلامة عليك ياحبيبي مرتين في اليوم مثلا ، اكتر من كدة حتلاقي نفسك شايلاه على كتافك وماشية لانه لو لقى تعاطف منك حيتمادى وحيلاعبك بلعبة المرض ومش حتخلصي منها
تالت عقدة بقى ودي مقرفة جدا ولازم تواجهيها بمنتهى القوة وهي عقدة الشك ودي موجودة عند كل النرجسيين لكن بنسب متفاوتة فيه اللي بيكون مجرد شك واريحة فين وجاية منين ومين معاكي وببصي على مين وبتكلمي مين وانتيب تتلفتي وراكي ليه واتأخرتي ليه وقابلتي مين عند اهلك والخنقة دي وفيه اللي بيزيد ويوصل للخوض في الاعراض وتشويه السمعة وممنوع تخرجي أصلا من غيره ومفيش مرواح لاهلك ولا المسجد حتى ولا طبعا شغل وكل دة وفي الاخر يتهمها في اخوها لانه ملقاش حد أصلا يعرف يتهمها فيه لانه حابسها ، سواء اخف نوع او أسوأ نوع دول ملهمش حل لازم لازم تتكسر رقبته وماتسكتيش على أي اتهام يوجهه لكي واي شك يشكه فيكي ولو هو فعلا شاكك فيكي ليه مخليكي زوجته ليه مش بيطلقك لو هو رجل ، موضوع الشك دة صعب جدا السكوت عليه لانه بيتفاقم مع الوقت والنرجسي لما بيلاقيكي بتخافي من حاجة بيزود فيها والشك الزيادة فيه خوض في الاعراض ودة مش مسموح بيه وحيختم بخراب البيت يبقى من أولها تحسمي الامر وتوقفيه لانه بعد وقت ممكن يشكك اولادك فيكي ودة حصل كتير جدا مع الحالات ، الحكاية دي مفهاش نفوت ونسكت لا دي اكتر من حياة او موت دي خسران الاهل والأولاد وسكوتك بيضعفك وصحتك بتنهار وكل دة لانك ماردتيش عن نفسك الأذى من اول مرة ، لازم تقولي شاكك فيا طلقني كلمة واحدة لانه لو استمر على كدة حيوصل انه يطلقك بتهمة زور والناس حتصدق ماهو طول عمره بيشتكي وانتي مش بتدافعي ولا بتعترضي .
رابع عقدة بقى عقدة الهروب اللي هي ايه الهروب من المواجهة لو حصل أي حاجة ضايقته يتحول لانسان بارد سخيف متنح او متهكم مش بيواجه ويقول انا زعلان عشان انتي عملتي واحد اتنين تلاتة ولا انتي ولا غيرك أي حد بيختلف معاه مش بيواجهه لانه بيخاف من المواجهة جدا وبعضهم يقول اصلي لو واجهته حخسره اصلي لو واجهته حضربه يعني برضه مش بيقدر يواجه ، معظم النرجسيين مش بيواجهوا عشان مش واثقين انهم على حق ولو حتى كانوا على حق ودة نادر لو حصل لكن أحيانا بيكونوا كتعرضين لظلم او يحصل سوء تفاهم بينهم وبين أي حد ولما تقولي له واجهه يرفض تماما ليه لانه خايف يطلع غلط خايف اللي ادامه يكش فيه ولا يزعق له وهو بيخاف ، تخيلوا ان النرجسي الخفي الخبيث ممكن يبكي لو اتشخط فيه جامد او اتهزأ وبيبكي فعلا مش بيمثل ليه لان الطفل الداخلي ضعيف جدا وهش وردود افعاله دايما كانت انه يبكي او يغضب ويكسر الدنيا وهو دة النرجسي ، فازاي حيقدر يواجه عشان كدة معاكي لما تسأليه مالك يقول لك مفيش او يقول لك شوفي انتي عملتي ايه او انتي مش حاسة بنفسك ويرفض انه يقول لك ماله ولا يقول لك انتي عملتي كدة كدة لانك يا اما مش انتي اللي عملتي يا اما هو خايف يواجه وتطلعيه غلطان وكمان أحيانا بيكون من فط العظمة متخيل انك لازم تقرأي أفكاره وتفهميه من غير مايتكلم واذا دة ماحصلش تبقي مقصرة ودة سبب تاني انه يتضايق ويغضب منك ، والحل هنا بيكون التجاهل التام انت متضايق خليك متضايق لحد ماتهدى لوحدك وابقى تعالى بقى ، عمل صمت عقابي براحتك خالص لما ترجع لوحدك ماتلفيش وراه ابدا تسأليه مالك ولما يعمل مشكلة مع حد ماتقوليش له انه يعاتب ولا يواجه لانه حيحسسك انك بتخرفي فتجنبيه أصلا وماتنصحيهوش باي حاجة
#صحةـنفسية #القوة #الاكتئاب #النرجسي #النرجسية
27 авг 2024