الانتساب إلى هذه القناة للاستفادة من المزايا:
/ @user-id-kawthers-sanad
حجز الاستشارات : kawtharsanad.com/
رقم واتساب ٠٠٢٠١١٥٠٥٨٦٠٥٢
- لما تقرري تسيبي النرجسي بيهاجمك هجوم شرس ازاي وليه؟
لما بتفهمي النرجسي ويكون من النوعيه اللي ماينفعش تعيشي معاها وتتقرري تهربي منه وبتكوني عندك كل إمكانيات الهروب والنرجسي عرف انك فهمتي حقيقته بيبدأ هجوم مرير عليكي حقول لكم اخر حيل النرجسي في العقاب للهاربة من سجنه وحقول لك ليه العقاب دة وازاي تواجهيه
أولا ليه النرجسي بيهاجمك ويشحذ كل أسلحته ضدك لما بتهربي منه وتقدري تشليل نفسك واولادك وماتحتاجيش له في شيء؟
الطبيعي واللي كلنا عارفينه انك بعتي له رسالة انه ولا حاجة وانه قليل وملوش أي قيمة لدرجة انك حتى الحاجة الوحيدة اللي كنتي بتاخديها منه رميتيها في وشه واللي هي الفلوس ، ودة بيحسسه بالعار لكن مش دة وبس اللي بيخليه ينتقم منك بشراسة زي مابنشوف ، امال ايه اللي بيخليه يعمل كدة ؟ الخوف والهلع على شكله ادام الناس ، النرجسي لما بيعرف انه انكشف ادامك لدرجة انك تسيبيه وتمشي وتستغني عن أمواله الطائلة اللي أصلا مكنش بيديكي منها غير بالقطارة او حتى بيديكي منها فدة معناه انك فهمتي حقيقته المرة وكونك تاخدي اولادك وتبعدي وهو ماقدرش يضغط عليكي عشان تستمري معاه فانتي عندك الشجاعة الكافية انك تتكلمي وتحكي كل اللي تعرفيه عنه وبكدة الفضيحة الشنعاء بقت كابوس النرجسي ، شوفتوا البنت اللي والعياذ بالله تمشي وحش وتكون أهلها صعايدة شوفوا بتكون مرعوبة اد أيه من الفضيحة ومن أهلها اهو هو دة رعب النرجسي من الفضيحة ومن ان الناس تعرف ان الشخص الكيوت الملاك دة طلع شيطان ودة بيكون الدافع القوي جدا للنرجسي انه يشوه سمعتك وبيكون خطته انه يشوه سمعتك قبل ماتشوهي سمعته ودة كلكم عارفينه ودايما بحب افكرك ان النرجسي بيبدأ غالبا تشويه السمعة لما يفقد الامل تماما في رجوعك او لما يخاف جدا جدا من فضحك له وتشويه السمعة اللي بقصده هنا الخوض في العرض والشرف مش مجرد كلام عادي .
طيب ايه تاني النرجسي ممكن يعمله معاكي بعد الطلاق كنوع من الانتقام؟
التهديد ودة بيؤثر تأثير سيء جدا عليكي اذا انتي مش في وسط اهلك لانه بيبدأ يهددك بخطف اولادك او يهددك انه يموتك ويبعت لك رسايل تخويف وإرهاب وبعضهم بيبدأ يدي رقمك لشباب يضايقوكي والمصيبة انه ممكن يتكلم عنك وحش ادامهم وانك خونتيه وانك مش تمام فكأنه بيقول لهم روحوا لها هي سهلة وهو أصلا بيقول الكلام دة بدور الضحية اللي مراته خانته عشان كدة سابها ، وفيه اللي بيكون حاطط جهاز تتبع في سيارتك من قبل الطلاق وبيفضل يتابعك وبعدين يرعبك ويقول لك انا شايفك في المكان الفلني وكأنك في متناول ايده يقدر يوصل لك في أي وقت ودة بيرعبك طبعا وهو بيتغذى على رعبك في المرحلة دي وخصوصا لو عملتي ردود أفعال تبين خوفك ، فيه حالات النرجسي لعب في فرامل سيارتها وربنا ستر وفيه اللي بيسلط عليها ناس تمشي وراها وتضايقها عشان تحس بقيمة ان كان فيه ذكر في حياتها وتخاف وترجع له
واخر حاجة بقي بيعملها انه بيبدأ يحط ع السوشيال ميديا صوره مع الزوجة الجديدة او الخطيبة الجديدة ويكتب انها تعويض ربنا عن الذل اللي شافه وطبعا انتي اللي ذليتيه فمنه يكسرك ومنه يكمل تشويه صورتك ظنا منه انك زيه حتموتي لو اتشوهت صورتك
تواجهي الكلام دة ازاي ؟
بالشرطة لازم تلجأي للقانون لازم تدافعي عن نفسك سجلي مكالماته خلي موبايلك بيسجل كل المكالمات وايي معاكسات تبلغي عنها واي تصرفات وشكوك تتدونيها وتجمعي ادلة ان النرجسي ممكن يؤذيكي وبالتالي فهو خطر على اولادك فكمان تمنعيه من الرؤية وترتاحي تماما ،المرحلة دي اذا انتي استغليتها صح حتطلعي منها كسبانة مية في المية لكن لو قعدتي تبكي وخايفة ومرعوبة مش حيبعد عنك ابدا لانه بيتغذى على انهيارك ورعبك جمعي كل الأدلة اللي تقدري عليها واعملي له محضر وتعهد بعدم تعرض
وتاني تأكدي ان اللي بعدك مش حيكون حالها احسن من حالك لان المشكلة مكانتش فيكي المشكلة كانت فيه هو واللي عمله معاكي كله حيعمله معاها ويمكن أسوأ الا اذا هي كانت اقوى منه
#النرجسي #الحرب #التعايش #الخداع #اللؤم #الكتمان #القوة #زواج #ازواج #زوجات #اسرة #الخفي #النرجسيالخفي #القوة #الثقة #الاكتئاب #الصحة #النفسية#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية
27 авг 2024