هاذي عقوبة من ربي سبحانو، درتي معاه الحيلة باش عمومك ما يدوش حقهم من الورث. ربي هو لي يقول انو في حالة ماكاش ابن ذكر لازم العموم يدخلو فالورث بعد وفاة الأب، و انتي جيتي زعما مارڨة و حبيتي تتحايلي على قانون الله كي شغل انتي تعرفي خير منو. مالا ربي عاقبك بطريقة اخرى و راحلك رزقك. هذا جزاء من يعترض على قانون الله و يتعدى على حدوده.
لا حول ولا قوة إلا بالله العلي العظيم.صاحبة الحكاية تعديتي على شرع الله وهذا عقاب الاهي استغفري وتوبي توبة نصوحة وقانونيا يغلبوك ولكن طالبي تقعدي في السكن وحاولي تاقفي من جديد اياك تفرطي في خدمتك هي سلاحك الوحيد في هذي الدنيا غلطتي غلطات كبار معرفتيش تسيري وتتقي الله لا حول ولا قوة إلا بالله العلي العظيم ربي يفرج عليك ويفك كربك ويجبر بخاطرك يا رب العالمين 🤲 اخت صفية ربي يوفقك إن شاء الله 🤲🤲🤲
وكإضافة لتعليقي السابق ننصحك تتطلبي من اهل زوجك على الاقل الدار والا حتى نصها تتستري فيه وخلاص ماتتطلبيش بزاف باش احنو عليك لانو كما قولوا اللي ذاق البنة مايتهنى وهما ذاقوا الدراهم فمستحيل ارجعوهملك وانت اللي مديتيهم لراجلك بكامل ارادتك راهو حقهم ذرك وللأسف كما تدين تدان
الله يشافيك اختي المهم علبال ضهرك ديري الحلبة مطحونة مع خل التفاح خلطيهم مع بعض وديريها في البلاصة الي دارتك وغطي بسربيته قاع على ضهرك وصباح تصبحي بخير من الضربة نشالله
السلام عليكم و رحمة الله اختي صاحبة القصة ربي يفتح عليك ويسرلك أمرك هي صح غضتينا وندعولك لكن ياواختي لازم مانتعاملوش بالعاطفة لازم الحق يقال نت غلي وغلطي شحال من غلط والواجب انك تسالي كيفاش تكفري عن خطأك وتعرضي قصتك هاذي للشيخ ثقة يا الاخت على بالك اول كذبتي وقذفتي ولد عمك بغض النظر على نيته بصح نت لي ستدرجتيه هذي كلمت حق ثانيا تصرفتي بانانية علبالك بلي في شرع الله في ميراث نت تورثي مكانش لي يديلك حقك وكذالك عمامك يورثو بصح نت بخطة تاعك منعتيهم من حقهم الشرعي ولي هو ميراث لهذا يا اهي كفري عن ذنبك و سالي شيخ موثوق على واش درتي وعلى واش صرالك شفت كيف صرالك نفس طريقة تقريبا لي درتيها باش تدي كل الورث وحدك جاو وداوهولك بكل بساطة نتمنى تقبلي كلمة الحق وتستفتي بلاك وقعني في خطأ كبير وتوبي الى واستغفر و تشوفي فرجر الله وعوضه كيفا يكون ونتمنى اذا كان لك.حق يرجعلك
أولا أنت ظلمتي ولد عمك وشوهتي سمعته والظلم حرام وثانيا ديتي ورث بوك بالحيلة والخبث وبعدها جاو لي نحاوه عليك هذاك الورث بكل سهولة. كما تدين تدان والظلم حرام. ولي غاضني كل هو بوك مسكين الله يرحمو ظلمتيه هو الأول بالزعاف والقلقة وهو مريض ماحنيتيش عليه وشوهتي ولد خوه في عينيه وكرهتيه في خاوتو وقطعتي بينهم صلة الرحم لي وصانا عليها رب العالمين وهذا لي عجل بموتو بعد 8 أشهر محروق على خاتوا وبعدها ذقتي نفس الصاع توفى راجلك بسرعة وراح الورث كما ديتيه بالحيلة ولا حول ولا قوة إلا بالله.
@@sabrinabousnina8219 لالا يا أختي العزيزة ماراهيش الوريثة الوحيدة بعد وفاة والدها لانه في الشرع كي يتوفى راح يورثوا معاها عمامها وعماتها بما انها ماعندها اخوها ذكر ولكن المشكل وين راهو؟! كي راحت دارت الحيلة وشوهت ولد عمها وقطعت صلة الرحم بين بوها وخاوتو ومسكين بوها مات بالحسرة بسبب المشاكل بينهم كانت قادرة تتوكل على ربي سبحانه وتقنع بوها بشويا بشويا باش يكتبلها الدار وتقولو ماعنديش وين نروح من بعدك وتدعي ربي سبحانه يوقف معاها وماتفرقش بوها مع عمامها بسبب وسخ الدنيا!!! هنا كان ربي سبحانه راح يبارك فيها وفي أي حاجة تورثها من بوها ولو القليل. الله يهديها ويفرج عليها وعلى كل مؤمن.
المشكل هي غواها الشيطان ودات حق الورثة لانو حتى عمامها وعماتها اسالو في الورث وداتو بطريقة شيطانية ربي يهديها توب على ذنبها وتدعي ربي يرجعلها حقها وترجع حق الورثة وربي اقدر الخير
35:39 سلام اختي صفية ديري توقيت للايف باش نشوفوه ونعرفوا من قبل كيما عرض الاول فهمتي عليا باش نقدرو ا نحضرو بالنسبة لصحابة القصة تروح عند مشايخ المساجد يهضرو مع اهل زوجها ربي يرحمه لوكان يردولها غي سكنة والله غضتني😢
نقول المولات القصة قدر الله و ما شاء فعل نوصي حبيبتي و حوسي على كرى جديد و رجعي لخدمتك عسى الله يجبر بخاطرك حبيبتي و يرزقك زوج صالح ربي رحيم حبيبتي و تقربي من الله انا متأكدة ان الله سيعوضك بنتي
صفية أختي كاين شي نسا مراض هاذاك الحسد أعوذ بالله من سر النفوس أما صاحبة القصة نقولك أختي كبرتي كرشك على الورث كنت تدي غير حقك أو ربي كبير يخلص كل من ظلم انت حسبتي روحك قافزة وديتي حق عمومك كما تدين تدان انا مشفتنيش لا خطر مقدرتش ثقثهافي الله سبحانه وتعالى
ربي يشفيك أختي عليك على هذا الوصفة رائعة وجربتها بعد معاناة كبيرة مع السعال كنت مشتاقة نشرب البارد ولا ناكل المثلجات وذرك الحمد لله تأخذي250غرام عسل حر + 125غرام زبدة بقر حرة+ملعقة كبيرة قرفة بودرة+ملعقة كبيرة زنجبيل بودرة أم جي كامل المقادير مع بعض وطويل ملعقة أكل على الريق وملعقة أكل قبل النوم وكل ما تجي تاكلي خليط مليح المزيج
ايماجيني يجي خوك ينوضك من رقاد و نتي راقدة يقلك نوضي اي العشرة تجي تنوضي متقدريش تسمعيه يضحك و يعيط على يماك و يقلها وقيلة لبهلولة هاذي ماتت😆 تجي امك تقلك نوضي يابهلولة و نتي تجي تنوضي ماتقدريش تجي تضحكي معاهم متقدريش تجي تحلي عينيك ماتقدريش تجي تتحركي ماتقدريش يولي خوك يحرك فيك و يقول وشبيها هاذي بلاك داخت يضرب من يضرب من مكان والوا حتى تسمعي يماك تعيط بصوت تم تعرفي بلي خلاص راكي ميتة تنساي لعياط تاع يماك و خوتاتك تنساي لبكى تاع خوك و باباك يعدي عليك فيديوا حياتك قدام عينيك 💔 تتفكري بلي راكي محبسة صلاة و رقدتي بلا صلاة تتفكري بلي رقدتي على معصية تتفكري صباعك فيهم لفارني تتفكري كي تمشي برى و نتي ماش محجبة و ناس تشوف لشعرك .... تتفكري شحال من واحد قستي تتفكري شحال من واحد ظلمتي تتفكري اذا ميمتك بكيتي تتفكري لمعاصي لي درتي و لخرجات لي خرجتي تتفكري بلي هدرتي كلام لعيب للناس و درك مكاش كيفاش تفاصيه حتى تسمعي ضجة زادت فدار و غلقوا عليك شومبرتك و ميمتك و خواتاتك دايرين عليك و يعيطوا تجي تقوليلها سمحيلي يا لميما اذا نهار قستك ول بكيتك بصح تلقاي روحك صايي راكي روطار حتى تلقايهم رفدوك و رايحين يغسلوك درك ينحولك قشك باه يغسلوك و لميمة تسلم و تبكي درك يكفنوك و يستروك بالكفن يستروك في نهار كي عجزتي نتي لاتستري روحك حياتك كاملة تودعك لميمة و هي تعيط تجي تبكي متقدريش تجي تحكي و تقولي اصبري ياميمتي و دعيلي ماتقدريش يدوك يصلوا عليك جماعة يعبوك خوتك و باباك على كتافهم توصلوا للمقبرة تلقاي بلاصتك محفورة واجدة تجي تهربي و تقولي علاه مزروبين وجدتوها متقدريش يدخلوك في حفرة ديقة بزاااف يزيدوا فوقك حطبة خشينة يرموا عليك تراب خلاص راكي فالظلمة تسمعي صوت رجليهم و هوما ماشيين و مخليينك وحدك داركم راجلك و ولادك حبابك... في ديك اللحظة تتفكري بلي حاجة ماتنفعك درك من غير أفعالك و اقوالك تتفكري كي قال ربي يوم لاينفع لا مال و لابنون إلى من آتى الله بقلب سليم...🙂 وقفة تذكيريية فقط ... هيا نستغفروا كامل باه تكونلنا في ميزان حسناتنا ربما ليوم كيف هذا 🌸 أستغفر الله العلي العظيم و أتوب إليه....🤲🥺💔 اللهم استرنا فوق الارض وتحت الارض ويوم العرض 🤲💫
صلوا على محمد صلى الله عليه و سلم ويمكرون ويمكر الله والله خير الماكرين خوتات ماتقعدوش تتحايل ربي هو المدبر والارث ربي داره ما تتحايلوش على حكم ربي روح عند الاءمة يهدر معاهم هذو ما يخافوش ربي.
صح حيرتيني الاخت صفية تقولي مسكينة انا بالنسبة ليا هذا كما تدين تدان حتي هي وباباها غلطو نورمالمون يمدو حق عمومها ولاد همها من حقهم ورب عطاهم حق الارث في اخوهم
فرقتي بين بوك وخاوته والعائلة كلها على جال الورث، بوك الله يرحمه ضغطتي عليه بكل الحيل، فراق خوته حتى هو أثر فيه بزاف مسكين ومات معاديهم على سبتك. إذا حتى انتي وقع لك نفس الشي، واش فيها كون درتي النية وخليتي الرزق على اسم البوك، كنتي تربحي عائلتك وراحة بالك انتي وابوك وعائلته ؟؟ النية والحيلة خطان متوازيان جامي يتلاقو. ربي للي يعطي وربي للي يقلع مافيها لا محامي ولا هم يحزنون.
