المهيبة هاذي دارهالك ربي سبة باش تحلي عينيك وتبعدي على هاد الشماتة الي قاعد غير يبروفيتي في دراهمك ويضيعلك في وقتك.اذا حبيتي نصيحتي طيشي عليك عرة الرجال ومتشوفيش كامل وراك
@@DesertRose124 oui je peux dire qu'elle est naïve ou bien l'amour lui a fermé les yeux. L'essentiel qu'elle s'est enfin retirée de cette relation toxique. Et inchallah elle tiendra tjrs à cette décision
تجيك ندامة نتاع أربع سنوات خير من ندامة العمر كلو راح يعوضك ربي خير العوض وخير الرجل وراكي خدامة تدي سيد سيادو وهذا لوكان يبغيك صح يتحدى جميع الضروف غير باش يرضيك انسايه مايستاهلك مايستاهل تضحياتك عليه
هذا ما تندميش عليه طول والله ما هي حكاية مهيبة اصلا هذا قليل اصل لي يرضى على مرأة تعاونو وهي ما زالت في دار باباها هذا كلب وما يستاهلكش وعند الحق ريح السد تدي ما ترد
انا نقلك حاجة برك، الشه فيك، تستهلي. السيد ماشي مامبا خدام و رايحا تاخديه، احمدي ربي تهنيتؤ منو و من يماه، هي قانا ما تسواش، نتوما تدو لبنتها كل مرة و هي غاضها فيك شويا لحم و تقولك الكبش صغير، ما دارتش حتى قدر لختها، هادي باينا كانت رايحة تعدبك. لوكان فيها الخير حتى و لوكان وليدها ما عندوش، هي جيب لبنت ختها، يا لوكان حاجة رمزية
صح غزيتيلها والله لازم تصلي لربي وتحمدو انو نجاها منو كيفاش هي وماليها كل عام يدو في المهيبات وهي تشوف غير بعينيها مستخسرين فيها طرف صابون مناقص من زواج كيما هاك وجن جنوني رويجل الي يطلب من لمرا تمدله دراهم لو كنت منها نبزق عليه ونروح ماشي نساعف فيه ونمد دراهمي ليه حتا ماشي مقيمني وخالتها الكارثة حتا لو وليدك ماشي راجل بصح هاذي بنت اختك حتا لو تسلفي وتجيبيلها ماشي خسارة ياك من لحمك ودمك اصلا زواج الفاميلا دايما هاك غير الميزرية والحقرة وقلة شان
درتي مزية في روحك حمدي ربي سبحانو كي عملتي هذي الخطوة واربع سنوات ما تندميش عليها تأكدي ربي يعوضك عليها احسن مما تتوقعي وراح تسجدي لله شاكرة على تعويضه
لازم نفرقوا بين المستوى العلمي و الثقافي . لان البعض عندهم مستوى علمي عالي لكن ناقصين في الثقافة الدينية و كيفية التعامل مع المراة لا احترام لا تقدير .... اعطيهوا لي فاهم الله لا قرا
والله والله غير ربي يبغيك علبالك حياتك معاه كيفاش راح تكون تخدمي عليه وعلى دارهم من الاول ديري قيمة لروحك ربي راح يغوضك بالاحسن متأكدة.... وخوك جايح الله غالب كون جا راجل يدير قيمة لخته لي هي عرضه وشرفه
انا ضد الخطوبه الي تطول ..البنت كي يجيخا مكتوبها نتزوج ما تظلش تنتظر في شخص يكون نفسه و من بعد يغيرو رائع ..ما تضمني حتى شخص ولد خالتها ولد عمكها و ما احشمش من فميلته و تلعب بها ..هذي عبارة كي يوجد الواحد روحهم يتقدم
كما الولد كما يماه، كشافت روحها ما تديش لبنت أختها علاش تخلي بنتها تتشرط على خطيبها؟ شغل شايفة بنتها غالية و بنت أختها رخيسة. الحمدلله الذي أظهر حقيقتهم دروك ربي يعوضك خير منو راجل نتع الصح خدام، مسؤول و يحترمك.
ربي بغاك ،تهنيتي منه ،السيد مشي خدام ،وكان رايح يستغلك ،ومازلت صغيرة ،ديري حاجة في راسك ،مشي مكتوب لك ،عيشي حياتك و خليها على ربي ،،العبد في التفكير و الرب في التدبير
الحمد الله كي متزوجتيش بيه خاصة انه بن خالتك .صلي ركعتين شكر لله ربي يعوضك احسن منه انتي راكي بخدمتك تستاهلي احسن هذا الرجل لو كان يبغيك ماشي 4سنين و زيد يتسلف عليك دراهم يعني كي تتزوجي معاه يطمع في دراهمك
شافوك خدامة طمعو فيك و هو استغلك ، من البداية باينة الحالة ماشي نيشان ، تستاهلي كل خير ، لازم عليه يتفكرك في المناسبات و يدير كيما يديرو الناس في المجتمع ، ربي ما بغالكش الضرر و هناك منو .
لمهيبىة ماهيش ضرورية بصح المشكل هنا ماشي هي المشكل حسب رأيي انها علاقة مسمومة وغير متكافئة تهنيتي منو اخرجي صيفي البييكولي قلشي روحك اخطيك منو هذا زواج ولا طابور انتظار
الحمد لله راكي تهنتي منوا ونتي ربي يعاوضك جميع راجل لي يطمع في مرتوا ولا خطيبتوا انا عندي ماشي راجل شدي في ربي سبحانوا ربي يرزقك بزوج الصالح الصح لي يكون متربي ولي يخاف ربي سبحان
مهيب غي سب عصى ان تكره شيء وهو خير لكم ربي نشالله اجبلك زوج كا خير منوا ميجبلكش رجلة اجبلك كبش ربي ريحك من زمان وكلمة ختي صغيرة واجب مشي صغير وكبير الله اعوضك نشالله ما احسن منوا يا رب
سلام.يا صاحبة القصة لا تندمي على قرارك ،عسي إن تكرهو شيء و هو خير لكم وعسي إن تحبو شيء و هو شر لكم،لانه طبيا يجب تجنب هاد النوع من الزواج .لان اولادكم يمكن يجيو معوقين.والله يعلم الغيوب،ومادام يغزر يسافر عليك الدراهم هاداانسان ما عندو ش مبادء .ربي هناك منو .
المهيبة فتنة وتفاخر انا ولدي تفاهم مع خطيبتو على المهيبة بلي ماكانش واشرالها خاتم خير من المهيبة ماراهي لا سنة ولا فرض وزيد صاحبة القصة خير كي تفارقتي معاه لأن ولد خالتك ولد عمك زواج العائلة ودم واحد يقدر اولادك يكونوا مشوهين ومعوقين
اسمحيلي بصح ماشي كلش لازم يكون سنة وفرض باش نطبقوه كاين بزاف امور دنيوية ماشي مذكورين لا فالكتاب ولا فالسنة والمهيبة ضروري باش الراجل يوالف يصرف على مرتو شغل تدريب ليه يحس بالمسؤولية تجاهها من البداية ولي مايحبوش يجيبو المهيبة باينين من الاول ..والكتاب باين من عنوانو...لوكان جات صحبتو فلحرام كل شهر كادو وكي تخطبو بنت فاميلا تجيكم بزاف ...مع كل احترامي ليك ولابنك ..وربي يزين سعدكم ان شاء الله..مجرد رأي شخصي
@@AnfelNafoula-oq7ndلى متربي صح وراجل بمعنى الكلمة يصرف على مرته بلا قصة المهيبة ماشي هى لى ترده راجل مسؤول كان لى يجيبها وبعد الزواج مايصرفش على مرته وكان لى مايجيبش ويصرف على مرته المشكلة بالشخص نفسه
EL M'HIBA LEL DJI3ANINE WEL MECHTE9INE. BENTI MAKHTOUBA MAIS G TJOURS REFUSÉ HAD EL M' HIBA. 1 PETIT CADEAU COMME IL PEUT. HAMDOULLAH N'HAWSOU LEHNA BERK.
