شوفو الحصلي وانا بحط الزيت عشان تعرفو بس بيجرالي ايه 😅😅
مستنية رأيكم و اسئلتكم في comments ❤️
في الفيديو ده هنعمل مع بعض حجات هتفرق معاكم جدا في توفير وقتكم
و هتلاقو الطبخة كلها مش هتاخد منكم اكتر من نص ساعه 👌🏻
__
هنخزن فراخ علي الشوي و القلي و حجات من دي كتير
كلها علي التسوية
وخليني برضه اكتبلكم طريقة الممبار هنا
الطريقة :
اول حاجة نجيب ممبار
و نغسله من علي الناحيتين
و نعمله العجينة و ننقعه فيها ربع ساعه
و بعدين نشطفه
والله العظيم مفيش مكان اشتريت منه ممبار بالنضافة بتاعت جزارة اولاد عتريس وانتو شايفين شكله في الفيديو 😍
__
تسبيكة :
في حلة نحط ملعقة من زيت الزيتون مع ملعقة سمنة بلدي او زبدة صفرا
و ننزل عليه ب ٤ بصلات متقطعين صغير اوي و نقعد نقلب لحد ما يتشوح كويس
و بعدين ننزل كيلو طماطم مضروب في الخلاط
مع ٢ فلفل رومي و ٢ فص ثوم
و نقلب كويس
و بعدين ننزل ملعقة ملح كبيرة و ملعقة فلفل اسود صغيرة و ملعقة كبيرة صلصة و ملعقة كبيرة بهارات و اسيبهم بقي يتسبكوا..
بعدين نجيب الممبار بعد ما غسلناه كويس و نحشيه
ملحوظة مهمه
بلاش تحشوه اوي عشان ميفرقعش
و في مياه مغليه
فيها
بصل و طماطم و جزر و ملح و فلفل اسود و مرقة و ورق لورا و حبهان نسلق الممبار
من نص ساعه ل ساعه الا ربع و نخرجه بعد ما نتأكد انه استوي
و بس كدة
نجيب طاسة نحط فيها زيت
و ملعقة كبيرة زبدة صفرا و نحمر الممبار لحد ما ياخد اللون القمر ده ❤️
__
بحبكم اوي اوي اووووووووووووي❤️
14 мар 2023