😢😢القصة الثانية بكاتني بزاف.اختي مريم ما تذكريش الاسم لانه يقدر يقدم شكوى بالتشهير خصوصاً المنصب تاعه وهي لازم تفهمك انا ننصحها تحط اعلان في الجرائد خير ولا الفايسبوك
القصة الأولى أحمدي ربي ماحبتيش معاه اولاد خذي نصيحة باباك كفاش تقعدي مع واحد يخونك وبذلك ويحرمك من كلش؟ وقاعدة معاه والحب ؟ اي حب لي حطك خديمة على الأقل الخدامة تخلص وكرامتها خدني عقلك قبل فوات الاوان
يا اختي القصة الاولى غير ديري راي باباك . انا والله عشت مع نرجسي مايتبدلش الحمد الله طلقت منه . و انت راكي رايحة ضيعي صحتك و نفسيتك . روحي احكي لوالديك و هما يعاونوك .
صباح الخير مريومة واش راه غيث بوسيهلي نيابة عليا ❤القصة الأولى روحي الأخت ديريلوا الخلع وتهناي منه باش يحس باللإهانة خاطر مغرور ومتكير ونرجسي بزاف. و هاذا جامي يتبدل 😤 قاتلك نحبوا. 😤وعلاش هو ميحبكش !! كيما يقول المثل ذيل الكلب عمرو لا يتبدل 😤والقصة الثانية والله غاضتني صاحبة الوجع اختي الغالية. انت جيتي لدنيا بالحرام هكذا ربي سبحانه وتعالى كتبلك باش تجي ماعندك في حكم الله. حتي ذنب 😢 نداء لناس ليعايرو مجهولي النسب ويكرهوهم .وينبذوهم في المجتمع. .من هاذا المنبر نقولهم خافوا ربي فيهم حنوا عليهم احترموهم. راه عندكم ولادكم وعندكم بناتكم وهاذي الدنيا تستناو منها اي شيء وكل شيء منهم. ولي يضحك اليوم غدوة يبكي. يومااا لك ويوم عليك😢 غير خافوا ربي في اعراض الناس ضربة الله واعرة 😢 فإبن السبيل ذكره الله في القرآن (( وقال .وإبن السبيل )). هاذي ونسكت 😢إن شاء الله تلقاي باباك وتخدمي كوارطك هكذا ترفعي راسك قدام وليداتك لما يكبرو تحية ليك اختي🌹🌹
مزلتي صغيرة يا أختي شوفي تناقشي معاه وأعطيه فرصة أخيرة وإذا تبدل ويعاملك مليح اللهم بارك وإذا قعد على نفس الحالة خرجيه من حياتك قبل ما يخرجك هو والله رجال كيما هاذو الطلاق احسن الف مرة من معاشرتهم وزيد حارمك من اخواتك قطعلك صلة الرحم لأ لأ يا اختي والله كارثة ربي يفرجها عليك في أقرب وقت يارب
ياختي نصيحة من عند اخت مجربة النرجسي مايتبدل نعلبو الحب لي مديلكش قيمة روحي قيمي روحك مذامك تقارعي للحب تزيدي تنذلي كثر ويديىك خدامة وجيبهم لك لدار وتشوفي وتسكت مذام بدراهمه يدير كلش فيك ومتي تسامحي هو يزيد نقضي روحك وشوفي واحد يخاف ربي وقيمك خمي بعقلك مشي بقلبك ونتمنالك كل الخير نصيحة من عند وحدة مجربة ودخلي في لفديو تاع النرجسين وتعلمي بزاف سوالح عند بروفسير زينب قناة تفيدك أنشاء الله
مولات قصة اولة نعل بو حب لي تعرفيه رووحي خمي علي مستقبلك اطلقي عجوزة درلها قيمة نتي يقولك نوضي من حذيا مزال تبغيه اسمحيلي هاك تولي تذلي في روحك مع وقت يقيسك ماطوليش
صاحبة النداء الأول كاين فرق بين الحب وبين الذل ختي ,هدا راهو داير وحدة متسواش خير منك ومقلشها ومدللها,يعني راها مناقساتك ودات بلاصتك عنده في الحرام واش بقى?! ,سمحيلي ختي بصح نقولك تعلمي تحبي غي نفسك ساع ومن بعد تولي تفرقي في كلش ,ممكن ربي دارلك فيها خيرة ,ربي يعوضك من جيهة اخرى
ختي مريومة باينة بلي لشتات ماشي بوليسي ويقدر يشكي على تشهير مترسكيش بروحك وربي يهني مولات قصة انا نضن اب قاسي زي هذا كون تحوسي عليه وتحطي اسمو يديرلك مشاكل
صاحبة القصة الولى نفس القصة تاعي مذام ك خفيفة وعندك بابك في كتافك والله غي تغذي بيه قبل ما يتعشىبيك مذام يخونك ورك دقولي نرجسي ونرجسي ميتبدلش والله تزيدي تنذلي كثر وكثر عزي نفسك وعفسي. على قبك وكرمتك هي الولى والله غي تندمي كيزدو عندك ا لولاد يزيد يتمادى في الخيانة
للقصة الاولى اسمحيلي بصح عيشي وأشبعي الهم امالا كي عاد متنسايهش ومتقدريش تخليه لاه برك نتوما النساء تحبو الذل علاه قيمو رواحكم في حدود ميش تتمزاي عليه بصح راجلي يديرلي حقوقي وانا نديرلو حقوقو ميش يعفسني ونرجسي....وو خطش اكي عبد والمرأة حساسة اكثر من الرجل ياو فيقي مولات القصة قبل ماتندمي ويتزوجها وجيبلو ولد
القصة الأولى والله حيرتني هاذا القلب أكويه طيحلك كرامتك فيقي وأحمدي ربي معندكش لولاد معاه من عندي أطلقي خوذي راي باباك وماتبكيش عليه نرجسي وخائن من فوق انا كون جيت أمك والله نضربك وسمحيلي وروحي جدي حياتك أرفعي عليه قضية إهمال وتعذبب نفسي رايحة تاخذي حقك اما القصة الثانية بكاتني ألحمد ألله كي فرج عليكم ربي اما خالك يلقاها زينة في الدنيا والٱخرة
