حتة حكمة - اقتناص الفرص 

👇خمس طرق لدعم القناة
• خمس طرق لدعم القناة
👇كورس التخطيط الفعال
• كورس التخطيط الفعال - ...
👇كورس أمهات منجزات
• أمهات منجزات - كورس جديد
👇حمل تطبيق القناة
bit.ly/AlibookApp2
-----------------------------
تسوق الكتب ومعدات التصوير في متجري على أمازون
amzn.to/2zRvv8i
----------
- في مقولة عجبتني سمعتها من فترة بتقول ..
"عندما تأتي الفرصة يكون قد فات وقت الاستعداد!"
When opportunity knocks, it’s too late to prepare
كتير مننا مُنتظر فرصة .. أو محتاج فرصة في أمر ما
لكن كتير مننا برضه مش فاهم طبيعة الفُرص
تخيل صياد ماشي في الغابة .. شايل البندقية على ضهره .. مش متعمره أصلاً
لو سألته ليه ما يعمرش البندقية ويمسكها في وضع استعداد ؟
يقولك لما يبقى يظهر قدامي حاجة ينفع نصطادها .. والا هتعب نفسي عالفاضي!
قارن ده بصياد تاني بندقيته جاهزة وماسكها في وضع استعداد
ويقدر يستغل اقل فرصة تظهر قدامه ..
يقدر يستغل مواقف .. الصياد الأولاني مش هيعتبرها فرص أصلاً
الإستعداد للفرص فايدته مش بس في أنه هيساعدك تستغل الفرصة لما تجيلك
في الواقع الإستعداد للفرص بيزود عدد الفرص المتاحة!
أحنا ما بنعتبرش أمر ما فرصة إلا إذا كنا قادرين على استغلاله والإستفادة منه
لو مش هنقدر نستغله مش هنعتبره فرصة من الأساس
والإستعداد المسبق بيخليك أقدر على انتهاز المواقف دي
وبالتالي بيزود من عدد الفرص بالنسبالك
--------
3 نقط باختصار تخليك أقدر على انتهاز الفرص
--------
أولاً .. استعد للفرصة قبل ما تجيلك! .. قبل حتى ما تعرف إن في فرصة جاية
ثانياً .. اعرف نوع الفرص اللي انت منتظرها عشان تعرف تستعد لها
لو مستني فرصة لوظيفة معينة ..
شوف المهارات المطلوبة للوظيفة دي وابدأ في تعلمها في الحال
لو مستني فرصة سفر ..
جهز أي أوراق تقدر تجهزها من دلوقت
بحيث تخليك اقدر عالسفر في الفرص المستعجلة
أو قوي نفسك في لغة البلد اللي عاوز تسافرله لو كان بلد أجنبي
ثالثا .. كل مهارة بتكتسبها بتضاعف فرصك في النجاح
حاول دايماً يكون في حاجة جديدة بتتعلمها أو بتطور نفسك فيها
المهارات الجديدة بتخلق فرص جديدة
أتـمنى يكون الفيديو السريع ده مفيد ..
أشوفكم مع فيديو أخر قريباً
سلام عليكم