ياربي انصدمت صراحه من المعلومات وانا كنت مثلك الحمدالله اني كشفت الخطه وتراجعت والله كنت امس ابحث ف صور البيوت البوسنيه مع احد الرجال الكويتين جزاك الله خير انك نبهتنا والله كثير حريم اشترو بيوت ف البوسنه الله يعوضهن هن الضحيه 3 الالأف طلب على الأراضي حسب ماسمعت
كلام رائع وصحيح وسبق نصحت ناس من سنتين واكثر ومع الاسف اشتروا وهم امتلاك بيت بالبوسنه ، نصيحه ذهبيه انصحكم بها ومن خبرة : اذا اردتم فرضاً شراء بيت او شقه باي بلد آخر بتركيا كما كان سابقاً او باوروبا او شرق اسيا رغم اني ضدها الا لمن يرغب بتنويع استثماراته اما للسياحه فلا لانه يربطك بمدينه واحدة ستمل منها بعد سنتين المهم اذا رغبت تشتري فلا تشتري من مكتب او شركه او فرد عربي سواءً كان خليجي او غير خليجي سعودي او غيره لانه يبيعك باسعار غاليه ويعتبرك كيس دولارات شفت عروض عرب بتركيا عام 2017 سعوديين واماراتيين وكويتيين وسوريين والله ما ابالغ اذا قلت انها ضعف الى ضعفين اسعار المكاتب التركيه ، وكذلك بلندن نفس الشئ بالذات بشارع اجورد رود فابتعد عن اي كائن عربي اذا رغبت تشتري لانه بيغلي عليك ويسمسر عليك
وحكومة فيها فساد أداري كثير أنا من الناس اللي اشتريت في البوسنة وتعبت سنة ونصف لم تدخل الكهرباء مع إني مرخص قانونيا ودفع الرسوم للأسف البلد هذي مالها ضوابط إدارية 100% ولا عن صحة الاستثمار فيها ولا يجيني بنئادم ويدفع لي ما دفعته بدون ربح سوف أطلع اليوم قبل غدا
بيض الله وجهك الي اعطيت الناس الحقيقه وحسبي الله على المشاهير الي المفروض هذا المشهور الغفله يكون حريص على ابناء الشعب السعودي و الخليجي و يكون حريص على توعيتهم من النصب او الاحتيال او اي ثغره قانونية مو فاهمها اهم شي عند اي المشهور يكون عبد للمال هذا الي يهمه و تذاكر و تمشيه على حساب المسوق وياخذ حقه و يذلف
كفيت ووفيت وجعل الله هذه النصيحة في ميزان حسناتك الناس تحتاج من يوعيهم ويوقف الضحك والدجل الذي يمارس عليهم باسم تملك بيت في الخارج للنزهة او للسياحة والاستثمار وآخرتها سرقتهم او ايقاعهم في مشاكل هم في غنى عنها
انا اعرف شخص شراء من احد الشركات الموجوده في البوسنه و معروفه جدا ويجيب مشاهير و يعلن عن اراضي و يبيع يقول الشخص اللي اعرفه شريت منهم ارضين و متواصلين معي زي الحلوه يوم اخذوا فلوسهم قاموا يماطلون و يتاخرون في الرد علي بعد ما اخذوا الفلوس . طبعا انا قلت له هاذي اولها طيب لو صار شي ماهو مزبوط بالبلد كيف تاخذ حقك منهم هم قبل ما تشتري منهم يكلمونك بالكلام الجميل و المنطوق المميز يوم اخذوا فلوسهم صاروا يتاخرون عليك بالرد قلت اللي اوله كذا ينعاف تاليه
افهمو القصه العقار بالبوسنه كان برخص التراب والسعوديين هم من رفع اسعاره ويعلمني بوسني من الجامعه الاسلاميه كان ساكن بعمارتنا يقول ان ارض كان سعرها ربع قيمتها وجاء واحد من القصيم واشتراها باربع اضعاف وطلب فيها دبل يعني يبي يبيعها عليك القصيمي ب 8 اضعاف يعني هم لعبو عليه ويبي يلعب عليك هههه اذن المسأله اي ديره يدخلها العرب هج منها ويوجد دول اخرى لااريد ان اذكرها افضل من البوسنه
البداية كانت 2008 في ضواحي إسطنبول و طرابزون و زنقول .. وسرقوا أموال السذج .. وبعد أن تم فضحهم رحلوا إلى البوسنة و كرروا العملية و كرر السذج نفس الأمر .. نسأل الله السلامة و العافية
بيض الله وجهك .. بس بيجيك واحد مدربي راسه مو مقتنع ويصك بقرض شخصي ويقول هذه ما تتفوت ويقع في الفخ ..هذا كيف تفهمه ؟ . . مشاهير بارزين منهم إعلاميين مشهورين يروجوا لمثل هذه الاشياء حتى يكون التأثير أقوى والاقناع عالي ..
اظن ابواياس اللي قاله هو نفس اللي فهمه من السفاره لكن مايريد يقول قالو لي هذا الكلام في السفاره لأنها جهة رسميه ولايستطيع يتحدث باسم جهة رسميه النصيحه وصلت وبيض الله وجهك على صدقك
حبيبي هو سمع أشياء صادمة من السفارة لايستطيع ذكرها ومفهومة أصلا يعني أنا فهمت منه عنصرية موجودة أمن وأمان غير موجودة ضرائب وأكل حق الناس بالباطل هذا بخلاف أنك تبني بدون أن تتملك العقار وحتى لو سمحوا بالتملك راح يلعبوا عليك ويقولوا انت خليجي ومعك فلوس حلال سرقتك والنصب عليك (:
كلام صحيح وانا رحت البوسنه قبل شهرين المشكله ان احد الاشخاص يروج للاراضي في البوسنه رخيصه ولكن ما بعد الشراء البناء هناك غالي يصل سعر المتر ٣٠٠٠ ريال للاسف الشديد الكثير اشتراء
ياشباب انتبهوا انتبهوا من زبانية المكاتب العقاريه في البوسنه مابعد كلام الاستاذ خالد وتحذير الكثير من الناصحين والمحامين وتحذير السفارة السعودية في البوسنة وبيان السفاره البوسنية في الرياض
المفروض السفارة تطلع بيان يحمي المواطنين من غش المشاهير وتشرح أنظمة الدولة مافيها خجل او احترام هو قانونهم وهم فرحانين فيه ومن حقهم يحمون أنظمة التملك عندنا ومن حقنا نعرف الأنظمة من ممثلتنا سفارتنا مو أهل السناب
بيض الله وجهك يالحربي وجعلها في موازين حسناتك والله انه كان قرار عندي الشراء في البوسنة في اقرب وقت لاني كنت اجهل تماااما كل هالمصايب هذي!!! فعلا والله صدمة للاسف يعني كل هالناس اللي توسمنا بهم الخير والاسماء المحترمة كانو يخفون الحقايق هذي؟؟؟ قلت يخفون ولا ابي اعم الكل والا كان قلت (ينصبون ويحتالون) وللأسف انهم قدرو يحققون نجاح واننا لازلنا يمكن استغفالنا حتى في هذا العصر. سابقا كان النصب والاحتيال في الخارج يجينا من بعض اخواننا العرب لكن للاسف صار بعض ابائنا الخليجيين محترفين اكثر وشرهم على اهلهم.... للاسف
💙حسبي الله ونعم الوكيل في اللي يروج للسياحة الي البوسنة والله العظيم راح تنصدمون من الواقع وتتندمون وتردون ثالث يوم واذا معاكم اطفال علبونه بتونسونهم بالألعاب والأماكن الترفيهية والله الواقع يبچيهم. واي احد يمدحها بس سئلوه هل هي دولة سياحية؟!
فالبوسنه يستهدفون الخليجيين وبالاخص السعودية بحجة ان البوسنه دولة مسلمة وكان في حرب .وهذا الشي احنا عارفيه بس لاتستغلني من هذا الجانب حنا ناس عاطفيين وهما عارفين كيف يغرونا وجذبونا باسم الدين وانا بلد اسلامي وفيها اكل حلال ودولة فقير لازم نساعدهم اعلمه الرماية كل يوما ولما اشتد ساعدهُ رماني
عندنا في السعودية صحراء جرداء والمتر يتراوح من ١٠٠ دولار الى ١٠٠٠ دولار والكهرباء بسعر اجار شقه شهريا في البوسنه سنتين مهرباء ب ٣٠٠ دولار وفي الرياض شهر كهرباء ب ١٠٠ دولار . يوم القيامه قادم لا محاله يوم يعض الظالم على يديه يقول يا ليتني اتخذت مع الرسول سبيلا . تكلفة بناء منزل دور ٤ غرف ٦٠٠ الف ريال . ممنوع تبني الا على كيف المسئولين . انا لا ارى الا ظلمات
الصك المشاع عباره عن صك واحد لارض كبيره وانت تستخرج صك على جزء من هاذي الارض بحيث صك الارض المستقطع يكون فرع من الصك الرئيسي يعيب الصكوك المشاعه ان الغالبية منها اراضي زراعيه فا ما تنفع تطلع على الصك المشاع رخصة بناء واغلبهم يبنيها شاليهات او استراحات او مزارع صغيره واحواش