خبرات كبارالسن فرصة للإستفادة منها و بنلاحظ إن مع تقدم السن حساسيتهم بتزيد ومشاعرهم بتتأثر بسهولة 

كبار السن ساعات احب انا اسميهم كبار المقام كمان
كما أقرت world health organisation اللي هي منظمة الصحة العالمية ان السن الكبير بيبتدي من ٦٥ سنة قبل كدة احنا شباب
بعد السن دا بيبقى في مجموعة حاجات عايز اناقشها مع حضراتكم على رأسها
الناس شوية الشهوات المحركة للبني آدم بيتهدى عندهم حبتين تلاتة
قصدها ايه اللي بيقوى و بيسوء؟
" العقل"
ف هؤلاء العُقلاء ما يصحش ان احنا نضيع فرصة الاستفادة الجمة منهم من خبراتهم في الحياة و قدرتهم على البصيرة ' الإستبصار ' رؤية المستقبل in advance بدري بدري كدة
يجي يقول لك اصلك يا بني لو عملت كذا غالبا هيحصل كذا
بيبقى عندهم قدرة عالية جدآ بسبب تراكم الخبرات اللي منهم يعني كان عايش حياة سوية و قوية
بعض منهم بيقع في مشكلة تصلب الشرايين الطبيعي المُخية ، في المخ
بيحصل تصلب طبيعي مع السن دا بيؤثر شوية على التحكم في الانفعال بتاعهم
في الغضب بيبقوا حساسين زيادة من الكلام اللي ممكن يلمس المشاعر يعني
كمان بينسوا شوية مش جامد
إلا من رحم ربي و كان - خالوا بالكوا بقى-
كان بيمشي كتير
ما بيشلش هم اوي
بياكل اكل صحي
بيشرب مية كتير
الاكل الصحي اللي هو الناس اللي بتركز في اكل الأسماك و المأكولات البحرية عموما و الناس اللي بتاكل خضار و فاكهة و الناس اللي بتاكل مكسرات
على رأس الأسباب دي قصة روقان البال و راحة البال
حتى ما ضيعش أنا فرصة لما اقعد مع حد من كبار المقام و القامة و السن إلا و اقول له ' علمنا حاجة يا سيدنا' يعني نطلع منك بفائدة
في الظاهر إجماع على موضوع " حافظ يا بني على صحتك و ربنا يسترها عليك "
' يسترها ازاي يعني ؟' يعني عيش على قدك كدة و ما تشلش هموم للدنيا
و بتناقش مع حد من هؤلاء الأكابر من فترة ، قال لي و الله يا بني مشكلة من المشاكل الكبيرة اللي أجيالكم واقعة فيها ان ربنا بيدلهم ما بيشبعوش
ازاي يا استاذنا ؟
قال لي يعني بيبقى عندك كل حاجة
اللي تقدر تعيش بيها حياة كويسة قوي ف بدل ما بتعيش حياة كويسة بتفضل مركز في ازاي تكبر و تكتر الحاجة
و قعد بقى يكلمني عن الاستثمار و الاقتصاد و هو راجل يعني ايه ما شاء الله من أصحاب ال ٨٩ سنة ربنا يديله الصحة والعافية
الفترة اللي فاتت من عُمر الزمن بسبب التقدم الرائع الطبي في العلوم يعني الطبية المعنية بالصحة العامة إلى آخره يعني في ال life span عُمر البشر زاد شوية يعني كانوا يقولوا من كام سنة متوسط عُمر البشر على الأرض ٧٨ سنة و ربع
دا متوسط
في ناس بقى ما شاء الله كتير جدا بيخطوا ال ٨٠ سنة
بس هي الفكرة ازاي الواحد يحضًر ل انه يحيا حياة طيبة يبقى مطمن و مرتاح و مستمتع
مستفيد فيها و حامد ربنا على النعم
يغني عايش جوة النعم و يتفادى الألم
بحكي على الحكايه دي لأن الفترة اللي فاتت كتير من الشباب و الشابات بيقولو لما تقول له ' ربنا يديلك طولة العُمر ' يقول لك ' لأ لأ يا عم حلو اوي كدة '
يا سيدي افرض قعدت طيب !
اعمل الحياه اللي تخليك تعيش حياة بطريقة لطيفة و طيبة و منطقية
الحاجة التانية مع الحساسية اللي بتصيب مشاعر الناس من كبار السن بالذات اللي منهم بقى معندوش بقى هوايات كتير و فقد كتير من صحابه و بقى لوحده او مَوحود يعني
لابد ان احنا نراعي اوي عدم اعتراضهم و هم بيتكلموا
يعني مش لازم حضرتك تشوف مثلا والدك او والدتك كل يوم لو هتقعد تقاوح و تناكف معاهم
شوفهم مرة كل يومين تلاته اسبوع اسبوعين يا سيدي بس اقعد معاهم ان شاء الله ساعة اسمعهم، راضيهم
انا بحب اتعلم منهم و بحب افتح مواضيع
فعلا الموضوع genuine حقيقي
يحس هم اه اا دا احنا الناس محتاجين لنا
اه احنا محتاجين لهم على فكرة
الناس كبار السن دوول ربنا بيجعل فيهم بركة و بيطرح منهم البركة
المفروض
نتعلم منهم على قد ما نقدر
نستفيد منهم على قد ما نقدر
نقدرهم على قد ما نقدر
ما شوفتش حد فقد عزيز ليه من كبار المقام و القامة و السن إلا و قال لك " في حتة من حياتي بقت ساقعة، ما عدش دفا زي زمان "
ربنا يبارك في الكبار و يديهم الصحة
شكرا
سلام عليكم